FC Gossau ZH

FC Gossau ZH 💛 FC Gossau ZH 💙
📝 1974
🏟️ Im Riet, Gossau ZH
⚽ 2. Ligahttps://www.fcgossau.ch/wp-content/uploads/2021/12/Schutzkonzept-FCGossauZH_20.12.2021.pdf

🪫𝗠𝗮𝗴𝗲𝗿𝗶 𝗣𝘂𝗻𝗸𝘁𝗲𝘂𝘀𝗯𝘂̈𝘁𝗶🪫1️⃣S'heiss erwarteti Oberland Derby hät villes gha, aber nöd zwinged Derby Charakter. Äs fairs Spi...
07/09/2026

🪫𝗠𝗮𝗴𝗲𝗿𝗶 𝗣𝘂𝗻𝗸𝘁𝗲𝘂𝘀𝗯𝘂̈𝘁𝗶🪫

1️⃣S'heiss erwarteti Oberland Derby hät villes gha, aber nöd zwinged Derby Charakter. Äs fairs Spiel wo villicht i de letschte paar Minute nochli Derby Charakter gha hät, ändet mitem glückliche Sieger Pfäffikä. S'Heimteam hät über grossi Streckene vom Spiel, keis Mittel gfunde, de Abwehrrigel vo Pfäffike z'überwinde. Erscht mitem Goal vom Indino i de Schlussphase, isch Pfäffike nochli is wanke cho, dä Pfoschte und d'Latte hät aber nöd welä, dass Gossau öpis zählbars a dem Abig holt.

3️⃣0️⃣➕Ein Punkt gits für d'Seniore. Im Uswärtsspiel in Wiesendangen startet sie guet is Spiel, aber am Ändi bruchts 84. Minute, bis de Lauber die Partie no usgliche chan. Es wär meh dine gläge, aber d'Ungschlageheit isch witerhin gwahrt.

4️⃣0️⃣➕ D'Veterane verlüred ihres Heimspiel mit 0:4. Gäg de US Obersse gits nüt z'hole. Kopfhoch, s'nächschte Spiel chunt und dänn gats wider bi 0:0 los...

2️⃣S'Zwei kämpft gäge en starche FC Fehraltorf lang um öpis zählbars, doch am Schluss langets nöd und di erscht Saisonniederlag isch besiglet. Zwar chunt i de 88. Minute nomal chli Hoffnig uf dank em Aschlussträffer zum 2:1, aber zu meh häts schlicht nüme glanget.

3️⃣Äs turbulänts Spiel hät euses Drüü am Sunntig erläbt. 14 (!!!) gäli und ei gäl/roti Charte häts i dem Spiel geh. Anes Fuessballspiel isch da fascht nöd z'dänke gsi... Stetigi Diskussione mitem Schiedsrichter und em Gägner hät jeglich Spielfluss gno. Am Schluss gits es gerächts 2:2.

🚀𝗪𝗶𝗿𝗱 𝗱'𝗙𝗿𝘂̈𝗲𝗵𝗳𝗼𝗿𝗺 𝗯𝗲𝘀𝘁𝗮̈𝘁𝗶𝗴𝗲𝘁🚀3️⃣0️⃣➕Am Fritig stieged d'Seniore wider id Hose und das bim FC Wiesendangen im Rietsamen...
03/09/2026

🚀𝗪𝗶𝗿𝗱 𝗱'𝗙𝗿𝘂̈𝗲𝗵𝗳𝗼𝗿𝗺 𝗯𝗲𝘀𝘁𝗮̈𝘁𝗶𝗴𝗲𝘁🚀

3️⃣0️⃣➕Am Fritig stieged d'Seniore wider id Hose und das bim FC Wiesendangen im Rietsamen. D'Form vo de Seniore passt im Momänt. Zwei Spiel, zwei Sieg.

4️⃣0️⃣➕ D'Veterane startet id Meischterschaft miteme Heimspiel. Wies um die Mannschaft staht, isch im Momänt eher schwierig z'beurteile. Im Prinzip isches wie immer, mehr luegt vo Spiel zu Spiel und hofft Pünkt z'hammschtere wos gaht.

2️⃣S'neu formierte Zwei isch au guet id Saison gstartet. vier Pünkt sind ganz ordentlich. Dä Gägner FC Fehraltorf isch ebäfalls so gstartet und hofft natürlich im Heimspiel witeri Pünkt uf ihres Konto zbiige.

3️⃣S'Drüü hät bis jetzt ä makellosi Bilanz. Zwei Spiel, zwei Sieg. Wiso also nöd au im dritte Spiel en Sieg hole...

5️⃣0️⃣➕Nachem erschte Spiel vom letschte Mäntig, sind d'Erkänntnis bi de Oldis vermuetlich die, dass 7er Fuessball und 11er Fuessball, ebe doch nöd ganz glich sind. Da bruchts sicher no paar Trainings, bis mer sich a die neu Spielform gwöhnt. S'einzige wo glich blibe isch, dä Luchsinger weiss immerno wo s'Goal staht. Chan er das au am Tsischtig in Uster zeige?

🥊𝗢𝗕𝗘𝗥𝗟𝗔𝗡𝗗 𝗗𝗘𝗥𝗕𝗬!🥊1️⃣Jetzt isches sowit, s'Derby gäg de FC Pfäffikon ZH staht vor de Türe. Dä Ufstiiger hät ä starchi Sai...
03/09/2026

🥊𝗢𝗕𝗘𝗥𝗟𝗔𝗡𝗗 𝗗𝗘𝗥𝗕𝗬!🥊

1️⃣Jetzt isches sowit, s'Derby gäg de FC Pfäffikon ZH staht vor de Türe. Dä Ufstiiger hät ä starchi Saison letscht Jahr zeigt und isch zu rächt ufgschtige. Aktuell stönds zwar bi nur eim Punkt, aber de händs usgrächnet gäg de Abstiiger us de Interregio Dübedorf gholt. Gossau hingäge hät 4 Pünkt ufem Konto und scho zwei Spieler wo en Drüerpack gschnüert händ.

⚽️𝑾𝒂𝒔 𝒆𝒓𝒘𝒂𝒓𝒕𝒆𝒕 𝒆𝒖𝒔?⚽️

Top Wetter, villi Zueschauer, vill Emotione... Und fuessballerisch, werded sich d'Gossauer eher offensiv zeige vor heimischem Publikum. Wämmer so e Offensive hät au keis Wunder. Dä FC Pfäffikon ZH wird sich da uf vill Offensiv Power gfasst mache.

🎛️𝗩𝗶𝗲𝗿 𝗴𝗲𝘄𝗶𝗻𝗻𝘁 / 𝗔𝗹𝗹𝗶 𝗔𝗸𝘁𝗶𝘃𝗲 𝗧𝗲𝗮𝗺𝘀 𝗴𝘂̈𝗻𝗻𝗲𝗱🎛️1️⃣EN üsserscht unglückliche Start erläbt s'Eis im Match gäg Oberwinterthur....
30/08/2026

🎛️𝗩𝗶𝗲𝗿 𝗴𝗲𝘄𝗶𝗻𝗻𝘁 / 𝗔𝗹𝗹𝗶 𝗔𝗸𝘁𝗶𝘃𝗲 𝗧𝗲𝗮𝗺𝘀 𝗴𝘂̈𝗻𝗻𝗲𝗱🎛️

1️⃣EN üsserscht unglückliche Start erläbt s'Eis im Match gäg Oberwinterthur. Nach nur grad 4 Minute, gits es gwussel im Strafrum vo Gossau und de Ball spickt unglücklich ad Hand vom Ott. Folge: roti Charte und Penalty! De Fankhuser pariert de Penalty und chan s'Null für Gossau fescht h**e. Gossau isch guet im Spiel und hät trotz Underzahl mehreri gueti Chancene. i de 20. Minute, klappts dänn für Gossau. Nach Vorlag vom Zogaj, chan de Müller zum 0:1 ischiebe. Allerdings kassierets nur zwei Minute spöter, duren Standart, de 1:1 Usglich. Je länger s'Spiel gaht, desto stränger wirds i Underzahl. Doch Gossau zeigt Kampfgeischt und chunt i de 35. Minute, dur de Dörrig zum 1:2. Dänn isch Pause. Churz nach Wiederapfiff chan erneut de Müller zueschlah. Nachere abglänkte Flanke, schlaht si unhaltbar im Goal i. Jetzt chunt Oberwinterthur immer besser is Spiel und i de 80. Minute chönds sogar zum 3:3 usgliche. Doch Gossau zeigt Moral und i de 87. isches erneut de Müller, wo zum 3:4 Siegträffer ischiebt.

3️⃣0️⃣➕Ebefalls vier Goal, händ d'Seniore brucht, zum di erschte Pünkt hole. Zwar händs 3:0 gfüehrt i de Pause, aber i de zweite Halbzit sind d'Chreft langsam gschwunde. So isch s'3:1 i de 60. Minute di logisch Folg gsi. Wo den i de 74. Minute s'3:2 cho isch, isches den nomal chli hektisch worde. Doch am Pangione sis 4:2 i de 78. Minute, isch d'Erlösig gsi für d'Seniore. Da hät au s'4:3 i de 84. Minute, nüt meh dra gänderet.

3️⃣S'Spiel hät ideal für s'Drüü agfange. Dä Piacquadio schlaht i de 1. Minute en Freistoss diräkt id Chischte. Doch dänn hät Volki s'Spiel id Händ gno. und hät s'Spiel kehrt und isch 2:1 in Füehrig gange. Bis zu de Pause, hät aber dä Brülisauer doch no usgliche chöne, dases chli miteme schmeichelhafte 2:2 id Pause gange isch. I de zweite Helfti isches äs geknortze worde. Villi kommischi Entscheid uf beidne Site und villi gäli Chartene, händ de Spielfluss zerstörrt. Trotzdem, hätt de Joker Scandella i de 75. Minute de 2:3 Siegträffer erziehle chöne und somit de zweiti Vollerfolg für s'Drüü ifahre.

2️⃣S'nächste 4:3 holt euses Zwei. Sie sind zwar früeh mit 0:1 in Rückstand grate, aber bis zu de Pause, händs s'Spiel dreit und sind mit 3:1 id Pause gange. De Ardovino glänzt mit zwei Goal debi. Nach de Pause, händs sogar uf 4:1 erhöhe chöne und s'Spiel isch völlig under Kontrolle gsi. Bis zur 62. Minute. Da gseht de Schlegel di zweiti gäli Charte und flügt vom Platz. Vo da a hät Bauma wider s'Spieldiktat übernoh. Doch au die zwei Goal i de 77. und de 95. Minute, händ de Gossauer Sieg nüme gfärde chöne.

🔥𝗛𝗶𝗴𝗵𝗹𝗶𝗴𝗵𝘁 𝘂𝗳 𝗛𝗶𝗴𝗵𝗹𝗶𝗴𝗵𝘁🔥3️⃣0️⃣➕Dä Afang is Wuchenänd mached abermals eusi Seniore. Nachem Cup-Sieg vo letscht Wuche, isc...
27/08/2026

🔥𝗛𝗶𝗴𝗵𝗹𝗶𝗴𝗵𝘁 𝘂𝗳 𝗛𝗶𝗴𝗵𝗹𝗶𝗴𝗵𝘁🔥

3️⃣0️⃣➕Dä Afang is Wuchenänd mached abermals eusi Seniore. Nachem Cup-Sieg vo letscht Wuche, isch Sälbschtvertraue da. Jetzt isch nur z'hoffe, das mer das au in Pünkt chan ummünze.

3️⃣S'Drüü gaht uf Volketswil in Griesspark. Miteme Sieg im Rugge, laht sichs dänn au eifacher uswärts aträtte. S'Team vo Ehmann/Eicher isch uf alli Fäll gwappnet.

2️⃣Eigentlich wäri de Uftakt vom Zwei fascht glückt, aber de Träffer i de 90 Minute hät de Uftaktsieg verhinderet. Jetzt gats gäg Bauma. Än ganz unbequäme Gägner wo scho mängs Jahr 4. Liga Erfahrig hät und letscht Jahr im vordere Mittelfäld platziert gsi isch.

5️⃣0️⃣➕Un dänn isches sowit! Am Mäntig müend alli Defis i de Umgäbig glade si, dä Icespray parat gschtellt und Bier chüelgschtellt. Eusi neu gründete 50+ Oldtimer Mannschaft nimmt de Spielbetrieb uf. Das git ganz bestimmt äs Highlight, wänn die alt Internationale nomal zeige wönd, das sies nöd nur theoretisch no wüssted wie mer tschutte...

🥅𝗠𝗶𝘁 𝗩𝗼𝗹𝗹𝗴𝗮𝘀 𝗶𝘀 𝗙𝘂𝗲𝘀𝘀𝗯𝗮𝗹𝗹𝘄𝗲𝗲𝗸𝗲𝗻𝗱🥅1️⃣ Jetzt gats uf Oberwinterthur. Dä Ufstiger hät grad im erschte Spiel, en Sieg gäg de...
27/08/2026

🥅𝗠𝗶𝘁 𝗩𝗼𝗹𝗹𝗴𝗮𝘀 𝗶𝘀 𝗙𝘂𝗲𝘀𝘀𝗯𝗮𝗹𝗹𝘄𝗲𝗲𝗸𝗲𝗻𝗱🥅

1️⃣ Jetzt gats uf Oberwinterthur. Dä Ufstiger hät grad im erschte Spiel, en Sieg gäg de FC Embrach igfahre. Doch wie so mängisch, schwingt i de erschte paar Spiel nachem Ufstiig no d'Euphorie mit, was en zuesätzliche Boost geh chan.

⚽️𝑾𝒂𝒔 𝒆𝒓𝒘𝒂𝒓𝒕𝒆𝒕 𝒆𝒖𝒔?⚽️

Weli Erkänntnis gits usem erschte Spiel? Offensiv isch Power da. Hattrick im Spiel Eis für de Riley, aber hine schiint mer nonig ganz Sattelfescht tsi. Jetzt chunt also de Ufstiger us Oberwinterthur.

🎯𝐏r𝐨g𝐧o𝐬e v𝐨m C𝐨n𝐭e𝐧t-T𝐞a𝐦🎯

Mir säged SIeg für Gossau! 4:2 und dä Riley trifft wider dopplet!

🥅𝗧𝗮𝗴 𝗱𝗲𝗿 𝗼𝗳𝗳𝗲𝗻𝗲𝗻 𝗧𝗼𝗿𝗲🥅1️⃣Naja, mir vo de Socialmedia händ eus chli verta würdi mal säge. Ängi Sach hät zwar gschtume, ab...
25/08/2026

🥅𝗧𝗮𝗴 𝗱𝗲𝗿 𝗼𝗳𝗳𝗲𝗻𝗲𝗻 𝗧𝗼𝗿𝗲🥅

1️⃣Naja, mir vo de Socialmedia händ eus chli verta würdi mal säge. Ängi Sach hät zwar gschtume, aber 8 Goal zum Uftakt, hät niemmert erwartet. Lässig für d'Zueschauer, aber de Horror für d'Trainer. Vorallem wänn mer de Spielverlauf aluegt. 3:0 fürs Heimteam i de Pause und am Schluss 4:4 tüüf i de Nachspielzit. S'positivschte us Sicht vo de Gossauer isch wohl, dass de Riley Christen drü Chischtene macht und parat schint tsi für die neu Saison. Fazit: besser als kein Punkt, isch ein Punkt!

2️⃣Au bim Zwei langets nur zume Punkt. Im Derby Uswärts in Wetzikä, kassiered au sie dä Usglich spat. I de 90. Minute schlahts hinderem Goali Noah Bachmann zum dritte und letschte Mal i. Reagiere händs dänn nüme chöne. Aber au da giltet, än Punkt isch än Punkt. Zum Istand vom neue Trainer-Team, en ordentliche Start, mit no Luft nach ufe.

3️⃣S'Drüü holt im erschte Meischterschaftsspiel ei Liga tüfer, dä erschti Drüer. Ä abklärti Leischtig hät glanget zum die drü Pünkt uf Gossau z'hole. S'grosse Kader chönti, i de Saison nachem Abstieg, no vo grossem Vorteil si. Die sehr höchi Trainingspresänz macht s'Underfange "Widerufstieg" sicher nöd unmöglich...

3️⃣0️⃣➕Für d'Seniore isches nöd um Pünkt gange, sondern um die nächschti Rundi. Imä turbulänte, aber eigentlich immer faire Spiel zwüsched zwei Promotions Mannschafte, isch de Sieger am Schluss zwar nochli is Wanke cho, aber trotzdem als verdiente Sieger vom Platz gange. Allne Widrigkeite trotzt und di nächschti Rundi klar gmacht.

4️⃣0️⃣➕Weniger guet isches de Veterane gloffe. Eimal meh händ si sich uf de Wäg in Juchhof uf Züri gmacht, zum än Cupfight uszträge. Gäge d'Portugise Mannschaft Centro Lusitano Zurich, gits zwar ä Niederlag, aber wänn mer bedänkt, das nach 15 Minute scho 0:3 gsi isch und mer uf 4:3 anecho isch, häts am Schluss zwar nöd glanget, aber uf dere Leischtig chan mer sicher ufbaue.

🎡𝐂𝐮𝐩 𝐟𝐮̈𝐫 𝐝'𝐒𝐞𝐧𝐢𝐨𝐫𝐞 𝐮𝐧𝐝 𝐌𝐞𝐢𝐬𝐭𝐞𝐫𝐬𝐜𝐡𝐚𝐟𝐭𝐬𝐬𝐭𝐚𝐫𝐭 𝐟𝐮̈𝐫 𝐝𝐢 𝐀𝐤𝐭𝐢𝐯𝐞🎡3️⃣0️⃣➕Nach de überragende letschte Saison, wird sich zeige, ...
18/08/2026

🎡𝐂𝐮𝐩 𝐟𝐮̈𝐫 𝐝'𝐒𝐞𝐧𝐢𝐨𝐫𝐞 𝐮𝐧𝐝 𝐌𝐞𝐢𝐬𝐭𝐞𝐫𝐬𝐜𝐡𝐚𝐟𝐭𝐬𝐬𝐭𝐚𝐫𝐭 𝐟𝐮̈𝐫 𝐝𝐢 𝐀𝐤𝐭𝐢𝐯𝐞🎡

3️⃣0️⃣➕Nach de überragende letschte Saison, wird sich zeige, wie d'Seniore i de neue Saison us de Startlöcher chömed. Los gats grad i de Paradedisziplin, im Cup.

2️⃣S'neu formierte Zwei, wird das Jahr ihri Ambitione wellä amälde. Ganz es jungs Team miteme neu Trainergspann... Wichtig isch uf jedefall, s'Derby zum Uftakt in Wetzikä, das mues unbedingt gunne wärde.

3️⃣Nachem Abstieg id 5. Liga, muess nsich s'Drüü zerscht mal zrächt finde. D'Zielsetzig wird wohl erscht nach de erschte paar Spiel ersichtlich si...

💥𝐂𝐮𝐩 𝐏𝐚𝐫𝐭𝐲 𝐮𝐧𝐝 𝐌𝐞𝐢𝐬𝐭𝐞𝐫𝐬𝐜𝐡𝐚𝐟𝐭𝐬𝐬𝐭𝐚𝐫𝐭💥1️⃣ Heimspiel zum Uftakt für euses Eis. Dä FC Wiesendangen isch letscht Jahr uf Augeh...
18/08/2026

💥𝐂𝐮𝐩 𝐏𝐚𝐫𝐭𝐲 𝐮𝐧𝐝 𝐌𝐞𝐢𝐬𝐭𝐞𝐫𝐬𝐜𝐡𝐚𝐟𝐭𝐬𝐬𝐭𝐚𝐫𝐭💥

1️⃣ Heimspiel zum Uftakt für euses Eis. Dä FC Wiesendangen isch letscht Jahr uf Augehöchi gsi mit Gossau. Grad mal 4 Pünkt händ di beide trännt i de Schlusstabälle. Am Fritig sind beidi Teams miteme Cupmatch id Saisongstartet. Gossau butzt de 4, Ligischt FC Bäretswil mit 0:10 weg, wärend dä FC Wiesendangen als letschtjährige Cupfinalischt, gäg de Promotion League Teilnehmer SC Brühl i de erschte Cup-Hauptrundi mit 0:6 usgschide isch.

⚽️ 𝑾𝒂𝒔 𝒆𝒓𝒘𝒂𝒓𝒕𝒆𝒕 𝒆𝒖𝒔? ⚽️

Das isch wohl d'Frag wo sich alli vorem Match stelled. Beid Teams händ ä intensivi Vorbereitig gha. Au im Kader häts uf Gossauer Site einigi Änderige geh. Wie füegd sich di Neue is Team i?

🎯𝑷𝙧𝒐𝙜𝒏𝙤𝒔𝙚 𝙫𝒐𝙢 𝘾𝒐𝙣𝒕𝙚𝒏𝙩-𝙏𝒆𝙖𝒎🎯

Alles anderi als ä ängi Sach wär ä Überraschig. Prognose isch vo daher, dank em Heimvorteil wird s'Eis de Match mit 2:1 günne.

🏆𝗣𝗳𝗶𝗻𝗴𝘀𝘁𝘁𝘂𝗿𝗻𝗶𝗲𝗿 𝗶𝗻 𝗛𝗼𝗵𝗲𝗻𝗲𝗺𝘀🏆⚽️Es war wieder so weit, das Pfingstturnier in Hohenems, Österreich, stand an. Alle waren gu...
02/07/2026

🏆𝗣𝗳𝗶𝗻𝗴𝘀𝘁𝘁𝘂𝗿𝗻𝗶𝗲𝗿 𝗶𝗻 𝗛𝗼𝗵𝗲𝗻𝗲𝗺𝘀🏆

⚽️Es war wieder so weit, das Pfingstturnier in Hohenems, Österreich, stand an. Alle waren gut gelaunt und wir gewannen das erste Spiel gegen Feldkirch.
Im zweiten Spiel war der Anfang etwas schwer, aber nach dem ersten Tor haben wir auch ins Spiel gefunden und auch dieses Spiel 2:1 gewonnen.
Im dritten Spiel spielten wir gegen die Heimmannschaft VFB Hohenems 2:0 und gewannen somit auch dieses Spiel.
In dem letzten Gruppenspiel verloren wir leider 1:2 gegen den FC Memmingen. Doch unsere Mannschaft stand trotzdem im Halbfinale.
Wir spielten gegen den 1. Platz aus der Gruppe B und verloren leider 0:1 gegen SC Baienfurt. Doch wir hatten noch das Spiel um Platz drei gegen die Schweizer Mannschaft FC Winterthur und kamen gerade noch in Fahrt und gewannen dieses Spiel 1:0.
Wir standen somit auf dem 3. Platz.
Somit war das Pfingstturnier zu Ende und wir konnten zwar nicht als 1. Platz, aber als 3. Platz nach Hause fahren.

Yuna

Adresse

Gossau

Webseite

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von FC Gossau ZH erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Service Kontaktieren

Nachricht an FC Gossau ZH senden:

Verknüpfungen

Teilen

Kategorie