فرط حركة ADHD

03/06/2025

ـ ايه اللعبه دي ؟🤔
دي لعبه احمد صاحبي😁
ـ طيب وجبتها معاك ليه هو ادهالك ؟
لا هي عجبتني فجبتها
ـ من غير ما تستاذنه ؟😱
اه وفيها ايه يعني؟
ـ هي لعبه حلوه فعلا وريني بتلعب بيها ازاي؟
كده ، شايفة حلوة ازاي🥳
ـ حاسس بايه وانت بتلعب بيها؟
يا ماما مبسوط جدا ومستمتع (نتيجه ايجابيه)
ـ طب تفتكر احمد صاحبك دلوقتي حاسس بايه ؟
مش عارف يمكن زعلان وبيدور عليها (نتيجه سلبيه)
ـ طيب تخيل بقى لو عرف ان اللعبه اللي بيدور عليها انت اخذتها شعوره ايه من ناحيتك؟
اكيد هيزعل مني بس انا حبيت اللعبه جدا (نتيجه سلبيه )
ـ طيب تفتكر لو كنت استاذنته انك تلعب بيها شويه كان هيرفض؟
مش عارف يمكن ما كانش يرضى يخليني العب بيها

ـ لو كنت مكانه واخذ لعبتك من وراك كنت هتحس بايه ؟(تعاطف)

كنت هتضايق هضايق جدا وكنت احس ان هو بيسر.قني😬 بس انا ما بسر.قهوش انا بس عجبتني اللعبة👀
ـ ايه ده يعني هو ممكن يكون دلوقتي مفكر ان انت سر.قته( نتيجه سلبيه )
مش عارف هي دي سرقه؟
ـ ايوه للاسف دي سرقة لانه ميعرفش انك خدت حاجته ( قانون)
ودا ممكن يخلي علاقتكم ببعض وحشة جدا ويمكن متبقوش أصحاب
ـ هل انت تفضل انك تلعب بلعبة مش بتاعتك وتخسر صاحبك؟ ( اولويات)
لأ طبعا انا صاحبي بحبه وبنلعب سوا كتير🥹
ـ طيب هل اللعبة دي فعلا تستاهل إنك تخسره وتكون في نظره مش أمين ؟( قيم)
ـ لأ طبعا هو أهم من اللعبة وانا أمين ( شرح قيمة الامانة لو الطفل مش عارفها)
طيب كدة هانتصرف ازاي؟
ـ بكرة هارجعها له واعتذر على تصرفي
طيب ولو اللعبة فعلا عاجباك التصرف الصحيح اننا نعمل ايه؟
ـ أستأذن صاحبها ولو وافق ألعب بيها
بس لو موافقش؟
ـ يبقى ممكن نطلب منه يعرفنا المكان اللي اشتراها منه ولو معانا فلوسها نشتريها (البدائل)
ـ ولو مش معانا نحوش في حصالتنا عشان نعرف نشتريها ( أهداف)
أيوة فكرة حلوة اوي نشتري واحدة زيها🥰
ـ انا فخورة بيك إنك مقبلتش على نفسك تخسر صاحبك وتخسر أمانتك عشان لعبة🌸

⭕الحوار دا من برنامج #كورت لتوسيع الادراك اللي وعدتكم بيه
يمكن اتأخرت شوية بس حسيت إني محتاجة أعدل الافكار
عشان تتناسب معاكم وتعرفوا تطبقوها
أنا دمجت اكتر من مهارة في الحوار اللي فوق زي

✓معالجة الأفكار في النتائج الإيجابية والسلبية
✓ القوانين
✓ البدائل
✓ الاهداف
✓النتائج
واخيرا وليس آخرا
✓ القيم اللي الطفل محتاج يتعلمها بشكل كبير جدا عشان يقدر يكون بيها رؤية واضحة عن شخصيته والطريقة اللي يحب يتعامل بيها مع الناس او يعامل بيها الناس💪
ان شاء الله هاكمل معاكم السلسلة اللي وعدتكم بيها واتمنى تعذروني على تأخيري🙈

هانتظر كومنتاتكم لانها هي اللي بتخليني أكمل😔


أخصائي تعديل سلوك وإرشاد أسري وزواجي وعلاج بالفن ومقاييس نفسية و
مدرب طفل للتفكير الإبداعي
متنسوش تتابعوني على 👇
علياء عون ADHD mentor

24/05/2025

هو امتى هايعرف يذاكر لوحده؟
او يعتمد على نفسه في أي حاجه ؟
هدومه مش في مكانها وانا اللي ادور 😬
كتبه في كل حتة وانا اللي ألم😐
حتى ألعابه وأدواته🙆
سريره المنعكش على طول الخط وانا اللي أروق
كل حاجه ماما ماما ماما أنا تعبت😔
هو أنا هافضل كدة كتير 😭

👈طيب واللي يقولك على الطريقة المناسبة اللي بعد ما يتعلمها
هايقدر يذاكر لوحده
وينظم نفسه
ويحافظ على ادواته
والأهم من كل دا
يحسن علاقتك بيه🥰
هاتقولي إيه هي الطريقة؟
هانقول لك تعالي معانا كورس " وحوش ال ADHD"
اللي خرج اكتر من 2000 أم عارفين يتعاملوا صح مع ولادهم🔥
البرنامج تصميم استاذة هاجر قطب
وتقديم و

⭕ وخلينا نقولك إنه مش مجرد كورس لأ
دا برنامج تأهيلي للأمهات ، رحلة هانمشي فيها معاكم لمدة شهرين كاملين
✓10 محاضرات مسجلة تقدروا تسمعوها في أي وقت
✓متابعة شهرين بشكل مباشر مع المدربين
✓تمارين وتدريبات عملية
✓وكتيب كامل فيه كل تفاصيل البرنامج
✓ دعم نفسي طول مدة البرنامج في مجتمع خاص بالامعات

🔥🤯 كل دا والبرنامج عليه " عرض الوحوش"
بخصم اكتر من 50% من سعره الحالي لأول 10 مشتركات 🥳 🎉

هانبدأ بعد العيد مباشرة والخصم مدته 10 ايام فقط والعدد محدود
يلا مستنين ايه😊
ابعتولنا رسالة على الواتس اب
010 60466303
او رسالة على الماسنجر
او سيبوا كومنت فيه جملة "عرض الوحوش"

24/04/2025

وحشتونا😍😍😍

21/03/2025

من أصعب العلاقات اللي قابلتها
علاقة شخص ADHD بشخص عنده OCD أو وسواس قهري

⭕طيب حد هنا هايقولي هو ايه الفرق بينهم وليه عاملين مشا.كل؟😁

أقوله خد عندك يا سيدي

👈 ال ADHD فوضوي ومش منظم اوضته ودولابه ومكتبه كأنهم خارجين من إعصارطول الوقت 🤣
👈ال OCD حد بيعشق النظام وبيتوتر من اي فوضى حواليه
هتلاقي كل حاجه مكانها مهما مر الزمان

👈ال ADHD معندوش أي مانع يروح متأخر على مواعيده أو يكنسلها اصلا 🥳
👈 ال OCD تظبط عليه الساعة وبيتوتر لو اللي قدامه محترمش المواعيد

👈ال ADHD بيكروت أي تاسك مش عاجبه
نظام شقلب واقلب😅
👈 ال OCD دقيق إلى درجة الصدمة حرفيا لو بيعمل تاسك مش هايسيبه إلا لو كان بيرفكت😉

👈ال ADHD شخص مندفع بيدخل في المخاطر بكل جوارحه وماشي بمبدأ مبياخدش الروح الا اللي خالقها😄
👈ال OCD عنده قلق عام من أي حاجه وكل حاجه وصعب جدا يقتنع إنه مش هايحصل له حاجة

👈 ال ADHD معندوش أي نوع من أنواع الروتين اللي خلقه ربنا
متبع سياسية ماشي بنور الله بدعي واقول يارب🤲
👈ال OCD شخص روتيني جدا وبيتوتر جدا جدا من تغيير نظام حياته مهما كان التغيير بسيط

👈 ال ADHD عنده في مخه ماكنة أفكار بيجيب من كل فيلم أغنية ومش هايقوم ينفذ أي فكرة منهم فتلاقيه بيفكر في السرير اللي مقلوب والدولاب اللي على الارض والمواعين اللي في الحوض لكن مش هايقوم يصلح اي حاجه منهم🙆
👈ال OCD بيسيطر عليه فكرة واحدة تفضل تلح على دماغه لحد ما يقوم يعملها زي مثلا قوم اعدل الكوباية عشان هاتقع😤

⭕دا جزء بسيط من الاختلاف تخيلوا بقى لو دول زوجين أو أخين حياتهم بتكون ازاي لو مش فاهمين مشاكل بعض وواصلين لنقطة تواصل😤

بتكون أصعب لحظة عليا كأخصائي زواجي الفقرة اللي بقنع حد منهم إن اللي بيعمله التاني غصب عنه🙆

لكن لما بنوصل للجزء دا الباقي بيكون سهل
ويمكن الاتنين بيقدروا يساعدوا بعض بشكل كبير جدا في تأهيل التاني على التعامل مع أعراضه🥰

اكتبولي في الكومنتات قابلتوا شخص عكسكم ولا لأ ؟
وهل عدى عليكم مواقف معاهم؟

البوست الجاي هاكتب لكم عن ازاي الشخص ال OCD بيتقال عليه نرجسي🤫


اخصائي ارشاد أسري وزواجي
و ADHD mentor

18/03/2025

12/03/2025

شكاوي كتير بتجيلي بتقول مش عاوز يروح المدرسة🤷
ليه؟
عشان شايفين إن محدش بيحبهم في المدرسة
ودا بيكون سببه إيه؟
👈 إما ان الطفل عنده مشاكل في التعليم فبيقابل تعن.يف من المدرسين أو تنمر من زمايله اللي شايفينه فا.شل😐

👈 أو إنه مندفع ومعندوش حدود في طريقته مع زمايله فبيتعامل معاهم بشكل بيضايقهم

👈 ويمكن إدراكه الاجتماعي ضعيف وعمره الاجتماعي العقلي أقل من عمره الزمني فبيفهم الكلام غلط وبيتخيل إنهم مش بيحبوه🙆

طيب وايه الحل ؟👇

⭕ عشان نقول الحل نتأكد الاول إننا حاطين إيدينا على المشكلة الحقيقية ، فلو خلاص عرفتي المشكلة يبقى حلها

👈 لو هو عنده صعوبات تعلم يبقى محتاجين نشتغل تنمية مهارات ونعرف نمط التغلم بتاعه بصري ولا سمعي ولا حسي حركي ولا قراءة وكتابة📖
عشان نقدر نذاكرله بطريقة تناسبه فنحل مشكلة التأخر الدراسي
وطبعا انا اتكلمت عن صعوبات التعلم كتير ونزلت فعلا على قناة التليجرام تمارين كتير تحل مشاكل الذاكرة والانتباه والتشتت والتآزر البصري هاسيب لكم اللينك في الكومنتات 😍

👈 أو هو مندفع ومعندوش حدود في التعامل مع غيره ويجي هنا دوري😍
تمثيل الادوار عبقري هنا
تخيلوا طفل ميعرفش حدوده في الكلام مع غيره ومبيقدرش يمسك نفسه عن العصبية😤
لو مش عارفين الحل ؟
أنا جبتلكم الحل 👇

⭕الموقف الاول
🎊لو شوفنا حاجة حلوة عجبانا في حد زي لبسه هنقول ايه؟
✓اه فستانك جميل جدا دايما ذوقك حلو
👈 دا هايسيب انطباع عنك إنك مش متطفلة وكمان هاتقربي لانك هاتزودي ثقتها في نفسها وهاتطمن لرأيك بعد كدة🥰
بنسميها ( المجاملة الصادقة)

⭕ الموقف الثاني
🎊 طيب لو شوفنا حاجة وحشة مش عجبانا في لبس حد
منتكلمش عنها إلا لو طلب رأينا فيها زي إيه؟
لو لون فستان صاحبتي مش لايق عليها مقولش أبدا ايه اللون الوحش 🤫
✓لو مطلبتش رأينا منتكلمش في الموضوع لان اللي ميعجبكش ممكن يعجب غيرك والعكس صحيح
✓ طيب لو طلبت🤔
اه هنا مش هانقول ان الفستان وحش👎
هانقول اعتقد اللون الاحمر هايكون مناسب اكتر من الاصفر
دا هايدي انطباع انك بتتدخل بس باحترام من غير اهانة🥰
بنسميها(الملاحظة البناءة)

⭕ الموقف الثالث
🎊لو صاحبي جاب درجات عالية في الامتحان المفروض أقوله إيه؟
✓هاقوله إنت أكيد ذاكرت كتير واجتهدت زيادة فعلا عشان كده قدرت تجيب النتيجة دي 😍 اكيد انت فخور بنفسك
✓ لكن مش هاقوله إنت اكيد غشيت😤
الطريقة دي هاتخليني ابان انسان بيحفز اللي قدامي وهاتساعدني ابني علاقات كويسة مع زمايلي🥰
بنقول عليها ( التشجيع على المجهود)

⭕ الموقف الرابع
🎊 لو محتاج قلم من زميلي اعمل ايه؟
✓ هاسأله لو معاك قلم زيادة لاني نسيت قلمي ولو رفض هاحترم رغبته وممكن ساعتها اطلب من الميس قلم وهي هاتتصرف
✓ لكن مش هاخد قلمه بدون استئذان ولا هازعق معاه لو رفض يديني قلم ولا هالح عليه اخده 👎
والتصرف دا هايخليك عارف تحترم حدود الغير ومشاعرهم والكل هايحب يتعامل معاك لانك بتحترم الحدود
بنسميه ( الطلب المهذب)

جربوا مع الولاد تمثلوا معاهم المواقف دي
وبدلوا الادوار
مرة تكونوا زمايلهم
ومرة تكونوا هما😄

هانزلكم مواقف تانية في البوست الجاي وهاسيب لكم لينك بوست
عن الادراك الاجتماعي 👀
هاستنى كومنتاتكم عشان أكمل معاكم الرحلة🥰
اللي فوق دا من برنامج كورت للتفكير الإبداعي بس تصميمي💚

مدرب طفل للتفكير الإبداعي و
علياء عون ADHD mentor

10/03/2025

كنت طفلة شاطرة دحيحة كتب حرفيا لكن🤷
مكانش ليا أصحاب
ومش واثقة في نفسي لكن واثقة إني شاطرة
وبحب الكتب 🥰
في تانية ثانوي كنت بذاكر ليل نهار حرفيا
مبسيبش الكتاب من ايدي ثانية🙈
الهايبر فوكس كان جاي في المذاكرة 😁
وكمان مكنتش بنام تقريبا
ولما كنت بحس اني هانام اشرب قهوة على شاي بالمج🥳
كانوا بيقولوا عليه ساعتها سكلانس😄
لدرجة اني لما عملت عملية اللوز في الاجازة
فوقت للدكتور في نص العملية وافتكرني بشرب مخضروات🤣
ولكن في الاخر جبت 86%🙆
محدش كان متخيل خالص ان دي نتيجتي
لدرجة ان ماما كانت عاوزة تعمل تظلم على النتيجة
اللي فهمته لما كبرت. وعرفت اني ADHD
ان الموضوع كان في التشتت اللي كان عندي
كنت بفوت اسئلة مبشوفهاش
ومكنتش براجع بعد ما اخلص
هوب بسرعة اول ما نص الوقت يجي اطلع من اللجنة 😅
مكنتش بطيق اقعد تلات ساعات في الامتحان
وجت تالتة ثانوي
أنا كنت نظام قديم السنة ترم
وكنت علمي علوم🙈

⭕اول غلطة اني كان ممكن احول ادبي ( البدائل)
بس انا كابرت وقولت لو دخلت ادبي هاحس بفشل😐

وبعدين ابتدت السنة وانا مفيش عندي بربع جنيه أي طاقة اذاكر
منا كنت بذاكر في تانية عشان ادخل طب (هدف)
لما جبت 86% كنت خلاص معنديش أي فكرة في دماغي هادخل ايه
هو شعور كدة ان الدنيا اتهدت خلاص ومفيش أي امل من أي نوع قدامي 😤
كنت ساعتها محتاجة مرشد زي حالاتي كدة يقعد يشوف ميولي ونحط خطة وخطط بديلة وارسم اللي جاي معاه بشكل واضح
بس دا مكانش متاح قدامي😔

فضلت اضيع وقتي بشكل كبير جدا لحد ما جبت في سنة تالتة
66%🤫
تخيلوا إني كنت جايبة في الفيزيا 20 من 50 ودي كانت درجة النجاح😁
اراهن إنهم حطولي درجة ولا اتنين من عندهم شفقة🤪
المهم كدة بقيت جايبة في السنتين 76%
وجت وقت الاختيارات بقى🥳
وانا طبعا مفيش في دماغي أي مكان إطلاقا يعني
انا مش فاكرة حتى اختياراتي غير اني حطيت رابع او خامس رغبة آداب قنا وانا كنت عايشة في بلطيم على البحر المتوسط يعني في آخر الدنيا معملتش حساب ( الاحتمالات)
ويجي التنسيق ومن بين كل اختياراتي يجيني إيه؟
ايوة صح انتو شطار آداب قنا🤣

⭕ هنا دي كانت نقطة تحول في حياتي ولو رجع بيا الزمن تاني كنت كملت فيها على فكرة ودخلت قسم علم نفس وخرجت منه ثيرابيست أد الدنيا🎉

بس مكنتش اعرف حاجه عن نفسي ساعتها
مكنتش حاطة خطة ولا اي حاجه من الاساس
كنت مشتتة وضايعة
ومش عارفه انا رايحة فين او جاية منين
متغلطتش غلطتي 😔

⭕ ملقيتش كلية تستقبلني غير زراعة كفر الشيخ
منفعتش فيها ما هي كانت ابعد احلامي يعني وقعدت سنة فيها وجيت في التيرم الثاني مدخلتش الامتحانات عشان أجبر نفسي اغيرها وبالفعل غيرت الكلية لتالت مرة🙆

⭕ المرة دي دخلت حقوق طنطا 😅
وكانت برضو ابعد من ابعد كلية كنت المفروض ادخلها
بس حبيت الدراسة فيها
عجبتني المواد لكن مخرجتش اشتغلت بيها على الاطلاق
ورجعت تاني ادور على علم النفس ما كان من الاول😏
لازم ألف اللفة دي يعني 😤

⭕ طيب في الآخر انا عاوزة اقولكم ايه

✓ حط خطة وخطة بديلة للكلية اللي انت عاوز تدخلها
واتأكد إنك هاتخرج تقدر تشتغل فعلا باللي درسته😄
يعني لو انا كنت حطيت في دماغي اداب علم نفس واستحملت سنة في قنا وبعدين حولت لاقرب مكان كان هايجرا ايه🤔

✓ المكابرة فعلا في المستقبل بتضيعه لو فيه فرصة أصحح مساري
طب وايه يعني ؟
لو انا كنت دخلت ادبي في سنة تالتة مش جايز كنت قدرت ادخل كلية قريبة من دماغي

✓ ميولك ميولك ميولك الاول هي اللي هاتخليك توصل أسرع
يعني انا ابني بيعرف يرسم كويس ودي ميزة عنده ليه مثلا ميدخلش فنون جميلة او حتى هندسة بدل ما يدخل كلية تانية يعاني فيها عشان يحب موادها🙆

✓ مقياس الفشل بلاش يكون نفسك😁
انا شوفت 86% فشل رهيب
على الرغم انه كان ممكن يكون دافع ليا اروح مكان افضل لو حافظت بس على نفس المستوى 🥹

✓ وفي الاخر ايه يعني لو خلينا حد ثقة يقعد معانا مرة واتنين يعرف بنفكر في ايه ؟ وايه فعلا ميولنا ويناسبها كلية شكلها ايه
ونعمل سيرش موسع عن الكليات اللي بنفكر ندخلها واقسامها وبنتخرج منها ايه بالظبط
مهمة جدا جدا الخطوة دي على فكرة 😊

اكتبولي في الكومنتات تجاربكم مع الكليات اللي دخلتوها وندمتوا انكم دخلتوها واللي كنتوا نفسكم تدخلوها ومعرفتوش🥹
عشان اللي هايقروا البوست من الثانوية العامة يقدروا يلحقوا نفسهم💪

البوست جزء من برنامج #كورت المعدل بتصميمي😊
هاسيب لكم باقي الاجزاء في الكومنتات

أخصائي تعديل سلوك وإرشاد أسري وزواجي وعلاج بالفن ومقاييس نفسية و مدرب طفل للتفكير الإبداعي
و ADHD mentor

09/03/2025

ـ عملتلك في ابراهيم حتة مقلب هايم.وت من الضحك 🤣
(نتيجة ايجابيه)
_عملت ايه؟
ـ مسحت له الواجب بتاع مستر ممدوح كله فيجي بقى يطلع الواجب للمستر ميلاقيش حاجه ونفطس كلنا من الضحك عليه🤪
_ بس المستر كدة ممكن يعاقب ابراهيم ويكسفه قدامنا كلنا😐
ـ مخدتش بالي إنه ممكن يعاقبه (نتيجة سيئة)
_وممكن كمان ابراهيم ياخد باله من ان الواجب اتمسح ويوري للمستر مكان الواجب وساعتها المستر هايسأل الفصل مين بقى اللي مسح الواجب لابراهيم ( اعتبار جميع العوامل)
ـ ايه دا هو ممكن ابراهيم ياخد باله من الواجب الممسوح ؟
_اه ممكن ياخد باله من باقي الرصاص المكتوب وتخيل بقى يكون حد شافك وانت بتمسح الواجب لابراهيم فيقول للمستر ان انت اللي مسحت الواجب (نتيجة سلبية)
- مفكرتش فيها خالص ( اعتبار جميع العوامل)
_ وممكن المستر ساعتها يوديك للاخصائي الاجتماعي عشان يشوف هايتصرف معاك ازاي (قانون)
- يانهار 🙆
_دا ممكن كمان الاخصائي الاجتماعي يطلب ان باباك يجي المدرسة عشان يقوله انك بتعمل مقالب في صحابك (عواقب شديدة)
- لأ كله الا بابا😭
_ المشكلة كمان إنك كدة هاتخلي كل اصحابك في الفصل يخافوا منك ويبعدوا عنك لانك بتعمل مقا لب وتمسح الواجب
فتفتكر تخسر صحابك كلهم ولا تعمل مقل.ب ( أولويات)
- طيب انا اتصرف ازاي دلوقتي ؟ منا مسحت الواجب فعلا
_ الحل انك تعرف ابراهيم باللي حصل وتطلب منه انك هاتكتب له الواجب اللي انت مسحته ( تحمل العواقب)
ـ خلاص انا هاعمل كدة ومش هاعمل مقا.لب تاني في زمايلي😅

⭕دا موقف هاتحكوه للولاد وتشوفوا ردود أفعالهم
وبعد كدة نتكلم عن ( قيمة) ترويع الآمنين زي ما رسولنا الكريم قال
(لاَ يَحِلُّ لِمُسْلِمٍ أَنْ يُرَوِّعَ مُسْلِمًا) وان دا يعتبر حرام شرعاً
وإن المسلم من سلم الناس من لسانه ويده

⭕ دا جزء من برنامج #كورت زي ما وعدتكم
استخدمت فيه مهارات زي
✓معالجة الأفكار
✓اعتبار جميع العوامل
✓ النتائج
✓ القوانين
واخيرا وليس آخرا
✓القيم🥰
لو حابين اني اكمل سيبوا كومنت 💚

وشوفوا البوستات اللي قبل كدة هاسيبهالكم في الكومنتات

أخصائي تعديل سلوك وإرشاد أسري وزواجي وعلاج بالفن ومقاييس نفسية و مدرب طفل للتفكير الإبداعي
و ADHD mentor

09/03/2025

ـ ايه اللعبه دي ؟🤔
دي لعبه احمد صاحبي😁
ـ طيب وجبتها معاك ليه هو ادهالك ؟
لا هي عجبتني فجبتها
ـ من غير ما تستاذنه ؟😱
اه وفيها ايه يعني؟
ـ هي لعبه حلوه فعلا وريني بتلعب بيها ازاي؟
كده ، شايفة حلوة ازاي🥳
ـ حاسس بايه وانت بتلعب بيها؟
يا ماما مبسوط جدا ومستمتع (نتيجه ايجابيه)
ـ طب تفتكر احمد صاحبك دلوقتي حاسس بايه ؟
مش عارف يمكن زعلان وبيدور عليها (نتيجه سلبيه)
ـ طيب تخيل بقى لو عرف ان اللعبه اللي بيدور عليها انت اخذتها شعوره ايه من ناحيتك؟
اكيد هيزعل مني بس انا حبيت اللعبه جدا (نتيجه سلبيه )
ـ طيب تفتكر لو كنت استاذنته انك تلعب بيها شويه كان هيرفض؟
مش عارف يمكن ما كانش يرضى يخليني العب بيها

ـ لو كنت مكانه واخذ لعبتك من وراك كنت هتحس بايه ؟(تعاطف)

كنت هتضايق هضايق جدا وكنت احس ان هو بيسر.قني😬 بس انا ما بسر.قهوش انا بس عجبتني اللعبة👀
ـ ايه ده يعني هو ممكن يكون دلوقتي مفكر ان انت سر.قته( نتيجه سلبيه )
مش عارف هي دي سرقه؟
ـ ايوه للاسف دي سرقة لانه ميعرفش انك خدت حاجته ( قانون)
ودا ممكن يخلي علاقتكم ببعض وحشة جدا ويمكن متبقوش أصحاب
ـ هل انت تفضل انك تلعب بلعبة مش بتاعتك وتخسر صاحبك؟ ( اولويات)
لأ طبعا انا صاحبي بحبه وبنلعب سوا كتير🥹
ـ طيب هل اللعبة دي فعلا تستاهل إنك تخسره وتكون في نظره مش أمين ؟( قيم)
ـ لأ طبعا هو أهم وانا أمين ( شرح قيمة الامانة لو الطفل مش عارفها)
طيب كدة هانتصرف ازاي؟
ـ بكرة هارجعها له واعتذر على تصرفي
طيب ولو اللعبة فعلا عاجباك التصرف الصحيح اننا نعمل ايه؟
ـ أستأذن صاحبها ولو وافق ألعب بيها
بس لو موافقش؟
ـ يبقى ممكن نطلب منه يعرفنا المكان اللي اشتراها منه ولو معانا فلوسها نشتريها (البدائل)
ـ ولو مش معانا نحوش في حصالتنا عشان نعرف نشتريها ( أهداف)
أيوة فكرة حلوة اوي نشتري واحدة زيها🥰
ـ انا فخورة بيك إنك مقبلتش على نفسك تخسر صاحبك وتخسر أمانتك عشان لعبة🌸

⭕الحوار دا من برنامج #كورت لتوسيع الادراك اللي وعدتكم بيه
يمكن اتأخرت شوية بس حسيت إني محتاجة أعدل الافكار
عشان تتناسب معاكم وتعرفوا تطبقوها
أنا دمجت اكتر من مهارة في الحوار اللي فوق زي

✓معالجة الأفكار في النتائج الإيجابية والسلبية
✓ القوانين
✓ البدائل
✓ الاهداف
✓النتائج
واخيرا وليس آخرا
✓ القيم اللي الطفل محتاج يتعلمها بشكل كبير جدا عشان يقدر يكون بيها رؤية واضحة عن شخصيته والطريقة اللي يحب يتعامل بيها مع الناس او يعامل بيها الناس💪
ان شاء الله هاكمل معاكم السلسلة اللي وعدتكم بيها واتمنى تعذروني على تأخيري🙈

هانتظر كومنتاتكم لانها هي اللي بتخليني أكمل😔


أخصائي تعديل سلوك وإرشاد أسري وزواجي وعلاج بالفن ومقاييس نفسية و
مدرب طفل للتفكير الإبداعي و
علياء عون ADHD mentor