Hamasa Fitness Powerlifting

03/10/2023

5 نصائح لبناء عضلات بشكل صحى 💪
🤸‍♂ توفير مصدر للبروتين كافي لبناء الجسم
🤸‍♂ توفير الفيتامينات والمعادن والألياف
🤸‍♂ مصدر طاقة مناسب لبناء العضلات
🤸‍♂ البرنامج التدريبي المناسب
🤸‍♂ الراحة

#الرياضة #نصائح #التمرين #للرياضيين

26/10/2022

🔺عرض التدريب الاون لاين
ال (3 شهور + 1شهر اضافي) فقط بسعر 650 جنيه بدلا من 200‪0 جنيه

🎯تفاصيل التدريب الاون لاين والمتابعة
◀️ خطط غذائية متغيرة كل 15 ل 20 يوم
َمصممة حسب الهدف المطلوب .
🔼برامج تدريبية للجيم او المنزل فيديوا وصور .
🔼متابعة سؤال وجواب عبر واتساب والرد يوميا على جميع الاسئلة
🔼تمارين الكارديوا والبطن
🔼مقارنة النتائج من خلال تطور الانبودي والصور كل 15 يوم وتجديد الخطة الغذائية والتدريبية .
🔼توصية المكملات والفيتامينات .
________________________________
للاشتراك في العرض ومعرفة التفاصيل ارسل رسالة عبر الخاص
🚫تنبيه المتابعة والتدريب اون لاين فقط وليس نادي رياضي

10/09/2022

جميلة اوى وغالبا بتمشى مع ٩٠ % من جميع الرياضيين

حاجة كده بسيطة لازم اى حد بيروح الجيم يكون فاهمها او حتى شخص عادى يارب تفيدكم
ايه هى السعرات الحرارية هى الطاقة الكامنة ف الغذاء بالعامية هى اى حاجة تشربها او تأكلها بتتحول لسعرات
طب الاكل اختصار بيتكون من كربوهيدرات بروتين دهون
جرام الكارب والبروتين بيساوي ٤ سعر حرارى
جرام الدهون بيساوي ٩ سعر حرارى
طب لو انت راجل رياضى بتروح الجيم هتشوف وزن جسمك كام واضربه ف ٣٠ هيطلعلك محتاج كام علشان تحافظ على الوزن ده عاوز تزيد بتزود ٥٠٠ سعر عايز تخس بتقلل ٥٠٠
لو انت راجل عادى اضرب وزنك ف ٢٥
لو انتى بنت اضربى ف ٢٠
لو انت رياضى الكارب بتاعك يفضل يبقى ٥٥% زى ما جورج بيكلم ف الفديو ٢٥ % بروتين ٢٠ % دهون
جدعان موضوع انك تخس وتزيد أسهل حاجة ف الدنيا والله لو انت فاهم الكلمتين ال فوق دول والله
الصعوبة كلها ف فلوس الاكل 😅😅 وشوية صبر على النتائج

طبعا الكلام ده محدش بيقولوا لانه باب رزق عند نااس كثير
الله يرزق الجميع
جدعان ده قانون التغذية وده ٦٠ % من ازاى تعمل عضلات
فهمت حاجة
طبعا لو عايز تعرف اى نوع اكل ف كام سعر اسأل جوجل ياعم

24/08/2022

للرياضيين الذين يعتمدون على الاكل الطبيعي ●

● البروتين
البيض ( بياض البيض) : من أسرع أنواع البروتين أمتصاص خالي من الدهون سهل الهضم

● تونه ( دايت) يفضل : بروتين صافي مزود ب Omega 3

● اللحوم والاسماك والدجاج والالبان

● بروتين الكاسين :
الجبن القريش بطيء الأمتصاص او ( جبن العرب) – غني بالكالسيوم – يحتوي على الزنك محفز التيستيرون .

● مكملات ما قبل التمرينً و طاقة تركيز :
( القهوة بدون سكر + موز )

● الكربوهيدرات الطبيعية وتوجد فى :
(البطاطس البطاطا الارز المكرونه الشوفان قبل تمرين بساعة ونص و غني بالفيتامينات و البروتين أيضا و فطور ممتاز و يمكن تناوله بين الوجبات الرئيسية .

● مكملات ضخ الدم :
البطيخ من أهم مصادر الأرجينين .

● محفزات هرمون التستوستيرون الطبيعية :
الأسماك بأنواعها – الحلبة والنوم الصحي وتمرين الجسم كامل ولا تتهاون بالرجلين فهي اكبر محفز للتيستيرون .

● حوارق الدهون
الشاي الأخضر المعد خصيصا للتخسيس وليس العادي

● الاوميجا 3 وتوجد فى :
التونة و المأكولات البحرية عامة .
يوجد منها اقراص بالصيدليات

● فيتامينات طبيعية :
الخميرة غنية بالأملاح المعدنية و الفيتامينات
( يوجد منها اقراص بالصيدليات ) .

● الموز من أفضل مصادر البوتاسيوم الذي يساعد على التخلص من مياة الجسم الزائدة
و ايضا شرب الماء كثيرا يساعد على تخفيف ملوحة الجسم داخليا مما يقلل من أحتباس السوائل بالجسم .

● منظفات الكلى
مغلي البقدونس يمكن ان يشرب باردا . ينظف الكلى و يغسلها .

● الاناناس
يحتوى الاناناس على انزيم برومولين المنشط الطبيعى واللذى يتواجد فيه بكثره . يعتبر انزيم برومولين من الانزيمات المهمه جدا للرياضيين حيث انها تفيد فى حالة تعرضهم للاصابه بالاتهابات حيث انه مهدى فعال فى حالة الاصابات
ــــــ حاول تكون فاهم لان اللعب عن فهم ف المجال بيديك نتيجه سريعه وبلاش تلجأ للطرق السهله زي (الهرمونات وغيرهااا من الاساليب الي بتدمر الجسم مش بتفيده)

»»خليك ف المكمل الطبيعي وعمرك ما هتندم
#كابتن.حماصه

17/06/2022

تمرين البلانك

1️⃣ يساعد تمرين البلانك على بناء وتقوية عضلات البطن والأرداف والمؤخرة .

2️⃣ له تأثيرٌ واضحٌ على تخفيف آلام أسفل الظهر .

3️⃣ تمرين البلانك يعمل على قوة ال ( core ) أي جذع الجسم وصلبه وأساسه وبالتالي يزيد من قوة التحمل .

4️⃣ زيادة مرونة العضلات الخلفية والعضلات المحيطة بالأكتاف والترقوة .

5️⃣ يساعد تمرين البلانك على تعزيز توازن الجسم وذلك عن طريق إرغام بعض أجزاء الجسم على الارتكاز على وضعية معينة .

6️⃣ مع الحمية والكارديو ؛ يساهم البلانك في علاج مشكلة السيوليت والترهلات الدهنية الموجودة في الأرداف والمؤخرة .

7️⃣ يخليك تعرف قيمة الوقت بثانية

19/02/2022

14/02/2022

📌 اطول بوست كتبتو ولكن مهم جداجدا الى هيفهمو يبقا فهم الدايت

🔴 شرح اغلب الانظمه الغذائيه بالترتيب 👇

1️⃣- حساب السعرات ( الهرم الغذائي )
2️⃣- نظام دوره الكاربوهيدرات ( Carb Cycling)
3️⃣- لصيام المتقطع ( Intermittent Fasting)
4️⃣- نظام ( Whole30 )
5️⃣- كيتوجنيك دايت ( ketogenic diet )

👇👇👇👇

1- حساب السعرات ( الهرم الغذائي )

🖐ببساطه كده نظام الهرم الغذائي هو نظام حساب السعرات الي متاح فيه تاكل كل الاكل بس بطرق صحيه وبتقسم سعراتك حاجه اسمها مكروز

المكروز ده بيكون انك تقسم سعراتك دي نسبه كاربوهيدات ونسبه بروتين ونسبه دهون .

طيب تعالوا نشرح ازاي بنحسب السعرات نقسمهم .

اسهل طريقة احسب سعراتي 🤔

خصوصا اغلب الناس مجهودهم متوسط🙂

الوزن في ١.٢ في ٢٤ عدد ساعات اليوم 🤓

مثال شخص وزنه ١٠٠ كيلو 😩

١٠٠ في ١.٢ في ٢٤ = ٢٨٨٠ سعر حراري 💪

علشان تخس نص كيلو اخصم ٦٠٠ سعرحراري 🤠

٢٨٨٠ - ٦٠٠ = ٢٢٨٠ سعر حراري 🤔

عاوزين نقسمهم كارب ودهون وبروتين 🍌🍛🍗

- جرام كاربوهيدرات = ٤ سعر حراري
-جرام البروتين = ٤ سعر حراري
- جرام الدهون = ٩ سعر حراري

🧐لو هاخد نص سعراتي كاربوهيدرات 🥔🍐🍞

١١٤٠ سعر حراري % ٤ سعر جرام الكاب = ٢٨٥ جرام كاربوهيدرات 😉

الباقي هاخد ٣/٤ بروتين و١/٤ دهون

٢٢٨٠ % ٤ = ٥٧٠ سعر حراري دول سعرات الدهون 🍯

٥٧٠ سعر حراري % ٩ سعر لجرام الدهون = ٦٣ جرام دهون 😱

باقي السعرات هتبقي بروتين 🍗

٥٧٠ سعر حراري % ٤ سعر جرام بروتين = ١٤٢ جرام بروتين 🍗

كده عرفت سعراتي

وعرفت اقسمهم ازاي 🤠🤓💪

👇👇👇👇
🔴🔴🔴🔴🔴🔴🔴🔴🔴🔴

2- نظام دوره الكاربوهيدرات ( Carb Cycling)

-نظام كارب سيكلنج ( Carb Cycling)
(دوره الكاربوهيدرات )

🖐مبدائيا كده قبل ما اشرح دوره الكارب احب اوضح نقطه مهمه 🙂
اي نظام غذائي باي مسمي وباي اختلافات مهما كانت لازم يتجمع تحت شئ واحد انك هتاكل اقل من (سعراتك ) .

-دوره الكاربوهيدات او كارب سيكل

🧐ببساطه كده فكره النظام ده انك هتعمل تدوير لكميه الكاربوهيدات في نظامك الغذائي . بمعني انك هتغير في كميات الكارب سواء ب الزياده او النقص .
سواء تغير يومي او تغير اسبوعي او تغيير شهري .

-طيب بنحدد امتي نزود الكارب وامتي نقلله بناء علي ايه ؟
-في عوامل كتير ممكن نحدد بيها :

1- هدفك : يعني ممكن تقلل كميه الكارب في الاوقات الي محتاج تنشف فيها وتزودها في الاوقات الي محتاج تزود الحجم العضلي .

2- ايام التدريب وايام الراحه : وده من اكثرهم انتنشار انك تزود الكاربوهيدات في ايام التمرين وتقلل الكارب في ايام الراحه .

3- جدوله ايام كارب : انك تاخد كارب كذا يوم ورا بعض وبعدين تقلل الكارب كذا يوم ورا بعض .

4- لو عندك بطوله او مناسبه : بتقلل قبلها بايام الكارب جدا وبعدها بتبدي تارفع الكارب تاني .

5- نوع تمرينك وشدته : وده انك تاخد كميات كارب عاليه في ايام تمرين قاسي الشديد وتقلل الكارب في ايام تمرين متوسط او الخفيف .

6- نسبه الدهون في جسمك : ناس كتير بتقلل الكارب في الاوقات الي نسبه دهون بتكون مرتفعه في جسمهم بهدف نزولها بسرعه وبعدين يرجع ياخد كارب تاني .

في طريقه تاني : انك تاخد يومين كارب عالي ويومين كارب متوسط و3 ايام كارب قليل .

وفي الاغلب بيكون تناول البروتين ثابت يوميا سواء قللت او كثرت الكارب . لكن الي بيختلف هو نسبه الدهون بتقل وتعلي حسب تقليل او زياده الكارب .

نظام كارب سيكل لا يفضل للمبتدئين اصلا وهو بيكون افضل ونتائجه افضل للمتقدمين في رياضه عموما .

نظام الكارب سيكل هو نظام جديد نوعا ما :
الادله العلميه الموجوده عليه بتقول :

ان ايام الكارب العالي هيزود الجسم بالطاقه وده هيزود العضلات ب الجلايكوجين وطبعا هيحسن الاداء الرياضي وهيقلل انهيار العضلات .
وده برضو هيزود افراز هرمون ليبتين الي بيقلل الشهيه .

ايام الكارب المنخفض هيساعد في تحسين حساسيه الانسولين وده هيساعد في زياده حرق الدهون .

ولكن للاسف مفيش ابحاث وادله علميه كافيه علي الفوائد دي 😀

😀ملخص للموضوع علشان في ناس بتتلخبط من شرح كتير :

-نظام دوره الكارب هو انك هتقلل او تزود نسبه الكارب في نظامك الغذائي بناء علي سعراتك برضو
بحيث في ايام هتاخد كارب عالي وايام كارب متوسط وايام كارب بسيط جدا او هتوقف كارب .
ايام كارب العالي الدهون هتقل
ايام كارب متوسط دهون هتعلي شويه
ايام توقيف كارب دهون هتحل محل سعرات كارب في نظامك .

-ممكن تمشي ينظام ( شهر وشهر ) او( اسبوع واسبوع ) او ( يومين ويومين و3 ايام ) او ( يوم و يوم ) .

طبعا يفضل ان اغلب الكارب يكون كومبلكس كارب ( كارب معقد ) زي الشوفان وبطاطا وبطاطس االرز ونبعد عن سيمبل كارب (كارب بسيط ) زي مكرونه ودقيق الابيض ومعجنات وبيتزا الخ .

👇👇👇👇
🔴🔴🔴🔴🔴🔴🔴🔴🔴🔴

3- لصيام المتقطع ( Intermittent Fasting)

(الصيام المتقطع )
Intermittent Fasting

🧐واحد من افضل الانظمه الغذائيه الحاليه .
طيب عباره عن ايه
هو في اكثر من طريقه ليه اشهرهم الطريقتين دول :
- الطريقه الاولي ببساطه كده فكرته انك هتصوم عن الاكل عدد ساعات من اليوم حوالي ( 16 ساعه ) صيام بيكون مسموح فيهم شرب الميه والمشروبات بدون سكر او بسكر دايت زي الشاي والقهوه والنسكافيه بلاك .
واخر 8 ساعات في اليوم بتقدر تاخد فيهم كل وجباتك . ودي الطريقه الاشهر

- الطريقه التانيه طريقه انك بتصوم لمده 24 ساعه كامله مرتين في الاسبوع .

فوايد الصيام المتقطع :

1 – تظبيط خلايا و هرمرونات جسمك . مثال :
هرمون النمو: بتوصل مستويات هرمون النمو لاعلي مستوياتها ، وممكن توصل لزياده 5 أضعاف عن الطبيعي في جسمك . وده ليه تاثير ممتاز في حرق الدهون واكتساب العضلات، .

2 - الانسولين :
بيحسن حساسية الأنسولين ومستويات الانسولين بتنخفض جدا وطبعا ده بيساعد علي عدم تخزين الدهون في الجسم .

3 – اصلاح الخلايا :
من اهم مميزات الصيام المتقطع انه بيساعد في تجديد خلايا الجسم من التلف بصوره افضل زي خلايا الجلد او كرات الدم الحمرا الخ

نزول الوزن :

الصيام المتقطع هو من افضل الانظمه لتخفيف الوزن
وتقريبا هو السبب الرئيسي الي بيخلي الناس ممكن تمشي علي النظام ده
لانه بيخليك تقلل السعات الي بتاكل فيها ف بالتاي بتقلل كميه السعرات الي انت هتاكلها

بالإضافة إلى انخفاض الأنسولين وزيادة مستويات هرمون النمو، ف الصيام المتقطع بيزود افراز هرمون (نورادرينالينوده بيساعد جسمك في حرق الدهون

ملخلص كل ده ان النظام هيحسن من صحتك والاهم هيخليك تاكل خلال اليوم عدد سعرات اقل ووزنك ينزل.

طيب لو بدات الصيام المتقطع ايه المسموح غير الميه في فتره الصيام ؟ المياه والقهوة والشاي بانواعه ونسكافيه بدون سكر او كريمر او لبن

وخلال 8 ساعات الاكل بتاكل كل وجباتك بس مع الالتزام بسعراتك الحراريه .
مثال بسيط هتتعشي الساعه 10 مساءا وتبدا صيام هتدخل تنام منهم حوالي 8 ساعات هتصحي 8 الصبح هيكون عدي 10 ساعات تقريبا وباقي 6 ساعات يعني هتبدا اول وجبه ليك الساعه 2 الظهر وهتفضل تاكل في حدود سعراتك لحد 10 مساءا كل يوم

👇👇👇
🔴🔴🔴🔴🔴🔴🔴🔴🔴🔴
4- نظام ( Whole30 )

الناس الي عاوزه تبطل تدخين 🙂
الناس الي مش عارفه تبدا دايت 🙂

كان في نظام غذائي اسمه Whole30

هو برنامج أكل لمدة شهر (30 يوم ) الهدف منه انه زي تحدي تقدر تختبر بيه قدرتك على التحمل ونفس الوقت يساعدك في نزول الوزن . وتغير تفكيرك بالنسبه للاكل عموما وده ممكن يكون دافع كبير لتغير حياتك وانك تمشي بعد ال 30 يوم علي نظام غذائي صحي ديما 🙂

- فكره النظام ببساطه :

انك هتقلل كميات اكلك ومش هتاكل غير لما يكون عندك رغبه للاكل مع تجنب بعض اصناف الاكل تماما لمده 30 يوم .
زي منتجات الألبان والحبوب والبقول والصويا والكحول، وطبعا ( السكر) بانواعه سواء سكر دايت او سكر عادي او اي سكر 🙂

- طيب هتاكل ايه :
هتقدر تاكل ااصناف كتير يفضل تكون طازه غير مصنعه زي اللحمه والفراخ ، الأسماك والمأكولات البحرية بانوعها ، البيض، الفواكه، الخضار، المكسرات والبذور وبعض انواع الدهون.

- اهم نقطه بقي 😀

لازم خلال فترة ال 30 يوم ، تبطل التدخين التدخين نهائيا 🙂

ونقطه تاني ممنوع نهائيا تستخدم ميزان وتوزن نفسه غير اول يوم . وفي يوم رقم 30 فقط لكن خلال ال 30 يوم ممنوع نهائي توزن نفسك .

- في بدايه النظام خلال اول اسبوع او 10 ايام هيكون مزاجك مش ظريف طبعا بسبب نقص السكريات. وطبعاا البعد عن مشتقات الالبان كلها 😞

بعد ما تعدي الفتره الاولي دي هتلاقي تحسن ملحوظ خصوصا رغبتك في اكل سكريات ونشويات هتقل جدا وهتحس انك اتهودت وجسمك طاقته بقت كويسه .

- بعد الانتهاء من فتره ال 30 يوم هتعمل ايه :

بعد ال-٣٠ يوم ، هتبدا تدخل الاكلات الي كانت ممنوعه في نظامك الغذائي ولكن ببطء مش زي الاول

يعني ممكن ف اول يوم بعد ال30 يوم تدخل بعض منتجات الالبان
وتاني يوم تلغي منتجاتت الحليب تاني لمده يومين لو لقيت الامور معاك تمام ومفيش اختلاف في مودك ولا طاقتك خلال فتره ال30 يوم تيجي في خامس يوم تدخل صنف جديد من ممنوع زي بقوليات مثلا .
وطبعا هتكون ان شاء الله بطلت سجاير ومش هتدخلها تامي في حياتك ولا ببطء ولا بسرعه 😀

- طيب ايه الاكلات المسموح بيها ف النظام :

اللحوم والدواجن: لحم البقر، لحم العجل، ، ، لحم الضأن، ، رومي مدخن ، البط ، الخ.
الأسماك والمأكولات البحرية: الأسماك والأنشوجة والروبيان والكالاماري والاسكالوب وسرطان البحر وجراد البحر وغيرها.
البيض: جميع الأنواع، وكذلك الأطعمة المصنوعة منها، مثل المايونيز .
الفواكه: الفواكه الطازجة والمجففة، على الرغم من الطازه هي الافضل طبعا .
الخضروات: جميع أنواع الخضراوات. (كوسه وباميه وملوخيه وبتنجان وبطاطس وبطاطا حلوه الخ الخ
المكسرات والبذور: جميع أنواع المكسرات والبذور، . وممكن حليب الجوز، زبدة الجوز ودقيق الجوز.
بعض الدهون: الزيوت النباتية الصحية (زيت زتيون وزهره الشمس وكانولا الخ ) ، زيت جوز الهند، الزبده والسمن البلدي

- طيب ايه الاكلات الممنوعه :

السجاير والسجاير والسجاير 😀

السكر بانواعه سواء سكر ابيض او بني او دايت والعسل وشراب الفراكتوز وجميع المنتجات التي تحتوي على هذه المحليات (كولا دايت والخ ) ،
الكحول: جميع أنواع البيرة والنبيذ والمشروبات لازم تجنب جميع الحبوب، ( القمح والذرة والشوفان والأرزوالبرغل والخ الخ
البقول والبقوليات: لازم تجنب كل بقوليات سواء البازلاء والعدس والفول، بما في ذلك زبدة الفول السوداني. و الفاصوليا الخضراء،
الصويا: جميع فول الصويا، بما في ذلك التوفو، تيمبه، إدامام وجميع المنتجات المشتقة من فول الصويا، مثل ميسو وصلصة الصويا.
الألبان: ممنوع حليب الأبقار والماعز والأغنام والزبادي والجبن والآيس كريم وغيرها من المنتجات المشتقة من منتجات الألبان. مسموح فقط بالزبده زي ما وضحت فوق زيده او سمن بلدي . .

- امثله لوجبات :

الفطار : قطعه بطاطا حلوه مع التفاح والبيض.
الغداء: سلطة دجاج ، مع سبانخ وثمره فاكهه زي الماجه او التفاح
العشاء: تونه مع الثوم ، مع كوسه وشويه مكسرات
او

الفطار : بيض مقلي وبطاطس وسلطه
الغداء: شريحه لحمه مع سلطه و تفاح
العشاء: افكادو مع بيض وسلطه وشويه مكسرات

ممكن سناكس :
زي الفاكهه بانوعها والمكسرات او الجزر او الخيار او الطماطم او حليب جوز الهند

- نظام Whole 30 مش نظام متخصص لنزول الوزن
هو مجرد مرحله تقدر تبدا بيها لتغيير عاداتك الغذائيه وتقدر تستفيد كمان انك تبطل تدخين لو عندك رغبه 🙂
يعني متخليش هدفك من النظام نزول وزنك خلي هدفك تحسين صحتك ومزاجك وزي تحدي تقدر بعد ما تخلصه تنظم اكلك وتبدا حياه صحيه لان اهم فوايد النظام

انك هتلاقي تغيرات كبيره في بشرتك لو مثلا عندك حب شباب هتلاقيها قلت جدا وهتلاقي أن في تحسن في مستوي السكر في دمك وممكن تفيد في حالات الاكتئاب والتعب المزمن وآلام الظهر والأرق وبعض الفوايد الصحيه التانيه .

👇👇👇👇
🔴🔴🔴🔴🔴🔴🔴🔴🔴🔴
5- كيتوجنيك دايت ( ketogenic diet )

كيتوجنيك دايت ببساطة
انك هتاكل ٧٥% من سعراتك دهون 🥑🧀
و٢٠% بروتين 🍗
و٥% كاربوهيدرات🍓
لما بتقلل الكاربوهيدرات و تزود الدهون جسمك بيدخل في حاله اسمها ( كيتوسيس).
وبدل ما بيستخدم الكاربوهيدرات كمصدر للطاقة يبتدي الجسم يستخدم الدهون كمصدر للطاقة 💪
النظام كل الدراسات أثبتت انه نظام صحي جدا وليه فوائد صحية كبيرة
مش معني كلامي انه النظام الصحي الوحيد 🤔
لان نظام السعرات الحرارية الهرم الغذائي نظام صحي برضو ومناسب اكتر للاستمرار علشان هتقدر تستمر عليه طول حياتك وتقدر تاخد فيه فري او تلغبط وتصلح غلطك
أهم عيوب كيتوجنيك دايت من وجه نظري :
١- دايت مكلف جدا ماديا
٢- مفهوش فري
٣ - اقل لخبطة فيه هتخرجك من النظام
تابع صفحتى هتستفاد
اى حد عنده استفسار يتفضل

09/02/2022

ما هو الهرمون المسؤول عن حرق الدهون في الجسم؟

قد تتساءل ما الهرمون المسؤول عن حرق الدهون في الجسم؟ في الواقع لا يمكن تحديد الهرمون المسؤول عن حرق الدهون في الجسم، حيث يتم التحكم بتخزين أو حرق الدهون عن طريق عدة هرمونات تعمل بشكل متكامل وغير مباشر على حرق الدهون، وتؤثر على الشهية وأنماط تناول الطعام وغيرها من العمليات المرتبطة بنمط تناول الطعام وفقدان الدهون والوزن.

الهرمون المسؤول عن حرق الدهون في الجسم: هرمون اللبتين (Leptin Hormone)

يسمى هرمون اللبتين هرمون الشبع، حيث تقوم الخلايا الدهنية بإنتاج هرمون اللبتين الذي يقلل الشهية ويعزز الشعور بالشبع، يؤثر هرمون اللبتين على منطقة تحت المهاد الموجودة في الدماغ والمسؤولة عن تنظيم الشهية وتناول الطعام.
يمكن اعتبار هرمون اللبتين الهرمون المسؤول عن حرق الدهون في الجسم؛ وذلك لأنه من المفترض أن يقوم بتنبيه عقلك بالتوقف عن الأكل.
في العادة توجد مستويات عالية جدًا من هرمون اللبتين عند الأشخاص الذين يعانون من زيادة الوزن، والذي يفترض أن يعزز شعور الشبع ويمنعهم من تناول الطعام وبالتالي المساعدة في فقدان الوزن وحرق الدهون في الجسم، ولكن للأسف لا يعمل هرمون اللبتين بالطريقة الصحيحة في حال الإصابة بالسمنة، يسمى ذلك مقاومة اللبتين.
من الضروري تحسين حساسية اللبتين للتحكم بالشهية وتجنب زيادة الوزن، يمكن ذلك باتباع ما يأتي:

تجنّب الأطعمة المسببة للالتهابات، مثل: الأطعمة المحتوية على السكر، والدهون المتحولة.

تناول بعض الأطعمة المفيدة، مثل: الأسماك.

مارس الرياضة بانتظام، يحسن ذلك من حساسية اللبتين.

تناول بعض المكملات الغذائية، مثل: زيت السمك، وحمض ألفا ليبويك (Alpha-lipoic acid).

يؤثر اللبتين على الجسم بشكل إيجابي عندما يتواجد بالنسبة المطلوبة ويقوم بعمله، حيث يعمل على تحسين معدلات الأيض وتنظيم الحالة المزاجية والذاكرة ووظائف الدماغ.
أما في حال مقاومة اللبتين يمكن أن يلعب ذلك دورًا في السمنة وتقلبات المزاج.

الهرمون المسؤول عن حرق الدهون في الجسم: هرمون الأنسولين

يقوم البنكرياس بإنتاج هرمون الأنسولين، في الواقع يعمل هرمون الأنسولين على تحفيز تخزين الدهون في الجسم، يمكن اعتبار الأنسولين في حال الحفاظ على مستوياته الطبيعية بأنه الهرمون المسؤول عن عمليات أيض الدهون والكربوهيدرات وتحفيز امتصاص السكر من الدم.
ولكن زيادة هرمون الأنسولين في الدم ترتبط بالعديد من المشكلات، مثل: السمنة، ومقاومة الإنسولين، لذا من الضروري الحفاظ على هرمون الأنسولين ضمن النسبة الطبيعية باتباع ما يأتي:

تجنّب تناول السكر والذي يزيد من مقاومة الأنسولين ويرفع من مستوياته في الجسم.

التقليل من تناول الكربوهيدرات، حيث يساعد اتباع نظام غذائي منخفض الكربوهيدرات في انخفاض فوري في مستويات الأنسولين في الجسم.

تناول البروتينات، حيث يساعدك ذلك في على انخفاض طويل الأمد في مقاومة الأنسولين وبالتالي المساعدة على فقدان دهون البطن.

تناول الدهون الصحية، مثل: الأوميغا 3.

ممارسة الرياضة، مثل: المشي، أو الركض.

تناول مكملات المغنيسيوم والتي تحسن من حساسية الأنسولين.

شرب الشاي الأخضر والذي يخفض نسبة السكر في الدم ويخفض مستويات الأنسولين في الدم.

هل يوجد هرمونات أخرى تؤثر على حرق الدهون في الجسم؟

نعم، يتأثر الجسم بالعديد من الهرمونات للقيام بحرق الدهون وفقدان الوزن، مثل:

هرمون الإستروجين (Estrogen): حيث يرتبط انخفاض الإستروجين في سن اليأس بزيادة الوزن.

هرمون النمو (Growth Hormone): والذي يؤثر على التمثيل الغذائي إضافة إلى وظيفته الأساسية في التحكم بالطول والمساعدة في بناء العظام والعضلات.

هرمون الغريلين (Ghrelin Hormone): والذي يسمى هرمون الجوع، والذي تكمن أهميته في التحكم بنمط تناول الطعام وإرسال إشارات تحفز التوقف عن الأكل.

هرمون الكورتيزول (Cortisol): حيث يمكن أن تؤدي المستويات المرتفعة بشكل مزمن من الكورتيزول إلى الإفراط في تناول الطعام وزيادة الوزن.
ك.حماصه

01/02/2022

الضخامة العضلية = الابتعاد عن كل مسببات التنشيف
⚠️ مسببات التنشيف :
✔ التدرب لأكثر من 4 أيام في الأسبوع
✔التدرب لأكثر من 45 دقيقة
✔المبالغه في استعمال أسلوبي الدروب سات و السوبر سات
✔اهمال التزايد التدريجي في الأوزان
✔أحمال فوق طاقة العضلة و زمن التوقف أقل من 2 ثانية (3 مرات على الأقل في كل مجموعة من مجموعات تمرين معين)
✔عدم الانتباه لمقدار المياه الواجب تناولها يوميا
✔عجز نسبي في السعرات الحرارية (سرعة الانفاق > سرعة الادخار )
✔التدرب في جو حار مما يُرغم الجسم على انفاق سعرات اضافية لتبريد الجسم
✔اهمال الوجبة الصباحية
✔وجبة بها بروتينات اعلى بكثير من الكاربوهيدرات
✔اهمال تناول الكرياتين الذي يقذف بالمياه داخل العضل

ك.حماصه💪💪💪❤️

29/01/2022

اكسب مكافأة قيمة من Hamasa Fitness Powerlifting 💪
▪️ توقع نتيجة مباراة مصر والمغرب فى ربع نهائى أمم أفريقيا
شروط المسابقة لايك للصفحة ولايك للبوست وشير وتاج لثلاثة من اصدقائك🤩🤩

25/01/2022

🛑 عوارض الرجيم الغذائي الغير صحي علي الجسم :

⬅️ ترهلات الجلد

⬅️ الصداع

⬅️ هشاشة العظام

⬅️ إختلال في هرمون النمو

⬅️ تساقط الشعر

⬅️ الإصابة بفقر الدم

⬅️دوخة الجسم

وغيرها من المشاكل الصحية

طيب اي الحل/🤔

الحل لازم نظام غذائي محسوب السعرات معتدل حسب الجسم وما ننسى
ك حماصه