Keita the beast

Keita the beast https://www.facebook.com/groups/680859369060469/?ref=share

الجروب الأصلي والوحيد الخاص بيا

مدربة دولية معتمدة من ISSA
اخصائي تغذية رياضيين ISSA
اخصائي تغذية عامة اعتماد جامعة طنطا
هدفي أغير التفكير القديم عن التمرين والتغذية الصحية العلاجية بدل ورق الدايت المميت اللي بيكره الناس ف الأكل.. تمرين المقاومة هو حبي الاول وهو حجر أساس كل جسم سليم

عايزة تعرفي سر الجسم اللي بيتغير فعلًا؟ 👀مش الـdetox…مش شاي التخسيس…مش 100 تمرين بطن…ومش إنك تاكلي أقل ما يمكن. 🙅🏻‍♀️الن...
27/08/2026

عايزة تعرفي سر الجسم اللي بيتغير فعلًا؟ 👀
مش الـdetox…
مش شاي التخسيس…
مش 100 تمرين بطن…
ومش إنك تاكلي أقل ما يمكن. 🙅🏻‍♀️
النتيجة = تفاصيل صغيرة بتتعمل صح… وبتتكرر لفترة كفاية.

متاح تدريب اونلاين عن بعد .. متاح تدريب برايفت شخصي معايا ف جيم Hulk

غيرنا المقاسات من 3xl ل M بعد التزام 5 شهور تغذية صحية بدون مسببات التهاب ريحت الجسم وخليت بطلتي تستخدم مخزون الدهون بسه...
26/08/2026

غيرنا المقاسات من 3xl ل M بعد التزام 5 شهور تغذية صحية بدون مسببات التهاب ريحت الجسم وخليت بطلتي تستخدم مخزون الدهون بسهولة ك طاقة
( و دا لو تعلمون هو سر النجاح أنه مفيش التهابات ف الجسم تعطل سير الهرمونات والحرق 😮‍💨💪🏻🤷🏻‍♀️)
بطلتي التزمت بكل فخر خلال الفترة دي بنظام تمرين مناسب جدا ل حالتها وأسلوب ونمط حياتها
وكانت النتيجة الله يبارك ويكمل .. نزلت دهون من 104 ل 88
خلال 5 شهور واكتسبت كتلة عضلية 💪🏻🥇

حقيقي انا مهما اوصف قد ايه مبسوطة ل بطلتي الحلوة و فخورة بقوتها. التزامها مش هعرف اعبر 🥹❤️

كل دا من غير حقن تودي ف داهية ولا عمليات تضيع كتلتنا العضلية و شعرنا و بشرتنا
ولا مشروبات خزعبالية تهري المعدة و تجيب تهيج ف الأمعاء.
كل دا حصل ب أسلوب حياة صحي بدون حرمان! وبدون ما نضغط علي اعصابنا ف منع الأكل .. قوة البدايل الصحية هو أهم سر عندي 👌🏻🤭😉

عاوزة اسمع عاااااااش فوق العاش لبطلة اانهاردة اللي قدرت تكون منارة مشجعة للي حواليها وتحببهم ف الحياة الصحية بدون اللجوء ل طرق سيئة مختصرة. 😒

متاح حجز و متابعة انظمة البرايفت اونلاين ، للحجز والاستفسار التواصل مسنجر او واتس اب علي رقمي 😊💛

🔥 بتاكلي بسرعة؟ جسمك مش لاحق يفهم إنتِ أكلتي إيه! 😏جربي التحدي ده لمدة أسبوع:🍽️ ممنوع تخلصي وجبتك في أقل من 15 دقيقة.أيو...
16/08/2026

🔥 بتاكلي بسرعة؟ جسمك مش لاحق يفهم إنتِ أكلتي إيه! 😏
جربي التحدي ده لمدة أسبوع:

🍽️ ممنوع تخلصي وجبتك في أقل من 15 دقيقة.

أيوة… 15 دقيقة بس.

لأنك لما بتاكلي بسرعة جدًا، بتدي نفسك فرصة أقل إن إشارات الشبع تاخد وقتها وتوصل للمخ.

فتلاقي نفسك:

«أنا لسه جعانة.»
«هاتِ حتة كمان.»
«طب آخد لقمة أخيرة.»
«خلاص دي آخر واحدة…» 😂

وبعدها بـ10 دقايق:

أنا أكلت ليه كل ده؟! 🫠

الموضوع مش إن المضغ السريع «بيخلي الأكل يتحول لدهون» ❌

لكن سرعة الأكل ممكن تخلي التحكم في كمية الأكل أصعب عند بعض الناس، خصوصًا مع الوجبات الكبيرة أو الأكل المشتت قدام الشاشة.

فجربي الأسبوع ده:

📵 ابعدي الموبايل.
🍴 حطي المعلقة بين اللقم.
👄 امضغي بهدوء.
⏱️ خلي الوجبة تاخد وقتها.
🛑 ولما تحسي إنك شبعتِ… متكمليش لمجرد إن الطبق لسه فيه أكل.

والأهم؟

ممنوع تاكلي وإنتِ واقفة في المطبخ وكأنك بتعملي عملية سرية. 😂

جسمك مش محتاج حرب مع الأكل…

هو محتاج إنك تسمعي إشاراته.

اعمليها 7 أيام.

وبعدين قوليلي:

هل فعلًا كنتِ بتاكلي أكتر من احتياجك… ولا المشكلة كانت إنك مكنتيش بتدي نفسك فرصة تحسي بالشبع؟ 👀🔥

آه…
#بتحداكي!

وجبتك مش عيب … لأن هدفك مش هيستنى لحد ما تروحي البيت خليني أسألك سؤال بسيط:لو يومك كله برّه البيت… هتعملي إيه؟شغل؟مشاوير...
15/08/2026

وجبتك مش عيب … لأن هدفك مش هيستنى لحد ما تروحي البيت
خليني أسألك سؤال بسيط:

لو يومك كله برّه البيت… هتعملي إيه؟

شغل؟
مشاوير؟
جيم؟
مواصلات؟
اجتماعات؟
زيارة؟
يوم طويل ومليان التزامات؟

هل الحل إنك تقولي:
"خلاص، النهارده بقى يوم مفتوح… وهبدأ من بكرة؟" 😅

ولا تستني لحد ما تجوعي جدًا، وساعتها أول حاجة قدامك تبقى هي وجبتك؟

لا… خدي وجبتك معاكي. ببساطة. 🤌🏻

دي بالنسبة لي واحدة من أبسط العادات اللي ممكن تغيّر التزامك بالكامل:
"برطمانتي بوجبتي عشان اللانش بوكس مكفاش 😁."
مش لازم اصلا لانش بوكس ضخم. اي حاجة بتقضي الغرض
ومش لازم مطبخ متنقل.
ومش لازم تقضي ساعتين بتحضري أكل مخصوص.
ممكن وجبة بسيطة، متحضرة من البيت، في برطمان أو علبة صغيرة… وتحطيها في شنطتك وتكملي يومك.

خلصت الحكاية.🤌🏻🙉
لأن المشكلة غالبًا مش إنك "مش عارفة تاكلي صح"
أنت/ي عارف/ة.🫵🏻
عارفة إنك محتاجة مصدر بروتين.
وعارفة إن الخضار مهم.
وعارفة إن الكمية بتفرق.
وعارفة إن الحلويات والمقليات مش لازم تكون وجبتك الأساسية كل يوم.

لكن المشكلة الحقيقية؟🙉
إنك بتوصلي للحظة الجوع وأنت/ي غير مستعد/ة.🤌🏻
وساعتها القرار الغذائي بيبقى أصعب بكتير.
لما تكوني جعانة جدًا، مرهقة، ومستعجلة… مش هتقعدي تفكري:

"يا ترى الوجبة دي فيها كام جرام بروتين؟ وهل الدهون مناسبة؟ وهل كمية الكربوهيدرات متوافقة مع هدفي؟" 😂

أنتِ غالبًا هتفكري:
"هات أي حاجة آكلها بسرعة."
وهنا بيبدأ كل شيء غلط يحصل 😁

التحضير مش معناه إن حياتك تتمحور حواليه
ودي نقطة مهمة جدًا.🤚🏻
أنا مش عايزاكي تعيشي في سجن "الأكل الصحي".
أنا عايزاكي تسهّلي على نفسك الاختيار الصح.
لأن الالتزام الحقيقي مش إنك تكوني مثالية.
الالتزام الحقيقي إنك لما يومك يبوظ… أنتِ ما تبوظيش معاه.

اتأخرتي؟
وجبتك معاكي.

عندك مشوار طويل؟
وجبتك معاكي.

رايحة الجيم بعد الشغل؟
وجبتك معاكي.

مش عارفة هتلاقي أكل مناسب في المكان ولا لأ؟
وجبتك معاكي.

مش لازم كل ظروف الحياة تتظبط عشان أنتِ تلتزمي.
إنتِ اللي بتجهزي نفسك للظروف.
والجميل إن الموضوع مش محتاج تعقيد

ممكن الوجبة تكون:
بروتين + خضار + مصدر كربوهيدرات مناسب + دهون حسب احتياجك.
مش لازم وصفة إنستجرام من 17 مكوّن. 😂
ممكن أكل بيت عادي جدًا، لكن متوزن ومتحضر بذكاء.
والأهم إن الوجبة تكون مناسبة لهدفك واحتياجاتك، مش مجرد "أكل صحي" شكله حلو.

"بس أنا هكسل أحضر!"
عارفة.🙄
وعشان كده ابدئي بوجبة واحدة فقط.🤷🏻‍♀️
مش مطلوب منك تحضر/ي أكل الأسبوع كله يوم الأحد وتعيشي في معسكر تحضير وجبات. 😂🙉

خليكي ذكية و ابدئي بـوجبة واحدة تعرفي إنك غالبًا هتحتاجيها وأنتِ برّه البيت.😼👌🏻

حضريها قبل ما تنزلي.
حطيها في البرطمان.(زيي كدا 😂)
حطي البرطمان في الشنطة.
وانزلي. 🚶🏻‍♀️
بعد كام مرة هتكتشفي إن الموضوع أخد منك دقائق… لكنه وفّر عليكِ قرارات كتير جدًا خلال اليوم.
والأهم: متربطيش الالتزام بالمثالية ✍🏻
لو نسيتِ مرة؟ عادي.
لو أكلتِ برّه مرة؟ عادي.
لو اضطريتي تغيري الوجبة؟ عادي.
لكن ما تخليش:
"أنا مش هقدر ألتزم النهارده"
تتحول ل "يبقى آكل أي حاجة طول اليوم."

الوجبة اللي معاكي مش هدفها إنها تمنعك من الحياة.
هدفها إنها تديكي اختيار أفضل وسط الحياة.

خديها قاعدة:
الناس الناجحة في تغيير جسمها مش دايمًا عندها إرادة أقوى… أحيانًا عندها بيئة أذكى ف التعامل مع المشكلة! 👌🏻

لما الأكل المناسب يكون متاح قدامك، القرار بيبقى أسهل.
ولما تكوني خارجة من البيت وأنتِ عارفة إن وجبتك موجودة في شنطتك…مش محتاجة تفاوضي نفسك كل ساعتين وانتي جعانة

لأنك ببساطة مستعدة معاكي وجبتك
فالمرة الجاية قبل ما تقولي:
"أنا هكون برّه طول اليوم، أعمل إيه؟"
اعملي حاجة أبسط بكتير:
خدي وجبتك ف اي حاجة قدامك متتكسفيش المختلف مميز❤️
مش لازم هدفك يستنى لحد ما ترجعي البيت.
خلي وجبتك هي اللي تيجي معاكي.😽

أثناء النوم، جسمك بيكون في واحدة من أكتر الفترات نشاطًا لإصلاح نفسه. 💙✨ أثناء نومك يحدث الآتي:🧠 المخ بينظف نفسه خلال الن...
28/07/2026

أثناء النوم، جسمك بيكون في واحدة من أكتر الفترات نشاطًا لإصلاح نفسه. 💙
✨ أثناء نومك يحدث الآتي:
🧠 المخ بينظف نفسه خلال النوم العميق، ينشط ما يُعرف بـ الجهاز الجليمفاوي (Glymphatic System)، وهو المسؤول عن التخلص من الفضلات والبروتينات التي تتراكم في المخ طوال اليوم.
💪 العضلات تتعافى وتنمو يزداد إفراز هرمون النمو أثناء النوم، وهو ضروري لإصلاح الأنسجة وتعافي العضلات بعد التمرين.
🛡️ المناعة تصبح أقوى النوم الجيد يعزز إنتاج الخلايا المناعية والسيتوكينات التي تساعد جسمك على مقاومة العدوى والالتهابات.
⚖️ الهرمونات تنتظم قلة النوم ترفع هرمون الجريلين (هرمون الجوع) وتقلل اللبتين (هرمون الشبع)، لذلك غالبًا بتصحى نفسك مفتوحة على الأكل.
❤️ القلب والجهاز الدوري يرتاحان ينخفض ضغط الدم ومعدل ضربات القلب أثناء النوم، مما يمنح القلب فرصة للتعافي وتقليل الإجهاد عليه.
📌 الخلاصة: إذا كنت بتتمرن، وبتاكل كويس، لكن نومك سيئ... فأنت بتحرم جسمك من أهم مرحلة للتعافي وبناء الصحة.
🎯 استهدف 7–9 ساعات نوم كل ليلة، لأنها جزء أساسي من أي خطة لبناء العضلات، خسارة الدهون، وتحسين الصحة العامة.
#التعافي ゚viralシfypシ゚

جسمك بيشتغل لصالحك وإنت نايم! 😴✨
النوم مش مجرد راحة... ده الوقت اللي جسمك بيصلح فيه الخلايا، بينظم الهرمونات، ويدعم المناعة ويستعيد طاقته. 💚
لو هدفك صحة أفضل، طاقة أعلى، أو خسارة دهون، ابدأ من نومك قبل أي حاجة.
🌙 حاول تنام من 7–9 ساعات كل ليلة. هتتفاجئ قد إيه النوم ممكن يفرق في حياتك. 💪
#صحة #تعافي

21/07/2026

لو فاكرة إن بطنك السفلية محتاجة تمارين بطن أكتر... ممكن تكوني بتركزي على العضلة الغلط!"
لو فاكرة إن بطنك السفلية محتاجة تمارين بطن أكتر... ممكن تكوني بتركزي على العضلة الغلط!
ايه رأيك نتأكد؟!🤔

كتير من الناس بيستغربوا لما يعرفوا إن ثبات البطن السفلية وشد المنطقة بالكامل مش بيعتمد
على عضلات البطن لوحدها، لكنه بيعتمد كمان على قوة وثبات عضلات الورك والمؤخرة.(Hips & glutes)

تمرين Clamshell شكله بسيط جدًا، لكن تأثيره أكبر بكتير مما تتخيلي.
التمرين ده بيستهدف عضلة مهمة اسمها Gluteus Medius (العضلة الألوية المتوسطة)، وهي واحدة من أهم العضلات المسؤولة عن تثبيت الحوض أثناء الوقوف، المشي، الجري، وحتى أثناء تمارين المقاومة.
لما العضلة دي تكون ضعيفة أو "نايمة":
الحوض يفقد جزءًا من ثباته.
الجسم يعوض بحركات غير صحيحة.
عضلات الكور (Core) تشتغل بكفاءة أقل.
البطن السفلية ممكن تبان أقل تماسكًا حتى لو بتلعبي تمارين بطن باستمرار.
ليه ده بيحصل؟
الجسم بيشتغل كسلسلة مترابطة، مش كعضلات منفصلة.
لما الورك والمؤخرة يثبتوا الحوض كويس، عضلات البطن تقدر تنقبض وتشتغل بالطريقة الصحيحة، وبالتالي تحسين شكل وثبات منطقة الجذع بالكامل.
وده لا يعني إن تمرين Clamshell بيحرق دهون البطن مباشرة، لأن فقدان الدهون الموضعية غير ممكن علميًا. لكنه بيساعد ع تقوية العضلات وبالتالي استهلاك مخزون الطاقة ف المنطقة دي ف تخس و تتشد 🫨😎

اللي بيعمله هو: ✅ تحسين ثبات الحوض ✅ تنشيط عضلات المؤخرة الجانبية.
✅ تحسين ميكانيكية الحركة.
✅ رفع كفاءة عمل عضلات الـ Core.
✅ المساعدة في تقليل الضغط على أسفل الظهر والركبتين أثناء الحركة.
مين يستفيد من التمرين؟
السيدات اللي ولادتهم متكررة وخاصة ال C-section او القيصري
اللي بيعاني من ضعف عضلات المؤخرة.
اللي عنده ميل لدخول الركبة للداخل أثناء السكوات أو المشي.
اللي بيحس بعدم ثبات في الحوض.
اللي بيعاني من آلام أسفل الظهر الناتجة عن ضعف التحكم العضلي.
أي شخص بيبدأ برنامج مقاومة ويريد تحسين جودة الحركة.

تمرين Clamshell مش هيخلي دهون البطن تختفي ف لمح البصر لكن تدريجي مع قوة منطقة اسفل البطن... و هيخلي جسمك يشتغل بالطريقة اللي اتصمم يشتغل بيها ف أهم منطقة للسيدات

ولما الحوض يبقى ثابت، والكور يشتغل بكفاءة، وتمشي مع تغذية مناسبة وتمارين مقاومة منتظمة ، هتبدأ تشوف فرق حقيقي في الأداء، والثبات، وشكل الجسم مع الوقت.

💬 سؤال ليك: هل سبق وحسيت إن بطنك السفلية مش بتستجيب⚠️ للتمرين رغم إنك بتلعب تمارين بطن كتير؟ اكتب "CLAM" في التعليقات، وأنا هقولك إزاي تعرف إذا كانت المشكلة من ضعف عضلات الورك والمؤخرة.

Gluten-free high-protien biscuits 🥇💛🫨من الوصفات اللطيفة جدًا لأنها معمولة بمكونات بسيطة، وفي نفس الوقت مناسبة لناس كتير ...
19/07/2026

Gluten-free high-protien biscuits 🥇💛🫨
من الوصفات اللطيفة جدًا لأنها معمولة بمكونات بسيطة، وفي نفس الوقت مناسبة لناس كتير عندهم حساسية أو عدم تحمل للجلوتين والالبان.

مناسبة كسناك او ك جزء من وجبة الفطار او حتي العشا
القطعة الواحدة تحتوي تقريبًا على 77 كالوري مع حوالي 3 جم بروتين
وطبعاً الياف عالية بسبب المكونات و يخليه بسكوت ميسببش انتفاخات ولا تحسس وخفيف ع المعدة 🥇💪🏻👏🏻

طبعاً نقدر نستبدل الاستفيا ب عسل نحل او دبس تمر او حتي سكر ⚠️ جوزهند للأطفال.
متنسوش like , save & share عشان ترجعولها ف أي وقت 😌🫡

لو قلتلك إن مجرد 3 حصص مقاومة في الأسبوع ممكن يكون تأثيرها على حالتك النفسية أقوى مما تتخيل؟" 💪🧠"لو قلتلك إن مجرد 3 حصص ...
18/07/2026

لو قلتلك إن مجرد 3 حصص مقاومة في الأسبوع ممكن يكون تأثيرها على حالتك النفسية أقوى مما تتخيل؟" 💪🧠
"لو قلتلك إن مجرد 3 حصص مقاومة في الأسبوع ممكن يكون تأثيرها على حالتك النفسية أقوى مما تتخيل؟" 💪🧠

إحنا دايمًا بنتكلم عن تمارين المقاومة علشان العضلات أو حرق الدهون... لكن الحقيقة إن فيه فايدة أهم بكتير ناس كتير مش واخدة بالها منها: مقاومة الاكتئاب وتحسين الصحة النفسية.
وده مش مجرد كلام تحفيزي... ده مدعوم بأبحاث وتجارب سريرية.
في مراجعة علمية ضخمة نُشرت في مجلة JAMA Psychiatry، الباحثين حللوا بيانات 33 تجربة سريرية عشوائية شملت أكتر من 1800 شخص. النتيجة كانت واضحة: تمارين المقاومة قللت أعراض الاكتئاب بشكل ملحوظ، سواء عند الشباب أو كبار السن، وسواء الشخص كان بيعاني من مرض مزمن أو لأ.
والأجمل إن التأثير ظهر حتى عند الناس اللي كانوا بيتمرنوا مرتين أو 3 مرات أسبوعيًا.
ليه ده بيحصل؟
لأن التمرين مش بيقوي العضلات بس... هو كمان بيغير كيمياء المخ.
✔️ بيزود إفراز الإندورفين، اللي بيساعد على تحسين المزاج. ✔️ بيحفز إنتاج BDNF، وهو بروتين مهم جدًا بيساعد خلايا المخ تنمو وتتواصل بشكل أفضل، وده مرتبط بانخفاض أعراض الاكتئاب. ✔️ بيحسن جودة النوم، والنوم الجيد من أهم عوامل استقرار الحالة النفسية. ✔️ بيقلل الالتهابات المزمنة في الجسم، واللي الدراسات الحديثة بتربط بينها وبين الاكتئاب. ✔️ كل مرة بتنجز فيها تمرين أو بتشيل وزن أكبر، ثقتك بنفسك وإحساسك بالقدرة على الإنجاز بيزيدوا، وده له تأثير نفسي قوي جدًا.
طب لازم أتمرن كل يوم؟
لا.
الأبحاث بتشير إن جلستين إلى 3 جلسات مقاومة أسبوعيًا لمدة 45–60 دقيقة، مع زيادة الأحمال تدريجيًا، كفاية إنها تحقق فوائد ملحوظة للصحة النفسية عند ناس كتير.
وده معناه إنك مش محتاج تعيش في الجيم... لكن محتاج تستمر.
مهم جدًا
تمارين المقاومة مش بديل للعلاج النفسي أو الأدوية لو الطبيب وصفها، لكنها تعتبر من أقوى الوسائل المساندة اللي أثبتها العلم لتحسين أعراض الاكتئاب وجودة الحياة.
كل تمرينة مش بس بتقوي جسمك... دي كمان بتبني مخ أكثر مرونة ونفسية أقوى. ❤️
لو تعرف حد بيمر بفترة صعبة نفسيًا، ابعتله البوست ده. يمكن يكون بداية التغيير الحقيقي.

رغم إن بطلتي خسّت 6.4 كجم في شهر واحد.. إلا إن ده ماكانش هدفي الأساسي. ❤️😊كان عندي هدف أهم بكتير... وهو تصحيح وضعية الجس...
10/07/2026

رغم إن بطلتي خسّت 6.4 كجم في شهر واحد.. إلا إن ده ماكانش هدفي الأساسي. ❤️😊
كان عندي هدف أهم بكتير... وهو تصحيح وضعية الجسم (Posture).

بطلتي شغلها كدكتورة بيتطلب ساعات طويلة من الوقوف، وفترة المذاكرة كانت بتخليها تقعد لساعات متواصلة. مع الوقت بدأ يظهر انحناء واضح في أعلى الظهر نتيجة ضعف عضلات الظهر والعضلات المسؤولة عن تثبيت لوح الكتف، ومعاه زادت آلام الرقبة والظهر بشكل ملحوظ.

الموضوع مش مجرد شكل أو مظهر...
لأن استمرار الوضعية الخاطئة لفترات طويلة بيؤدي إلى زيادة الأحمال الميكانيكية على فقرات العمود الفقري والغضاريف والأربطة، وده مع الوقت ممكن يرفع احتمالية حدوث آلام مزمنة، وخشونة مبكرة، وانزلاقات غضروفية عند الأشخاص المعرضين لها.

علشان كده كان هدفي الأول هو إعادة التوازن العضلي، وتقوية العضلات المسؤولة عن تثبيت العمود الفقري، وتحسين التحكم في وضعية الجسم أثناء الوقوف والجلوس والحركة.

والسر؟ 😎
مش عضلات الضهر بس... لكن عضلات الوسط (Core).

عضلات الـ Core هي الأساس اللي بيثبت العمود الفقري والحوض، ولما بتكون قوية وتشتغل بكفاءة، بتساعد الجسم يحافظ على وضعية صحيحة، وتقلل الحمل الواقع على الرقبة وأسفل الظهر، وتخلي عضلات الظهر تشتغل بطريقة أفضل.

ب نعمة ربنا ، وبعد شهر واحد فقط من الالتزام ببرنامج تدريبي مصمم لحالتها، مع نظام غذائي متوازن يقلل العوامل المسببة للالتهاب، قدرنا نوصل إلى:
✅ فقدان 6.4 كجم من دهون الجسم.
✅ تحسن واضح في استقامة الظهر ووضعية الجسم وصل لحوالي 70٪.
✅ انخفاض ملحوظ في آلام الرقبة والظهر وتحسن جودة الحركة.

كل حالة لها برنامجها الخاص، ومش أي انحناء ينفع معاه نفس التمارين.
التقييم الصحيح، والتمرين المناسب، والالتزام... هم الثلاثة اللي بيصنعوا النتيجة الحقيقية. 💪❤️

فخورة بيكي ي بطلتي وحببتي ❤️🤩💪🏻👑
عاوزة اشوف عااااااش فوق العااااااش ل بطلة انهاردة

متاح أنظمة البرايفت اونلاين، للحجز والاستفسار التواصل مسنجر او واتس آب علي رقمي 😊💚










Address

Aswan

Telephone

+201285527260

Website

Alerts

Be the first to know and let us send you an email when Keita the beast posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Keita the beast:

Shortcuts

Share

Category