14/09/2026
زمونږ د بعضي لوبغاړو لوبیز ژوند پدې کې تېر شو چې هغه پدې پوزیشن بیټ کولای شي او هغه یې نشي کولی، هغه به ددې میچ نه زده کړه وکړي او په راتلونکې کې به ځان ثابت کړې ، هغه لا میچیور ندی او د وخت په تېریدو به تجربي واخلي ، خو حقیقت دادی چې څوک وړتیا ولرې هغه ځان په لومړي میچ کې هم ثابتولی شي دغه پاکستانی رضاءالله یې ښه ثبوت دی ، داسې په سلګونو نور لوبغاړې هم شته ، خو دا کیسي ، بهانې یوازې زمونږ په کریکټ کې شتون لرې نوره دنیا دومره فرصتونه يو چاته نه ورکوي، خو زمونږ ملت ته په سترګو کې خاوري شیندل دې ، که یو پلیر ځان په لومړیو درېو سیالیو کې ثابت نکړې نو باید په لسو اننګزونو کې خو باید ځان وښایې ، د ګلبدین نه به تېر شو ټول پوهیږو چې پخپل 16 کلن کریکټ کې د سکورو نه زیات میچونه کړې ، صدیق ته که وګورو 19 سیالۍ یې په T20 کریکټ کې ولوبولي خو داسې کومه کارنامه یې نده ثبت کړې په شل اوریزه کې په لوړ سټرایک ریټ سره لوبیدل مهم دې صدیق اول سکور نه جوړوي په T20 کې خو چې کوي بیا درته په 110 سټرایک ریټ سکور جوړوي ، همدا پرون که صدیق د هند خلاف نیمه سلیزه هم کړی وه نو په 40 بالونو یې درته جوړوله او پداسې سټرایک ریټ ملي ټیم ته فایده نکوي ځکه د هند پیچونه چټک او بیټینګ ته ساذګاره دې ځکه خو هندیان 157 درپسي 13 اورو کې پوره کوي، صدیق دې یوازې اوږدو فارمټونو کې ولوبول شي د T20 لپاره د وسیم اکرم او حسن په څېر چټک لوبغاړې شاته شتون لرې ، دا بل درویش هم د خپل چانس نه ګټه نه پورته کوي یوکال نیم کال وشو چې د هر T20 سیالۍ برخه وي ، همدا اوس که خبره د زمبابوۍ یا ایرلینډ شوه بیا د دنیا نیمایې ریکارډونه په یو سیریز کې ماتیږي.
