05/06/2026
البيدج دي هتقدم عظمة على مدار الموسم الجاي وحرفيا ممكن ما تتابع الماتش وتقرأ الكلام عنه كأنك تابعته
اللي مش عاملها فولو هيخسر أكيد
النهارده هيتم الإعلان رسميًا عن جدول مباريات الدوري الإيطالي لموسم 2026-2027 في مدينة بارما 🇮🇹
وفي كام تفصيلة مهمة كده 👇
🔹 مفيش ديربيات في أول أو آخر جولة
رابطة الدوري الإيطالي قررت ترجع تطبق قاعدة بتمنع إقامة مباريات الديربي في:
الجولة الأولى.
الجولة الأخيرة.
الجولة المؤجلة اللي هتتلعب يوم 28 أكتوبر.
وده يشمل ديربيات:
ميلان ×انترميلان
روما ×لاتسيو
يوفينتوس × تورينو
كمان نظام الجدولة الإلكتروني هيحاول يتجنب تداخل المباريات الكبيرة مع أحداث رياضية ضخمة تانية بعد المشاكل اللي حصلت الموسم اللي فات بسبب بطولات التنس.
🔹 مواعيد الموسم
البداية: 22 و23 أغسطس 2026.
النهاية: 29 و30 مايو 2027.
🔹 الفرق الصاعدة الفرق اللي طلعت للسيري آ الموسم ده:
فروزينوني
فينيسيا
مونزا
🔹 فترات التوقف الدولي هيكون فيه 3 فترات توقف رئيسية للمنتخبات:
27 سبتمبر و4 أكتوبر (توقف مزدوج).
15 نوفمبر.
28 مارس.
وكمان هيبقى فيه راحة شتوية قصيرة يومي 26 و27 ديسمبر.
🔹 حماية الفرق المشاركة أوروبيًا عشان يقللوا الضغط على الأندية الإيطالية في البطولات الأوروبية:
فرق دوري الأبطال مش هتواجه فرق الدوري الأوروبي أو دوري المؤتمر في جولات معينة مرتبطة بالمواعيد الأوروبية.
الهدف إن الفرق الإيطالية تاخد أفضل فرصة ممكنة للمنافسة القارية.
🔹 الذهاب والإياب مش هيبقوا بنفس الترتيب. يعني ممكن تواجه فريق بدري جدًا في الدور الأول وترجع تقابله متأخر جدًا في الدور التاني وكمان لازم يبقى فيه على الأقل 8 جولات بين مباراة الذهاب والإياب ضد نفس المنافس.
🔹 كومو هيبدأ الموسم بـ3 مباريات متتالية خارج أرضه بسبب أعمال التطوير والتجديد في ملعب سينيغاليا استعدادًا لاستضافة مباريات الفريق في دوري الأبطال.
📊 أرقام الموسم
20 فريق.
380 مباراة.
موسم ممتد من أغسطس لحد مايو.
كل المؤشرات بتقول إننا داخلين على موسم من أقوى وأمتع مواسم الدوري الإيطالي في السنين الأخيرة 🔥🇮🇹.
