21/03/2026
يا جماعة في نقطة مهمة لازم نوضحها 👇
إحنا كمدربين سباحة بنشتغل بعلم وخبرة،
وكل طفل ليه مستوى وطبيعة مختلفة تمامًا عن غيره.
❌ أخطر حاجة بتكسر الطفل لما يسمع كلام زي:
"ليه ده أحسن من ابني؟"
"ليه هو بيعمل الحركة أسرع؟"
"ده سبق... ليه ابني لأ؟"
الكلام ده مش بس بيقلل من مجهود المدرب…
ده كمان بيهز ثقة الطفل في نفسه، وبيخليه يتوتر
وبدل ما يتقدم… بيتأخر.
💡 السباحة مش سباق لحظي… السباحة رحلة.
وكل طفل ليه سرعته وطريقته.
ودورنا إننا نساعده يوصل لأفضل نسخة من نفسه ❤️
🙏 فلو سمحتوا…
ادّوا ولادكم أمان نفسي، وسيبونا نشتغل براحتنا.
وصدقوني النتيجة دايما بتبان
لما الطفل يكون مرتاح وواثق في نفسه 💪🏊♂️
