اللايف كوتشينج هو مساعدة الناس يساعدوا نفسهم و يلاقوا حلول لمشاكلهم
الكوتشينج بيساعدك تفكر بطريقة مختلفة بيساعدك تفهم نفسك و تشوف الحياة و اللي حواليك بوجهات نظر أوسع بيساعدك تكسر العوائق اللي في حياتك بيساعدك تلاقي طرق لحل مشاكلك بيساعدك تبقي إيجابي
يعني الكوتش مش هايقولك تعمل إيه الكوتش بيسمعك و بيخليك تسمع نفسك و بيطلع الحل من جواك يعني إنت اللي بتقرر تعمل إيه لإنك انت بس القادر علي إدارة ح
ياتك و أدري بظروفك
الكوتش هو : إنسان بتثق فيه بتستأمنه علي حياتك بيحافظ علي سرية و خصوصية كل اللي بتقوله، هو شخص مش بيصدر أحكام عليك بيسمعك بإخلاص حد بتستريح له حد عايز يساعدك و بيحاول معاك إنك توصل لبر الأمان، الكوتش بيحط معاك خطة انت بتلتزم بتنفيذها و بيفضل يتابع معاك علشان يشوف الخطة ماشية ولا في عوائق بتواجهك و لو في عوائق بيفكر معاك في حلول تانية.
الكوتشينج مش إستشارة مرة واحدة و خلصت هي علاقة شراكة بين الكوتش و العميل ممكن تمتد لمدد طويلة
الكوتشينج ينفع في إيه؟
ينفع في حالات كثيرة لو أنت محتار أو مش قادر تاخد قرار
- لو عندك مشكلة مش عارف تحلها
- لو عندك تحديات في علاقاتك، شغلك، حياتك
- عندك عادة عايز تغيرها زي التدخين
- حاجة عايز تغيرها في نفسك أو حياتك و متردد
- لو حابب تخطط لحياتك
- لو حاسس انك مشوش و مش عارف تفكر
- لو عايز تخس و مش عارف
- عايز تغير مجال شغلك
- مخنوق و عايز تفضفض
- عندك هدف عايز توصله و مش عارف
- عايز تحقق أي حاجة في حياتك
- عايز تكتشف شغفك
- عايز حد يسمعك من غير ما يحكم عليك
أي موضوع نفسك تتكلم فيه
(المهم انك يبقي عندك النية للتغيير و الالتزام بخطتك مع الكوتش علشان عملية الكوتشينج تنجح)
Alerts
Be the first to know and let us send you an email when Mona Madeeh - Positive Vibes posts news and promotions. Your email address will not be used for any other purpose, and you can unsubscribe at any time.
