29/03/2026
🛑 تمرين البنش فلات
ده الاساس لبناء عضلات الصدر
بيشغل الصدر الامامي ومعاه التراي والكتف
كل ما تزود قوة فيه جسمك كله بيكبر
لو لعبت عدات كتير اوي
20 عده او اكتر
انت كده بتركز على التحمل مش الحجم
العضلة بتستحمل تعب اكتر
بس التضخيم بيبقى اقل
مفيد لو عايز نفس طويل او حرق سعرات
لو لعبت 12 عده
ده افضل رينج للتضخيم
هنا العضلة بتاخد حمل كفاية وزمن تحت شد مناسب
ده اللي بيكبر حجمها
مع اكل مظبوط هتشوف فرق واضح
لو لعبت 5 عدات
انت كده بتبني قوة
الجهاز العصبي بيقوى
هتشيل اوزان تقيلة مع الوقت
الحجم هيزيد بس مش بسرعة 12 عده
الثبات
انك تثبت بالبار تحت ثانية او اتنين
ده بيخلي العضلة تحت ضغط اعلى
وبيزود التحكم
وبيخليك اقوى في الجزء الصعب من الحركة
ده سر ناس كتير مش بتعمله
لو لعبت 3 مرات في الاسبوع
هتشوف تطور سريع
بس بشرط توزع الشغل
يوم تقيل
يوم متوسط
يوم خفيف
كده جسمك يلحق يستشفا ويكبر
لو لعبت تقيل كل يوم هتقف وممكن تتصاب .
