05/11/2020
لو لسة بادئ ومش عارف تاكل اية علشان تخس (تنشف) او تتخن(تضخم) فالبوست دة ليك 👌
اولاً : انا بروح الجيم وعايز انشف او اخس اعمل اية ؟
اول حاجة بتعملها وهى انك بتعرف احتياجك من السعرات يومياً وبتقلل عنها على قد ما تقدر طب بتعرفها ازاى ؟ بتدخل على الموقع دة https://www.calculator.net/calorie-calculator.html
بتكتب سنك وطولك وبتملى بقية الخانات بعدها هيظهرلك 4 خانات
الخانة الاولى : السعرات الى جسمك محتاجها يومياً علشان تفضل ثابت على وزنك الحالى ودية يا اما انت بتنقص عنها على قد ما تقدر ( بس بشروط طبعا وهقولهالك تحت ) يا اما بتشوف انت عايز تنقص كام فى الاسبوع ودول الـ 3 خانات الى تحت
كدة انت عرفت سعراتك خلاص هنيجى بقى لأهم حاجة فى الموضوع كلة والى لو اهملتها هتبوظ اى حاجة انت بتعملها لا وبالعكس هتخلى نزولك للجيم بيضرك اكتر ما بيفيدك وهو ( البروتين ) دة لازم تاخد احتياجك اليومى منة ومتقصرش فية نهائى لأن لما بتنزل الجيم انت بتهدم العضلات وبترجع المفروض تغذيها وغذائها الوحيد هو البروتين لو مدخلتش البروتين المظبوط او طنشتة العضلات هتتهدم هتيجى تبنى نفسها تانى علشان تبقى اقوى واكبر مش هتلاقى حاجة تتغذى عليها فهتتهدم بس وهتفضل على كدة كل يوم بتهدم عضلات بس دلوقتى انت عرفت اهمية البروتين نيجى بقى ازاى نحسب احتياجنا اليومى منة
بالنسبة للبروتين ملهوش حسبة ثابتة هتلاقى ناس بتقول 1.2 وناس تانية 1.6 والى يقولك 2.2 وفية الى يقولك شيل دهون جسمك وخد الصافى اضربة فأتنين وغلط انك تمشى على اى كلام علشان لو زودت بروتين زيادة (من غير ما نتعمق فالموضوع ) هتضر اعضاء مهمة فجسمك وطبعا انت مش عايز دة يحصل فهتعمل اية بقى هتدخل على الموقع دة : https://www.calculator.net/protein-calculator.html
هو نفس شكل اللينك الاول اللينك مش غلط ! هتدخل هتملى البيانات برضة بعدها هيجيلك حاجات كتيرة الى هتهتم بية هو خانة ADA ودة هتاخد متوسط الرقمين دول ( تجمعهم وتقسم على 2 ) دة هيبقى البروتين المناسب ليك متزودش عن الحد الاقصى الى مكتوبلك علشان هتضر صحتك زى ما قولتلك مش بكترة البروتين
بس كدة انت عرفت سعراتك وعرفت احتياجك من البروتين هتقلل على قد ما تقدر من السعرات بس تاخد احتياجك من البروتين الاول وتحسب سعراتة والباقى بقى قسمة زى ما انت عايز كارب , شوفان , ... الخ بالنسبة للى بيضخم فهتعمل نفس الموضوع بس بدل ما تقلل سعرات هتزود سعرات ( 500 - 1000 ) بس كدة وربنا يوفقكم يا ابطال وتوصلوا للى بتحلموا بية بأذن الله ❤
حبة نصائح للأتنين ( الى بيخس وينشف والى بيضخم ) ::
🛑 ابعد عن السكريات قللها وحاول تمنعها لو تقدر
🛑ابعد عن الزيوت غير الصحية ( زيت , سمنة , ...الخ ) بدلهم بزيت زتون وعندك زيوت صحية ( مكسرات )
🛑اوعى تقطع كارب نهائى ( رز , مكرونة , ..الخ ) دية مش دهون زى ما انت فاكر دية مصدر الطاقة بتاع جسمك ولو قطعتة هتدوخ وهتبقى مهبط طول الوقت
🛑اشرب مياة على قد ما تقدر علشان جسمك يفهم انة مش محروم فميخزنش اى مياة بتدخلة ( ودة هيزود وزنك وهيغطى على عضلاتك ومش هتبقى باينة زى ما انت عايز )
This free protein calculator estimates the amount of protein a person needs each day to remain healthy. It is based on certain averages as well as recommendations from institutions such as the World Health Organization. Learn more about essential proteins, or explore hundreds of other calculators ad...
