26/07/2026
"قالي خلاص أحنا هاديين دلوقتي ومش عايز وجع دماغ"
ده كان رد زوج سارة لما حاولت تتكلم معه في سبب الخلاف اللي حصل بينهم..💔
وقت الخلاف سارة سكتت عشان الموضوع ميكبرش ولا يغلطوا وهما متعصبين، بس لما حاولت تتناقش بعدها عشا يحلوا الموضوع، قالها خلاص بلاش وجع دماغ..
هو مفكر كده إن المشكلة اتحلت لما مشاعر الغضب اختفت وإن الكلام في الموضوع تاني هيعيد الخلاف والخناقة بينهم
بس في فرق كبير بين إن المشاعر هديت دلوقتي وبين إن المشكلة اتحلت
في فرق كبير كمان بين التجنب وبين أننا نهدى ونرجع نتكلم تاني
واللي عمله زوج سارة ده هو "التجنب"
طب ليه يا كوتش؟
لأن لما نهدى بنحدد وقت نرجع نتكلم فيه تاني عن المشكلة اللي حصلت، لكن لما نتجنب بنقول خلاص اقفلى الموضوع ونداري على المشكلة كأنها محصلتش
وكتر التجنب ده هيخلينا نراكم استياء وغضب وحزن و...
ومشكلة ورا التانية هتخلينا نعمل بركان هينفجر مرة واحدة💔
عشان كده محتاجين نعمل لغة حوار جديدة بينا خصوصًا وقت الخلاف
فلو مستعدة تعملي لغة حوار جديدة مع زوجك ابعتيلي "جلسة" ونشتغل مع بعض..🧡
