12/06/2026
كنت مع ولادي من يوم ما اتولدوا...
في كل مناسبة للمدرسه
في حواديت قبل النوم
في كل وجبه صحيه
في كل جلسه تخاطب
في كل عيد و مناسبة
في كل خروجه و لعبه و رياضه
غيرت شغلي حسب ظروفهم
قعدت من الشغل علشانهم
رجعت الشغل علشانهم
درست تربيه علشانهم
استمتعنا بحدائق ... وكتب ... وخروجات... و بحور... و مغامرات...
مفاتنيش حاجة
و مش ندمانه علي حاجة معاهم.
و الصفحه كانت كل كلمة فيها بناء عن تجربتي الشخصية معاهم.
كبروا و إستقلوا كتير .... خاصة الولد.
كان ممكن يبقي لازق فيا و أكون كل حاجة في حياتة و مش عارف يبعد عني لكن من أول يوم و أنا نويت إني مش بربيهم لنفسي ... بربيهم لله أولا ثم لما فيه منفعتهم ثانيا...
و إستقلالهم أهم شئ
علشان كده دوري الواضح قل جدا و دي علامه كويسه جدا و مؤلمه جدا
الحمد لله
