31/12/2022
Silvester 2022
De dog wern etc schon oiwei länger
S´Christkindl hod uns scho bescheert
De Hosn san a bissl enger
Des war der Weihnachtsschmaus scho wert.
Die Luft is klar und eisig koid
Mir denken zruck ans letzte Jahr
besinnen uns im Winterwoid
und gfrein uns über des was war.
A des, was ned so schee war gwesn
hat irgendwo a seinen Sinn,
drum schau ma auf de scheena Tag im Lebn
und i bin dankbar, dass i gsund bin.
Für die Natur is des de staade Zeit
im Winterschlaf die Pflanzenwelt
Für´d Leit´ is Hektik weit und breit
im Portmonee nur no wenig Geld
Der letzte Tag im Jahr steht o
Silvester feiert alle Welt
De meisten stoßen um Mitternacht o
Manch oana geht um 10 ins Bett
Vui Menschen san alloa dahoam,
manche sitzn se in´d Kneipn
Andere feiern mit Freind zam
und warten auf des Zwölfeleiten
Wir wünschen eich an guaden Rutsch
am besten unter nette Leit´
Und bist alloa, dann mach’s da gmiatlich
trink auf di a Glaserl, und auf die scheene oide Zeit
Danke für dein Vertrauen zum TSV,
dein Sportsgeist lebe hoch
Bleibt´s no lang gelenkig, fit und gsund
Bewegung macht unsere Gesundheit „rund“
In deim Kalender steht sicher ganz fett und rot
die 75-Jahr-Feier am 21.-23 Juli zwei.drei
Mit unserem Programm der Bär tobt
Drum sei unbedingt dabei!!!
Danke für deine Treue
Dein TSV Bernhardswald mit allen Abteilungen
