31/08/2025
هذو العفايس لازم كل عروسة جيبهم معاها لاصال 👇
1_فونطاي
2_ليبا فان طرونسبارون بدرجة لون البشرة
3_ديودورون وستيك وبارفان
4_ليبروتال طرونسبارون جيبو دوبل
5_كاشي تع راس وفيتامين c واذا كاشما عندها مرض جيبي دواك ختي تشربيه متنسايهش 👌
6_بليغة باه مدوريش حفيانة
7_الناس لي دير اضافر الصلاة كي تكموندو ديما اكموندو دوبل واللسقة تعهم جيبو دوبل
8_ لي عندها العليطة جيبي لاقان وقيسوها قبل مجيبوها هكا تعرفو لا جيكم ولا نن
نجو ل امور اخرين ماتتجاهلوهمش بيسك غلطة صغيرة تفوتي بيها نهار اعوج وهاذ الشي غير مرغوب فيه😦
1_التصديرة كي جيبيها تفيريفيييها كامل ف الحانوت واذا جابوها داركم كي تلحقك افتحي كلش وشوفي اذا مدولك كلش واذا كلش مريقل
2_والتصديرة عاودي قيسيها كاش مشكل ريقليه ع البكري
3_الملابس الداخلية كي تشروهم قيسوهم مشي حتا جي تبداي تتصدري وجي تلبسي ميجوكش تحيري كفاه ديري
4_لاغوب بلونش يجي معاها البرنوس والصباط والفوال والبوكي والخيط لي تربطي بيه اللور و باغيغ وتاج هذو جيبوهم نتم ماشي الماشطات ياخياتي
نجو ل نقطة اخرى 😊
ولي هي العروسة لي تخرج م دارهم ب لاغوب بلونش ياخياتي هذي راهي غبينة في حد ذاتها وتضياع للوقت
الخرجة ب الكراكو والبرنوس (ماشي الحايك البرنووووس هو لي مستور مليح)
نولي لاغوب بلونش
الناس لي تخرج مدارهم بلاغوي بلونش راهم 2بلميا فقط وف الاصل شكون لي يخرجو بيها اللي دايرين 2لبسات وغوب بلونش ماشي لي عندها ربعة لبسات وغوب بلونش وكورتاج يجيبها عربعة ونص
وراه وقت تنحي لاغوب بلونش وراه شطيحك وراهي تبديلتك وراه وقت الفوطوقراف وراهي راحتك؟
اذا ديري زوج لبسات لاغوب بلونش عندك الوقت ليها. اما لا ديري اكثر من هاك متقوليش مبعد لاصال خرجوني ولا فوطوقراف راحت ولا ديجي طفات ولا ماشطة دات تصديرة وطبقت ..... بسكو راكي درتيها بيدك
شحال من عروسة عرسها يتخلط غير من سوء التسييير ومتنظمش روحها
النقاط هذو خذوهم بعين الاعتبار راهي ل مصلحتكم انا كي نهدر راني ننقللكم افكار وحسابات عن تجارب السنين
كاين لي جامي عرسو ميعرفوش كاين لي معندهاش لي يوريلها كاين لي تحشم تسقسي كاين لي بينها وبين ترتيبات العرس واد كبير وكاين لي مطروشة وكاين لي يدبرو عليها وكاين لي دير رايها يالوكان يديها للواد وكاين وكاين
نحبكم تكونو منظمين وعرسكم تبروفيتو فيه مشي عام ولا كثر ونتم تجرو و تكرو صالة وديجي وفوطوقراف وتصديرة وشمن قاطو وشمن مصاريف وفلخر جي تقعدي غير تجري ختي لاااااهلك هك والله متستبني والو
الحاصول تبعوني تربحو 😁
