RCK FANS

RCK FANS أوفياء لرائد في كل أوقاته

06/01/2026

11 سنة منذ بداية النشر في الصفحة 💚

27/07/2023

05 اوت المقبل هو موعد انطلاق التحضيرات الفريق للموسم الكروي 2023/2024 ، تحت رئاسة رياض شهب رفقة طاقه الفنّي بقيادة رضا بن دريس و مدرّب الحرّاس سفيان مشحوق و المحضّر البدني خالد شباح
موسم قوي ينتظر الرائد ، بعد الجملة من التغيرات التي طرأت على البيت الفريق ، كما نرى ان الامور تبشر بالخير على عكس ما عهدناه و ما كنا نرى من كوارت كل عام ، الانصار متفأئلين خير و معجبين بالاحترافية و العمل الذي يقدمه لشهب في انتظار ترسيم رسمي لرياض في رئاسة الفريق ، بدورنا نحن نتمنى كل الخير لفريقنا ، بالتوفيق لكل من الرئيس و المدرب و اللاعبين في هذا المشوار ، الصعود ينتظرنا ان شاء الله يا اوفياء الرائد 💚🇳🇬

21/07/2023

سلام عليكم و رحمة الله و باركته ، نهدر بالعامية لكي يفهم الجميع ، ملي حليت الصفحة هذي في سنة 2014 لي كانت اسمها " عشاق رائد القبة و انصاره اوفياء " , كنت نشوف الفريق كيفاش كان ، يبدى تحضيرات روطار و استقدامات راكم عبالكم و فئات الشبانية خلص تلعب ، و رؤساء الفريق غير الطلاب لخوه يستناو بلدية شيعة رئيس فريق زعمة قاتلونا بالهدرة و خلينا من فلان يحط 100 مليون و يدي 500 خلونا منها ، المهم انصار كانوا كل عام عايشين في لكذب و لوهم و كونا نصبرو في روحنا حتى ولينا معروفين بكلمة فيها الخير ، الانسان هذا بان لموسم لي فات دار لي قدر عليه و تعب و ربي وفقو و سلك القبة من الهبطة و شبح الهواة لي عانينا فيه بزف و عيينا منو ، الانسان هذا راه يخدم و انا جامي شفت القبة بدات التحضيرات و الاستقدامات في شهر جويلية ، انا متفأل خير هذا العام ، رياض لشهب راه بدراهمو و الإدارة تاعو ربي يعاونو و الخدمة تاعو لي راهي تهدر ، و حنا نتمناو الخير لقبة و نحبو القبة و كي نحبو نشوفو القبة نديبلاصو بدراهمنا و نشرو تيكي بدراهمنا و كي نحبو نلبسو تريكو نشروه بدراهمنا و الصلاة على النبي ، حنا مادابينا القبة ترفد براس و نشوفوها لفوق ، الطلابين و لعرايا لي كانوا يدورو في تونال كل عام ينافيقو و يلقطو و دايرين القبة بقرة حلوب يسترزقو منها ، هذا لعام تطلع لتربين تشوف و ما عندكش دراهم حق تيكي ما تدخلش لسطاد تروح لباهية تشوف الماتش هذا اذا خلاوك تطلع و تشوف ، الحالة راهي ماشية و عقلية تبدلت و كيما يقولو ناس بكري " العام يبان من خريفو " ، كاين واحد الحاجة تاني حبيت نهدر عليها من جيهة الانصار ، حنا ولاد القبة و زدنا في القبة و تربينا في القبة يعني معروفين بالتربية و الحضارة و كيما قالوا ناس بكري " لي يحب يتربى يطلع لقبة " المهم لعرايا و الفوحة لي يكلو الكاشي و يطلع يضرب و يتبلى في ناس و يرفد لام زعمة يضرب ياو نتا معمر ... نتمنى من انصار لي صح ولاد القبة كي يشوفو واحد ناض و حاب يدير رغم ان هذو ما يديروش تاع سمير برك نتمنى يشبعوهم سقلة و يخرجوه و لي ما عحبوش الحال على وليد حومتو يزيد يدي الضرب حنا جامي كانت فينا الضاهرة هذي تاع دبزة و ولاد القبة قاع نتعارفو بيناتنا و الحمد لله ولاد فاملية ، ان شاء الله فيها خير و تولي اليامات الزينة و نفرحو مع حومتنا و فريقنا لي جامي سمحنا فيه و عبالي هذا لكلام ما راحش يعجب واحد الفئة تاع ناس بصح سقسي لاباج هذي تاع من يقولولك و رانا غير تما سلام عليكم و تصبحو بخير 💚🇳🇬🇳🇬

من الدورة الكروية بين الاحياء المقامة بحي في القبة ما شاء الله عليك و كي طاح عليك تريكو خويا يويو 😆💚💚 و بهذا يكون بي...
13/07/2023

من الدورة الكروية بين الاحياء المقامة بحي في القبة
ما شاء الله عليك و كي طاح عليك تريكو خويا يويو 😆💚💚
و بهذا يكون بيطيطي اول المستقدمين لصفوف الرائد هذا الموسم 💚💚

جريدة الكرة نيوز لنهار اليوم الثلاثاء 2023/06/20
20/06/2023

جريدة الكرة نيوز لنهار اليوم الثلاثاء 2023/06/20

رأس المال الفريق 🇳🇬💚
31/05/2023

رأس المال الفريق 🇳🇬💚

31/05/2023

منقول
الأمور داخل بيت الرائد تبشر بالخير بعد توافق جميع الأطراف الفاعلة داخل الفريق والتي بدورها ستكون حاضرة يوم الجمعة بإذن الله في حفل بهيج بعد ضمان البقاء طبعا، والذي سيكون بمثابة إعلان عودة الرائد إلى سابق أوانه، ونحن من منبرنا هذا نشكر كل من رئيس المجلس الشعبي البلدي السيد زهير #بوسنينة إلى جانب رئيس الفريق السيد وكذا #خذير و و وكل من ساهم من قريب أو من بعيد في مهمة إنقاذ الفريق التي كانت تظهر للعيان على أنها مستحيلة ولكن بتظافر كل الجهود أصبح المستحيل ممكنا، دون أن ننسى دور الأنصار الأوفياء الذين وقفوا وقفة رجل واحد وساندوا رفقاء القائد يحيى شريف إلى آخر نفس من عمر البطولة.
العديد من المفاجأت في إنتظار مشجعي الرائد يوم الجمعة بداية من توزيع مجموعة من الأقمصة إلى جانب تنشيط المدرجات بأغاني الفريق والذي ستتخلله مداخلة لرئيس الفريق السيد والذي بدوره سيمنح الكلمة للسيد لتنوير الرأي العام والمضي قدما في بناء رائد جديد بوجوه جديدة وتطلعات تليق بمقام القبة كمدينة عريقة أولا ورائد القبة كفريق تاريخي ومدرسة كروية.
كونوا بقوة واليد في اليد للعودة بالمدرسة إلى مكانها الحقيقي 💚🤍💚🤍

25/05/2023

طريق السلامة لكل انصارنا المتنقلين لولاية وهران من اجل مشاهدة رائد القلب و للعودة بنتيجة ايجابية ان شاء الله 🇳🇬💚

23/05/2023

وردنا الان خبر وفاة والدة فريد بوسنة ، مدرب رائد القبة , إنا لله وإنا إليه راجعون
اللهم ارحمها واغفر لها واجعل جنة الفردوس دارها.
لا تنسوها من خالص دعائكم 🤲🤲🤲

20/05/2023

رائد القبة 2 - 0 مولودية سعيدة
حمد الله 😭🇳🇬💚
شكرا للاعبين و الانصار الذين كانوا حاضرين بقوة و ساندوا و شجعوا الفريق 90 دقيقة 🇳🇬💚
غزو وهران ضروري من اجل التأكيد و ضمان البقاء 💚💚
لم يبقى سوى مبارتين سنلعبها على شكل نهائي اولى ستكون في وهران ضد و على الانصار التنقل بقوة ، و اخيرة ستكون في بن حداد ان شاء الله

20/05/2023

ان شاء الله تلات نقاط غدا
كونوا بقوة لانقاد الرائد 💚🇳🇬🇳🇬
سالكة يا الخضرة

28/04/2023

🚨نداء لجميع الأحياء القباوية نرجو من بقية الصفحات النشر على نطاق واسع
بإعتبارنا أنصار نحمل في قلوبنا عشق
عفوي و أبدي لن يزعزعه إعصار سواء كنا كبار أو صغار بشعار "يحيا الرائد دائما و أبدا" وجب علينا في هذا الوقت العصيب الذي لم نجد فيه مساندة لا من البعيد و لا من القريب حاشا البعض فسهام الدمار تستهدفنا من كل جانب بداعي إسقاطنا و إذلال مدرستنا العريقة لجعلها غريقة فلن نزيد الطّين بلّة بنيران صديقة فقد حان الوقت المناسب أن نكون اللاعب رقم 12 لكسر شوكتهم و لن يتم ذلك سوى بتوحيد صفوفنا كأوفياء في جميع الأحياء فيكفينا شتاتا فنحن أولا و أخيرا لسنا بأعداء راجين بالمناسبة من المولى عزّ و جلّ أن يجعلنا من السعداء نهاية الموسم

Adresse

Kouba

Heures d'ouverture

Lundi 09:00 - 17:00
Mardi 09:00 - 17:00
Mercredi 09:00 - 17:00
Jeudi 09:00 - 17:00
Vendredi 09:00 - 17:00
Samedi 09:00 - 17:00
Dimanche 09:00 - 17:00

Site Web

Notifications

Soyez le premier à savoir et laissez-nous vous envoyer un courriel lorsque RCK FANS publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type