17/11/2025
سرعة الذراع داخل السحبة الواحدة
Micro-Pacing Control
إحنا بقينا مش بس بنقس سرعة السباح
إحنا بقينا بنقس سرعة ذراعه جوه نفس السحبة
و ده الي اسمه
Micro-Pacing Control
وده من أقوى النقاط اللي بتأثر بشكل مباشر على
شكل إنتاج الطاقة
توزيع الجهد
استقرار السحبة
كفاءة الجهاز العصبي
شكل الدفع والطاقة آخر السحبة
وده مش كلام مرسل و لا علي الورق ده حرفيا بيغير أداء السباح في اسبوعين ثلاثة لو اتطبق صح
طيب يعني إيه Micro-Pacing؟
يعني إن السباح يعرف يتحكم في سرعة حركة الذراع خلال مراحل السحبة نفسها مش خلال طول كامل
طيب نوضح
يدخل بإيد هادية Slow Entry
يعمل Catch أسرع
يسحب بجزء من السحبة بقوة أعلى
ويخرج بذراع أسرع من الدخول
يبقى جوه نفس السحبة 3 سرعات مختلفة
مش سرعة واحدة ثابتة
و التحكم ده بيعمل الي قولنا عليه فوق
ليه الكلام ده مهم ؟
لأن السباح ساعات يبقى سريع
لكن سرعة الذراع نفسها مش ثابتة
و ده حيودينا
إن القوة تتوزع غلط
و إن السحبة تفقد توازنها
و إن الطاقة تطلع في مرحلة غلط
هل Micro-Pacing بيأثر على نظم الطاقة
طيب تعالوا نحلل السحبه كده
الدخول والـ Catch = أكتر مرحلة فيها شغل عصبي
و منتصف السحبة = أكتر مرحلة فيها إنتاج قوة ميكانيكية
و الخروج = أكتر مرحلة بتحدد السرعة اللحظية
لما تغير سرعة الذراع في اي مرحله من دول
انت كده بتلعب في نظم الطاقة المستخدمة
مثال للتوضيح
لو السرعة في بداية السحبة عالية يعني الجهد يتحول لاهوائي
لو السرعة عالية آخر السحبة يبق يتحسن الرتم وكفاءة الدفع
لو السرعة ثابتة وهادية يبقي الحمل يرجع هوائي ثابت
يعني حرفيا
نفس المجموعة ممكن تبقى هوائي أو هوائي بناء على شكل سرعة الذراع مش شدة السباحة
طيب للتوضيح اكثر
معانا ٣ حالات لشكل السحبه و نشوف كل واحده بتودينا فين
الاول
السباح ينهي كل سحبة بخروج ذراع أسرع بـ 20% من الدخول
حيفيد في تحسين الدفع
و مناسب للمسافات المتوسطة
الثاني
يدخل بإيد هادية يعمل Catch سريع وقوي
و ده حيحسن وضع الارتكاز ورفع الكفاءة العصبية
و ده ممتاز للسباحين اللي سحبتهم بتغرق
الثالث
تسريع منتصف السحبة فقط
و ده حيفيد في توزيع القوة
و ممتاز لسباحين السرعة
اكثر الاخطاء الي بيقع فيها السباح في السحبه
يسرع أول السحبة بدون قصد
او تغيير السرعة العشوائي مع التعب
او المدرب يركز على الرتم بس
او خروج الذراع أبطأ من الدخول
او دخول الإيد بسرعة بدل هادي
سوال للنقاش ليكون المنشور مفيد ليكم و ليا
إنت شايف أي مرحلة من السحبة عند سباحينك محتاجة تغيير سرعة سواء للابطئ او للأسرع و ليه ؟
( الدخول - مسك المايه - وسط السحبه - الخروج )
