Was ist die Webseite?

FC Gossau ZH

Startseite
Schweiz
Gossau
FC Gossau ZH

💛 FC Gossau ZH 💙
📝 1974
🏟️ Im Riet, Gossau ZH
⚽ 2. Ligahttps://www.fcgossau.ch/wp-content/uploads/2021/12/Schutzkonzept-FCGossauZH_20.12.2021.pdf

10/06/2026

🏆𝕃𝔼𝔾𝔸̈ℕ𝔻𝔼𝕊𝕋𝔸𝕋𝕌𝕊🏆

1️⃣De Samschtig, staht ganz im Zeiche vom Abschied. Zwei Gossauer Urgestein träted i de 1. Mannschaft zrug, dä Luki Müller und de Nici Huxley. Ihri Karriere, hät scho früeh i de Junior bim FC Gossau agfange. Sie händ beidi alli Juniorestufe bim FC Gossau durloffe bis beidi im Eis gsi sind. Zämme händs dänn Job und wohnbedingt en churze Abstächer zu Oetwil Geroldswil gmacht zum dänn uf d'Saison 23/24 wider zrug zum Heimatklub cho.

⚽️ Jetzt also höreds im Eis uf. Mir gratuliered eu ganz herzlich und wünsched eu für Zuekunft numme s'Bescht! Und immer dra dänke, eimal Gossau, immer Gossau 🤞

⚽️ Tschuttet wird natürlich au no. Im Riet dörfemer de frisch bacheni Ufstieger id 2. Liga Interregio FC Stäfa begrüesse. Herzlichi Gratulation au vo eusere Site 👏 Was erwartet eus am Samschtig? Ach was weis ich scho... Dä Luki und dä Nici höred uf im Eis, s'andere isch nur no ä Randnotiz... Chömed is Riet die beide gebührend go verabschide...

10/06/2026

⛱️𝕊𝕒𝕚𝕤𝕠𝕟𝕒̈𝕟𝕕𝕚 𝕟𝕠̈𝕔𝕙𝕖𝕥⛱️

3️⃣0️⃣➕S'zweit letschte Spiel vo de Seniore, isch glichzitig au s'wichtigschte vo dere Rückrundi. Bi de Seniore gits das Jahr 5 (!) Abstieger i de Promotion und miteme Sieg würdeds de 4 Platz sichere und somit de Klasseerhalt. Das wird aber keis eifachs Underfange. I de Vorrundi häts ä bitteri Niederlag gäg de Gägner geh, mer isch also gwarnt.

4️⃣0️⃣➕Eusi Veterane schlüssed die Saison mitem Spiel in Oetwil ab. S'schtränge Schlussprogramm mit 3 Spiel i 7 Täg isch nöd Ideal für di alte Chnoche. Trotzdem isch de Isatz immer vorbildlich gsi vo dene Herre, au wänn am Schluss nur Platz 8 oder 9 uselueget.

3️⃣Alles oder nüt für s'Drüü. 6 Pünkt chönds maximal no hole und 4 Pünkt händs Rückstand zum no über de Strich cho. Was sicher isch, sie bruched Schützehilf zum de Klasseerhalt no schafe. Statistisch gseh, Mission Impossible. Wär i 18 Spiel nur 2x günnt, muess i de letschte zwei Spiel explodiere zum das schafe. Nüt isch unmöglich und Wunder häts immer wider geh...

2️⃣euse Zwei hät sich de Ligaerhalt scho gsicheret und spilt nur no um d'Platzierig i de Tabälle. Im momänt isch mer ufem 5 Platz, was sicher än guete Schlussrang wär. Aber will alles so nöch zäme isch, isch vom Platz 4 bis 9 theoretisch no alles möglich. Mit zwei Sieg würd mer sicher nüme zrug gheie und d'Bilanz Sieg und Niederlage wär dänn au wider usgliche. Drum gits nur eis, voll Gas die 6 Pünkt hole...

09/06/2026

⚽️𝕊𝕥𝕣𝕒̈𝕟𝕘𝕚 𝕋𝕒̈𝕘 𝕗𝕦̈𝕣 𝕕'𝕆𝕝𝕕𝕚𝕤⚽️

3️⃣0️⃣➕D'Seniore händ a ihrem Heimspiel d'Pflicht erfüllt. Trotz 50 Minute mit zwei Maa meh, isches en sehr zerfahrene Match gsi. Aber für eimal isch s'Glück uf Gossauer Site gsi. Afangs Vorrundi heti mer so Mätch sicher no verlore, jetzt aber günneds mit 2:1, au wänns nöd sonderlich schön gsi isch zum zueluege.

4️⃣0️⃣➕D'Vetis händ volls Programm gha. Am Fritig dihei gäge US Obersee und am Mäntig gäg de Leader Rüti. D'Resultat sind beidi nöd wie gwünscht gsi. D'Luft isch scho länger dusse und mer sehnt am letschte Match vo de Saison entgäge.

08/06/2026

☀️𝕄𝕖𝕙 ℂ𝕙𝕣𝕒𝕞𝕡𝕗 𝕒𝕝𝕤 𝕂𝕒𝕞𝕡𝕗☀️

1️⃣Das Spiel wird sicher nöd eis si, wo ewig in Erinnerig blibt. Gossau verlürt dihei mit 1:3 und eigentlich isch das au ok so.

⚽️I de Erschte Helfti, isch es abermals de Kühne im Goal vo de Gossauer, wo s'eint oder ander Mal no rette chan, bevors dänn i de 36. doch no ischlaht. Nacheme fragwürdige Foul-Freistoss, chan Glattbrugg zum 0:1 ichöpfe. Chum isch wider apfiffe, chan de Morgethaler aber uf 1:1 stelle. Äs gwusel vorem Goal chan er über d'Linie drucke. Erwähnenswert isch villicht no, Gossau hät hüt am einte oder andere Spieler wo bis jetzt nonig so vill Minute gsammlet hät, d'Chance geh sich au mal präsentiere. Im zweite Durchgang, isch es dänn en reine Abnützigskampf worde. Es isch heiss gsi und de Platz stumpf. Dur das hät s'Spiel scho zimmlich glitte. Wo denn Glattbrugg uf 1:2 gstellt hät, isch churz druf abe au no grad s'1:3 gfalle. Dämit isch de Chessel gflickt gsi. Gossau hät nüme chöne reagiere und hät somit s'Heimspiel mit 1:3 verlore.

05/06/2026

🌧️𝕌𝕟𝕖𝕟𝕥𝕤𝕔𝕙𝕚𝕕𝕖 𝕚𝕟 𝔼𝕞𝕓𝕣𝕒𝕔𝕙🌧️

1️⃣S'Nächschte Unentschide für euses Eis. Im Bilg i Embrach, gits es torloses Unenentschide und somit s'dritte Unentschiede in Serie. Es schiint als wär bi beidne Mannschafte d'Luft chli dusse und die letschti Entschlosseheit fählt zum dä Drüer unbedingt z'hole. S'Wätter hät sin Teil au dezue bitreit vermuetlich.

⚽️Witer gats bereits am Sunntig. Dä FC Glattbrugg chunt is Riet. Gits s'nächschte Unentschide fürd Eis, oder chan mer i de Offensive wider mal zueschlah?

04/06/2026

⚽️ℍ𝕖𝕚𝕞𝕤𝕡𝕚𝕖𝕝 𝔽𝕣𝕚𝕥𝕚𝕘⚽️

3️⃣0️⃣➕Am Fritig sind grad zwei Heimspiel im Riet. D'Seniore spiled gäge s'drittplazierte Stäfa. I de Hirundi häts ä knappi 1:0 Niederlag ufem Frohberg geh. Da isch also no ä Rächnig offe...

4️⃣0️⃣➕D'Veterane spiled parallel geg de Tabällenachber US Obersee. I de Vorrundi, häts no es spektakulärs 4:4 geh bi dene beidne. Das heisst, entweder sind d'Offensivene so schtarch gsi oder d'Defensivene händ nöd de bescht Tag verwütscht. Wie gats am Fritig us?

03/06/2026

🏟️𝔸̈𝕟𝕘𝕝𝕚𝕤𝕔𝕙𝕚 𝕎𝕦𝕔𝕙𝕖🏟️

1️⃣Für s'Eis gahts de Dunschtig scho wider witer. In Embrach wartet ä Mannschaft, wo zimmlich ändlich dur die Meischterschaft cho isch wie Gossau.

⚽️Was erwartet eus am Dunnschtig? Zimmlich sicher es Spiel uf Augehöchi. Gossau hät i de Vorrundi no 4:2 gäg Embrach gunne, aber di letschte Spiel vo beidne Mannschafte zeiged, dass es wohl nöd vill Goal wird geh. Beid Mannschafte chömed , bis uf eis, zwei Usnahme, nöd vill Goal über und glichzitig sind Topscorer nöd ganz so Träffsicher wie au scho. Uf jedefall wirds äs s'Spiel um de Platz 5 für Embrach no chli brisanter si, will wänn sie de Match günned händs zu 99,9% dä Klasseerhalt gsicheret.

02/06/2026

🧤ℙ𝕦𝕟𝕜𝕥𝕘𝕨𝕦̈𝕟𝕟 𝕗𝕦̈𝕣 𝔾𝕠𝕤𝕤𝕒𝕦🧤

1️⃣Gossau holt im Heimspiel im Riet gäg de FC Grifesee ein Punkt, un das meh als glücklich.

⚽️Gossau hät dä besser Start gha und hät bereits i de 7. Minute dur de Dörig mit 1:0 in Füehrig chöne gah. Doch ab da hät eigentlich nur no Grifesee s'Spiel bestimmt. Nach 25. Minute isch den au de Kühne im Goal vo de Gossauer gschlage gsi und Grifesee hät zum verdiente 1:1 usgliche chöne. Mer hät gmerkt, Grifesee undernimmt alles, um möglichscht di benötigte Pünkt z'hole, dass de Klasseerhalt tatsach wird. Doch de Chacewucher vo de Gescht isch au i de Zweitehalbzit witer gange. Dä Kühne hät ä riese Partie abgliferet und isch i de Zweitehelfti unbezwingbar gsi. Mit Freund und Feind hät er de Chaschte vo Gossau suuber ghalte, so das am Schluss de Punkt für Gossau eher schmeichelhaft gsi isch und für Grifesee de Punkt eigentlich zwenig isch.

⚽️Bereits am Dunnschtig gahts witer. Gossau muess uf Embrach, wo de direkti Konkurent um de 5 Platz wartet.

01/06/2026

🎖️ℙ𝕦̈𝕟𝕜𝕥 𝕗𝕦̈𝕣 𝕕𝕚𝕖 𝕨𝕠 𝕤𝕔𝕙𝕠 𝕝𝕒𝕟𝕘 𝕜𝕖𝕚 𝕞𝕖𝕙 𝕘𝕙𝕠𝕝𝕥 𝕙𝕒̈𝕟𝕕🎖️

3️⃣0️⃣➕Dä lang ersehnti Drüer häts für eusi Seniore am Fritig geh. Und das höchverdient. Nach Wuchene voll geknortze, isch es au wider en ansehliche Match gsi. Für eimal hät au d'Chanceuswertig wider mal funktioniert. Jetzt söll das Sälbschtvertraue möglichscht au i di letschte Mätch mitgno werde. Will am nächschte Fritig wirds nöd eifach, wänn d FC Stäfa im Riet z'gascht isch.

2️⃣S'Zwei hät ä Berg und Thal Fahrt hinder sich. Nach dem sie bis churz vor de Pause mit 2:0 gfüehrt händ, isch i de 44. Minute de 2:1 Aschlusträffer cho. Das schint s'Konzept vom Zwei völlig über de Huffe grüehrt z'ha. Churz nach de Pause macht nämmlich Wetzikä s'2:2 und vo da a hät Wetzike s'Spieldiktat übernoh. 2:3, 2:4 und nachere Gäl/Rote Charet vo Gossau dänn au no s'2:5. Schad, ei gueti Helfti hät leider nöd glantget um als Sieger us dem Derby z'cho.

3️⃣S'Drüü zeigt es Läbeszeiche! Ä konzentrirti Mannschaftsleischtig, füehrt zu de erforderliche 3 Pünkt. Ein Maa sticht da bsundrigs use, nämmlich de Cristian Caamaño. Er eziehlt alli drü Goal fürs Drüü und dörf sich zurächt als Matchwinner fiire lah. Das sind dänn di sogenante Big-Points. Jetzt gilt volle Fokus uf dä nächscht Sunntig in Witikä, bim ultimativi Abstiegsknüller. Wär a dem Sunntig s'Fäld als Verlürer verlaht, stiegt zu 99% id 5. Liga ab.

28/05/2026

🏟️ℍ𝕖𝕚𝕞𝕤𝕡𝕚𝕖𝕝🏟️

1️⃣Im Heimspiel vom Sunntig, chunt de FC Grifesee is Riet. Sie stönd zmitzt im Abstiegskampf, doch di "Unabstiegbare" schaffed wider mal a ihrem Ruef und sammled stetig Pünkt, so dass sie sich im Momänt knapp überem Strich platziert händ.

⚽️ Was erwartet eus am Sunntig? Bim FC Grifesee gats um alles. Sie bruched jede Punkt wos überchömed. Bi Gossau hingäge, gats nüme um sonderlich vill. Jedoch möcht mer sich gäge Grifesee sicher kei blössi geh und die drü Pünkt dihei im Riet phalte. D'Usgangslag chönt underschidlicher fascht nöd si, aber es Oberland-Derby möcht sicher keine verlüre.

Adresse

Gossau

Webseite

http://www.fcgossau.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von FC Gossau ZH erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.