23/10/2020
بص يا سيدي , بصي يا ستي
بعيدا عن انك عاوزة تخسي
بعيدا عن الميزان ال هيفضل طول حياتنا طالع نازل
خلينا نتكلم ونفهم حاجة ... نفهم ان التمرين هو الاساس , هو الغاية
هو هو الصديق الوفي
هو اساس كل الخير والصحة والنجاح
دايما وابدا سواء عاوز تزيد وزن او تخس وزن او تنشف او حتي مش بتعمل نظام غذائي اصلا , ياريت ارجوك تحافظ ع التمرين دايما ايان كان شكل التمرين :-
= جيم.
= كارديو وايروبكس .
= زومبا - يوجا .
= مشي .
= سباحة - العاب قتالية .
الخ بص يا سيدي , انت لو بتدور ع صحتك وبتدور ع انك
يبقي لازم متبطلش تمرين طول حياتك قدر استطاعتك ودا عشان التمرين ايان كان شكله هيكون ليه دور ايجابي جدا ف :-
= هيحافظ ويحسن من صحة ونشاط وقوة قلبك .
هيحافظ ويحسن قوة ونشاط وكفاءة صدرك ورئتك .
هيحافظ ع عضمك وع صحة وليونة مفاصلك .
= بشكل اعمق وافضل .
= هيخليك تاكل اكتر 😀 مش تاكل اكتر يعني هيفتح نفسك ,, لا
المقصود ان التمرين دا هيحرقلك سعرات حرارية كبيرة تصل ل 500 - 1000 سعر ع حسب مدة وقوة تمرينك يوميا , فبالتالي ممكن تاكل اكتر شوية وتدلع نفسك شوية ف الاكل 😀 🤣
= الاعمار بيد الله , ولكل اجل كتاب , دا اكيد ونعم بالله
بس كل الدراسات ال بتتعمل ع عمر الانسان ال
life expectancy - life span
بتأكد ان الشخص ال بيعمل رياضة ع مدار حياته , بيكون عمره اكتر حوالي 4 - 8 سنين .
= وحاجة من اهم الحاجات خصوصا بالنسبالي شخصيا , وهي ان ساعة او ساعتين التمرين ف اليوم هيخليك تحس بسعادة وراحة , وهيكون دايما وسيلة لتخريجك من المود ,متضايقك او مخنوق او عاوز تفصل شوية , فالتمرين هيقوم بالواجب 😉
وناس كتير عارفه الشعور دا وفاهماني وحاسة بالكلام 🥰💪
فنسيبنا من ال عاوز يخس , ومن ال عاوز يزيد ومن ال عاوز 6 باكس
فعلا انا لو هطلع من حياتي ومن شغلي معاكم هنا باني اشجع الناس انها بس تبدأ تتمرن وتحافظ ع التمرين ايان كان نوعه وايان كان شكله وتتعود علي فكرة التمرين والرياضة , ويكون التمرين دايما جزء من حياتها
فانا كدا هبقي اسعد انسان ف الدنيا
, يلا نحافظ ع التمرين , يلا نخلي التمرين جزء اساسي من حياتنا
خد النية بكل حب وبكل صدق , واتوكل ع الله من انهاردة
مع تحيات كابتن/عرفات عبدالمعز
