15/10/2025
📢 **تنبيه من إدارة مركز فكرة**
باش نتفاداو أي سوء تفاهم، حبيت نوضح للأولياء بلي الصور ولا الفيديوهات لي ننشروهم فصفحتنا الرسمية، الهدف منهم هو نشاركو نشاطات أولادكم، ونشجعوهم، ونفرحو بيهم 👏
التصوير والنشر داخل فصفحتنا الرسمية **داخل في عمل المركز**، لأنه وسيلة باش نعرضو المجهودات، ونوثقو الأنشطة، ونشاركو فرحة التلاميذ مع أوليائهم 💛
🔸 كاين بزاف أولياء، بالعكس، يفرحو كي يشوفو نشاط أولادهم داخل المركز ويتطمنو عليهم ❤️
🔸 لكن أي ولي ما يحبش ولدو يبان، **من فضلكم تعلمونا مسبقًا** قبل التصوير ولا النشر، باش نعرفو كيفاه نتصرفو.
📍من هنا ورايح، ما نتحمّلوش مسؤولية أي اعتراض يجي **بعد النشر**، لأن التصوير يكون في إطار تربوي ونشاط جماعي.
🙏 نتمنى من الجميع التفهّم والتعاون، باش تبقى الأمور واضحة ومنظمة وفيها احترام متبادل بيناتنا 🌷
💛 **شكراً على ثقتكم الدائمة في مركز فكرة** 💛
