17/01/2022
5 فوائد للمياه الباردة هتخليك Super hero
🚿🛁
•➖➖➖➖➖➖➖➖➖•
إتعودت من فترة كبيرة قبل ما أتمرن صح أو أبدا أمرن ، من فترة كبيرة في بداية دراستي للتربية الرياضية ،
(إن الغرض من التمرين والحياة الصحية أبعد بكتير من تحسن شكل الجسم فبالتالي بيشمل عوامل كتير ابعد من (شكل وحجم وشده التمرين، التغذية الصحية، الراحة، الخ )
عوامل تساعد علي تنمية (الإنتاجية،النشاط اليومي، مستوي الطاقة،،وغيرها.
(وإنهردة جايبلك عامل مساعد منهم (الدش البارد) هيساعدك فحياتك سواء بتتمرن أو لأ، وهيزود “بشكل مباشر” علي مستوي (السعادة،الصحة،الإستشفاء)
وانا كتبت (الدش البارد) مش حمام السباحة البارد (المغطس) لإن فالحالتين تقدر توصل لنفس النتايج فمتكسلش 🙂
•➖➖➖➖➖➖➖➖➖➖•
🚨الفوائد:
1️⃣ يقلل من التهاب العضلات.
عمرك حسيت قبل كدة بألم شديد فالعضلات تاني يوم الصبح بعد تمرين عالي الكثافة؟
أو جربت نوع جديد من النشاط البدني خلاك تحس بوجع فالعضلات؟
يُعرف هذا الانزعاج الجسدي بألم "آلام العضلات المتأخر"
وممكن يكون مؤلمًا لدرجة أن المصابين بيه يلجأو لإستخدام مضاد للالتهابات لتخفيف آلامهم.
وفمعظم الحالات مبيستحملش المصاب هذا الألم وبيكون سبب فالتوقف عن التمارين الروتينية بشكل جزئي أو كلي.
والكلام ده يشمل أي نشاط بدني يدفع الجسم الي حدود أبعد من المعتاد عليها - حتي شغل البيت والأعمال المنزلية. خاصة لو انت شخص مبيتحركش كتير لظروف العمل أو ساعات الدراسة،
والسبب إن الحركة الجديدة بتسبب تمزق مجهري في الألياف مع إلتهاب خفيف فالإنسجة وده ممكن يكون سبب الألم المبالغ فيه.
وثبت علميا أن الإستحمام البارد أو الحمام البارد يساعد في مواجهة الأثار الجانبية ديه..
احد فوائد الدش البارد إنه بيقلل درجة حرارة الأنسجة التالفة وتحد من الأوعية الدموية، وده بيساعد في تقليل أي تورم أو إلتهاب، وكمان تخدير نهايات العصب، وده بيساعد علي تقليل أي ألم.
عشان كدة بدأ الرياضيين المحترفين لإستخدام حمامات الثلج بعد التمارين الشاقة في الفترة الأخيرة، بس مش بالضرورة انك تبقي رياضي محترف عشان تستخدم نفس التكنيك وتستفاد منه..
مجرد دش بارد بعد التمرين أو الصبح بدري هيديك نفس الفوايد الي انت محتاجها أو حتي بعد الأعمال المنزلية وغيره.
هتلاقي نفسك مش محتاج مسكنات ومضاد التهاب لو عملت كدة في روتينك، لإنك وصلت لطريقة سهلة وطبيعية💪
