17/10/2026
فوز مهم للاهلي حارج الارض ، لكن الاداء غير مقنع تماماً وخصوصاً ان الملعب كويس والجو حلو .
اراحة اللاعبين مهمة لكن بحساب، انت مغير انهارده ٧ مراكز مرة واحدة وانا شايف ان ده كتير جداً كتدوير ، الماتش كان حيهرب منك.
بردو مش شايف حاجة بتتنفذ فالملعب ومفيش شكل واضح للخطة.
الرتم بطئ جداً كانك مقلل سرعة المشهد علي 0.5
مشفتش ماتش للاهلي في افكار وانفيذ متكرر لشكل وطريقة لعب غير فماتش بترول اسيوط غير كده كل تشكيلات البداية فيها اخطاء وبرجع اقعد الم فيها الشوط التاني
الاهلي طول عمر ميزته انه بينزل في ٨٠٪ من الماتشات يخلصها في اول شوط ، لو اتعودت انك تستني الشوط التاني عشان تعدل من نفسك ممكن اوقات كتير الظروف متخدمكش زي ما خدمتك انهارده .
لازم تثبيت تشكيل علي الاقل ٤-٥ ماتشات عشان اللعيبة تحفظ المطلوب بعد كده ابقي اعمل تدوير والتدوير لازم يبقي بشكل مدروس وفي ٣ او ٤ مراكز فقط.
