08/06/2026
⏰ التمرين على معدة فاضية (صايم) – صح ولا غلط؟!
ناس كتير بتصحى من النوم، يغسل وشه، ويروح يتمرن على طول علشان "يحرق دهون أكتر" 🤔
بس هل ده فعلاً مفيد؟ ولا بيضر الجسم؟
تعالى نشوف 👇
✅ إمتى التمرين على معدة فاضية ينفع؟
لو هدفك الأساسي خسارة وزن أو تقليل دهون مش هدفك بناء عضلي او زيادة وزن
والتمرين خفيف لوسط (كارديو – مشي سريع – تمرين مقاومة بشده متوسطة)
ومدة التمرين قصيرة (ساعة مثلا ) 🚶♂️
في الحالة دي:⬇️
– الجسم بيبدأ يستخدم الدهون كمصدر طاقة
– بتحفّز معدلات الحرق
بس بشرط: تكون واكل كويس في اليوم اللي قبله مش نايم اصلا صايم .
---
❌ إمتى يكون خطر؟
لو التمرين شديد أو طويل أو فيه أوزان تقيلة جدًا 💥
زي الجري لمسافات طويلة – رفع حديد تقيل تمرينات مركبه – تمرين عالي الكثافة (HIIT)
الجسم هنا محتاج طاقة فورية، ولو مفيش أكل؟
– هتدوّخ 😵💫
– الضغط ممكن يقع
_ سكرك هيهبط
– العضلات نفسها ممكن تتكسّر بدل الدهون لان جسمك هيستخدمها كطاقة 😨
🧠 الخلاصة:
– لو تمرينك خفيف ومتوسط وهدفك تخس، تمرين صايم هيفيدك جدا ☺️
– لو تمرينك تقيل؟ لازم تاكل قبله ولو حاجة بسيطة
(مثلاً موزة + معلقة زبدة فول سوداني 🍌🥄 او زبادي او بسكوت شوفان او تبقي واكل وجبة كاملةقبل تمرين بساعتين 🍳🍞)
👀:
مش كل اللي صايم بيحرق، ومش كل اللي واكل بيفشل!
اعرف جسمك، واتمرّن بذكاء 🤓💪
Gym
Angham Mohsen
