19/07/2026
تتمرن أوزان حرة ولا أجهزة... إيه الأحسن؟
الإجابة ببساطة...مفيش أحسن.
لأن عضلاتك مش فارق معاها بتلعب ببار أو دمبل أو جهاز.
هي بتفهم حاجة واحدة بس...
إن فيه مقاومة نازلة عليها وإنك بتقرب من الفشل العضلي وإن فيه زيادة أحمال مع الوقت.
يعني لو لعبت Chest Press ع الجهاز بنفس الشدة وبنفس الأداء اللي هتلعب بيه Dumbbell Press...
فالنتيجة من ناحية بناء العضلات هتكون متقاربة جدا.
طيب إيه الفرق بينهم؟
الأجهزة بتوفر ثبات أكتر ومسار الحركة فيها بيكون ثابت وده بيسهل عليك التركيز ع العضلة وكمان بيكون أمان أكتر خصوصا لما تقرب من الفشل العضلي.
أما الأوزان الحرة فهي بتشغل عضلات التثبيت بشكل أكبر وبتديك حرية أكبر في الحركة.
علشان كده...
لو أنت لسه مبتدئ فالأجهزة ممكن تكون اختيار ممتاز عشان تتعلم الحركة وتوصل للفشل العضلي بأمان.
- الخلاصة...
الأجهزة والأوزان الحرة مكملين لبعض ومفيش واحد فيهم أفضل بشكل مطلق.
وأحسن حاجة إنك تعملها...
استخدم الاتنين واستفيد من مميزات كل واحد فيهم.
