22/03/2024
هتكلم علي أساس مهم جدا في الرياضة 🔍
علي طول بتسمع عن مصطلح منتشر جدا وهو (التمرين) ومصطلح تاني اسمه (التدريب)
طب انت عارف هما ايه وايه الفرق بينهم
بسم الله نتكلم ❤️
قبل ما اوضح اي هما واي الفرق ما بينهم هتكلم عن مصطلح اساسي وهو (الحركة)
🚄الحركة :هي تحريك الجسم او احد اجزائه (الذراعين -القدمين-الجذع-الرأس)في اي اتجاة
مثال زي لما اقلك اقفز للاعلي (جمب) انت كده خليت جسمك كلة يتحرك لفوق
تانيا بقا التمرين
🤸♀️التمرين :هو انك تكرر الحركه من اجل غرض معين
زي المثال الاول بتكرر (الجمب)كذا مرة. تكررارك للحركة بيتسمي تمرين
ثالثا بقا واخيرا
🤺(التدريب )
التدريب: هو مقنن يعني محدد بيقع تحت اربع عناصر وهما
1 - الحجم: زي لما الكابتن يقولك العب 3×10 يعني 3مجموعات و10تكرارات
2 - الشدة : وهي قوة التمرين. يعني مثلا لما اقلك شيل 20كيلو غير لما اقلك شيل 50
3 -الراحة : لما اقلك ريح ما بين كل مجموعة ومجموعة 30ثانيه
4 -الكثافة : تكرار عدد المجموعات ذات نفسها وعلي مدار كام يوم في الاسبوع ودا الفرق
بس.............كدة ....دا الفرق 🤷♀️
يارب تكون استفدت 🥰
