25/07/2026
◐العيال في بداية سن المراهقة ومرحلة النمو محتاجين بس شوية طناش فاخر! بدال ما نضيع طاقتنا في الخناق على حاجات كده كده بتتغير لوحدها مع الوقت تعالي نفضها سيرة ونريح دماغنا:
▶︎دليلك السريع لـ ماموشي شوية روقان ☕↯↯
✥اللبس عجيب ومكعبل؟
سيبيهم يلبسوا! هو كده كده كم سنة وهيفتكروا الصور دي ويموتوا على نفسهم من الضحك، ويسألوكي: انتِ ازاي سبتينا ننزل كده؟! ساعتها قولي بثقة: كنت بسيبكم تعبروا عن شخصيتكم يا حبيبي.
✥طريقة الأكل مش ألطف حاجة؟
بدل ما القعدة على السفيرة تقلب تحقيق شرطة، عدلي بالراحة ومن غير عصبية، أو سيبيهم يكتشفوا بنفسهم في أول خروجة مع أصحابهم إن الاتيكيت بيفرق
الحياة بتعلم أسرع من الزن والله!
❥الخناقات والقفز على كل كلمة؟
اختاري معاركك صح! مش كل حاجة تستاهل نرفع لها حاجبنا. وفرّي طاقتك وقوتك للحاجات اللي فيها خطر بجد أو أصول وقواعد أساسية، والباقي؟ كبري دماغك شوية 😂
خلاصة الكلام:
السن ده مرحلة تجارب وتخبيط.. لو وقفنا لهم على الواحدة، العلاقة هي اللي هتبوظ ومش هنسلم من النكد. استهدي بالله -أعملي كوباية شاي وافتكري إن كل ده فترة وهتعدي وهيبقوا زي الفل!
↶و مش تاخدي كلامي علي انه سيبي الدنيا تخرب احنا عندنا قواعد أساسية زي يا غلام سم الله وكل بيمينك وكل مما يليك ال احنا اشتغلنا عليها من عمر سنتين- أنا باكد علي بداية ↶المراهقة و الخناق ال كل يوم علي الأوفر سايز و شكل الشعر - اي حاجه مش حرام مش بتتخانق عليها طول الوقت - الحرام و الحلال مفيش كلام بنشرحه بشكل مناسب لعمرهم الاولاد و البنات و بعيد ان كل دا كان قبل الدخول في العمر دا أصلا
