Ted Sir 註冊加拿大移民顧問

04/06/2022

溫哥華黃店——魚王海鮮食堂！🐟要大大力懲罰！
過到來溫哥華、烈治文的朋友一定要來試試！🍱
#溫哥華黃店
#魚王海鮮食堂
#海膽丼
#烈治文黃店
#大懲罰系列

11/26/2021

https://youtu.be/nmVStgddQOM
Start-Up Visa 創業移民，係計救生艇stream A Stream B以外，一個比較多人問嘅移民加拿大途徑。係這條短片，我會講吓何謂創業移民，佢嘅申請資格、要求、申請手續、時間及如何可以最終攞到加拿大嘅永久居民身份。
#加拿大救生艇


#加拿大移民
#加拿大工作簽證
#加拿大永久居民
#加拿大移民政策
#加拿大移民2021
#移民加拿大條件

加拿大Start-Up Visa (SUV) 創業移民，係計救生艇stream A Stream B以外，一個比較多人問嘅移民加拿大途徑。係這條短片，Ted Sir會講吓何謂創業移民，佢嘅申請資格、要求、申請手續、時間及如何可以最終攞到加拿大嘅永久居民身份。T...

11/13/2021

https://youtu.be/BSk-QHhm9U4

呢條短片，係加拿大移民方法大檢閱嘅第二部份。用决策樹Decision Tree 嘅形式，解釋如果過去五年內無畢業於任何課程嘅朋友，可以透過咩方法申請移民加拿大。而如果你過去五年之內有畢業嘅話，可以睇返我上一條短片。
#加拿大移民 #加拿大移民政策, #加拿大救生艇 ,

本片解釋加拿大讀書移民外的移民新政策，包括工作簽證、 Start Up Visa、 企業家投資移民及檢閱所有加拿大移民條件。而如果你過去五年之內有畢業嘅話，可以睇返我上一條短片。Ted Sir是加拿大註冊移民顧問，長居加拿大溫哥.....

10/05/2021

Ted Sir詳細解釋加拿大移民局，最新公佈的香港人救生艇政策細節，超低英文要求，無職位水平要求! 超寬鬆的讀書移民條件，工作12個月即可申請加拿大永久居民的兩個途徑。片中清楚解釋申請條件。不用投資，毋須僱主，最快可1年直接申請永久居民身份。香港人移民加拿大的黃金機會!

記得Follow Ted Sir 的Youtube頻道，不要錯過任何最新移民資訊!
https://www.youtube.com/channel/UCXlmPL76_zsWiHexuex5y_A

Ted Sir是加拿大註冊移民顧問，長居加拿大溫哥華。曾於香港入境處出任高級督察，13年以上豐富簽證審批、執法經驗。已成功協助逾650家庭移民。Ted Sir提供1對1專業移民咨詢服務，歡迎透過以下方法直接預約。

Whatsapp: https://wa.me/message/CDYCXD5OLW6XC1
Email: [email protected]
Facebook: https://www.facebook.com/TedSirCanada/
Homepage: https://www.immiacademy.com

10/05/2021

獨家！加拿大移民方法大檢閱，一圖睇晒。

想申請加拿大救生艇嘅你，下一步要做啲咩？幾耐先可以入籍攞Passport呢？如果唔合乎救生艇資格，仲有咩其他選擇呢？ Ted Sir為大家做咗一個加拿大移民分析圖，一套睇晒所有移民加拿大嘅途徑。用decision tree “决策樹”嘅方法，同你分析邊個方法最適合你。

事不宜遲，我哋第一時間睇吓幅分析圖先。整幅分析圖，包含咗最新嘅救生艇計劃、聯邦政府嘅技術移民、難民申請、caregiver計劃及省提名計劃等，信息量非常非常豐富。我冇可能係一條短片內解釋晒所有分析圖內所有嘅資訊，我將會分開幾集為大家逐個部份詳細解釋。

這個分析圖的用法非常簡單，我哋由最頂端開始，逐個問題逐個問題咁答，跟住箭嘴一步一步咁行，就會去到最終適合你嘅移民方案。每個問題最多只有三個答案，一係Yes，一係No，一係I don‘t know。跟着一步一步走，最終總會有答案。

今集，我會同大家睇咗幅圖嘅最左邊先，就係過去五年之內有學歷畢業嘅朋友。如果你過去五年之內冇學歷畢業的話，可以直接跳到下一條短片，我會詳細解釋過去五年之內冇畢業嘅朋友，有啲咩選擇。

首先，我哋由第一個問題開始。過去五年內有沒有畢業於任何課程。如果答案係有，我哋就跟着箭嘴去到下一個問題。最近畢業嘅學歷係咪等於或者高於加拿大國內兩年文憑或以上嘅程度呢？這個問題的答案只有三個。一係”不是”、一係”是”、一係”不知道”。如果你的答案是”不是”的話，你就不合乎資格申請Open work permit。有睇開我短片的朋友都知道，如果不合乎資格申請Open work permit，簡單來講就行唔到stream B。所以佢只可以行stream A. 唔知stream A stream B係乜嘢嘅朋友，可以睇返我之前呢條短片。咁行得sream A，就即係讀書移民，讀書移民就當然要讀書啦，所以下一步，就係申請報讀加拿大境內兩年文憑程度以上嘅課程。要合法喺加拿大讀書，就當然要申請學生簽證。而如果學生簽證成功批出嘅話，就可以到加拿大入學。成功畢業之後就可以透過Stream A，申請永久居民身份，成功成為永久居民。

咁成為永久居民之後，要住幾耐先至可以申請入籍同加拿大護照呢？呢個問題成日有人問。根據加拿大嘅移民法，永久居民如果係五年之內，住夠三年，就可以申請入籍同護照。(對於永久居民嘅居住要求，點樣先至可以保住自己個永久居民身份，點樣會俾人取消永久居民身份，這個真係要好小心，我會另外拍片詳細解釋。)

咁話說回頭，如果學生簽證申請被拒簽呢，咁又點？如果學生簽證俾拒簽，其實可以考慮搵專業人士幫你再遞交申請，例如註冊嘅加拿大移民顧問，因為佢哋處理嘅個案一定比你自己多，佢哋有經驗點樣提交一個合格嘅study Plan，同幫你執齊所需要嘅完整文件，增加學生簽證嘅成功率。

而如果最後個學生簽證都係批唔到落嚟，你就可以幫自己計吓分，睇吓聯邦技術移民之下嘅Federal Skilled Worker 你夠唔夠470分，如果夠的話就可以申請聯邦技術移民Federal skilled worker 。如果收到ITA的話也可以直接成為永久居民，住夠日子也可以申請成為入籍及護照。(至於技術移民點樣計分，是一個很大的課題，我之後會再拍片詳細解釋。)而如果計過唔夠分，都唔需要灰心，因為咁係好正常。只需要跟住箭嘴行，後面都會有方案幫得到你移民加拿大嘅。我會喺這個系列的另一條短片詳細解釋。

咁返番轉頭，如果你過去五年嘅畢業證書，係等於或高於加拿大境內兩年文憑程度以上，咁又點呢？ 下個問題，你就要問下自己，呢個學歷係咪係2017年9月之前畢業既。因為如果你喺呢個日子之前畢業嘅話，就算你攞到Open work permit，到左加拿大後即刻工作一年，係你申請streamB嘅時候，你的學歷已經過咗五年。而因為你的學歷已經超出五年範圍以外，所以日後既stream B唔會批得到俾你。我拍呢條片嘅時候係2021年嘅6月，所以如果你睇片嘅時間係2021年嘅九月嘅話，這個畢業嘅期限就順延多三個月，即係2017年嘅12月，如此類推。

咁如果你嘅學歷不是在2017年9月之前畢業嘅，咁你就可以申請Open work permit 來加拿大工作三年，累積工作夠1560小時之後，就可以透過stream B申請永久居民身份。之後同樣地住夠日子，就可以申請入籍及護照。咁但係如果你嘅學歷係畢業於2017年9月之前嘅話，你有兩條路揀。第一，你可以過來讀書，畢業之後申請stream A. 第二，你可以考慮照樣申請Open work permit，因為你的學歷在現在確實是在過去五年來畢業的，所以你現在是合資格申請open work permit的，只不過是在之後申請stream B的時候，不會合乎五年學術資格而已。但你照樣可以申請Open work permit過來加拿大工作。為何要這樣做呢？因為如果你累積了在加拿大的工作經驗，其實是打開了你申請省提名、技術移民的大門。因為在加拿大本地有工作經驗的人，在申請省提名及技術移民的分數上也會有很大的優勢。這方面嘅優勢可以好好利用。如果聯邦技術移民或省提名成功的話，也會直接得到永久居民身份，之後住夠日子，也可以同樣申請入籍及護照。另外，你也可以選擇在加拿大工作期間，在網上讀一個兩年文憑程度以上的課程。畢業後，就可以符合資格申請stream B.

返番轉頭，如果你過去五年畢業嘅學歷並不是學士、碩士或博士的話，而且你又唔清楚這個課程係咪等同於加拿大境內兩年文憑以上程度嘅話呢，你應該將你嘅最新學歷拿到W E S申請學歷認證。這個認證程序大概需要兩個月，如果認證結果顯示你這個課程程度是等於加拿大境內兩年文憑程度或以上的話，包括2 years diploma, bachelor degree, master degree, doctoral degree的話，你就可以憑着這個認證結果，去申請Open work permit. 但係如果這個認證結果顯示這課程的程度低於兩年文憑的話，你就不會符合資格申請Open work permit. 亦都用唔到Stream B. 所以剩低嘅就只可以行Stream A。

原圖可Ted Sir網站內找到
https://immiacademy.com/%e7%8d%a8%e5%ae%b6%e5%8e%9f%e5%89%b5%ef%bc%81%e5%8a%a0%e6%8b%bf%e5%a4%a7%e7%a7%bb%e6%b0%91%e6%96%b9%e6%b3%95%e5%a4%a7%e6%aa%a2%e9%96%b1%ef%bc%8c%e4%b8%80%e5%9c%96%e7%9d%87%e6%99%92%e6%89%80%e6%9c%89/

https://youtu.be/RvMVUY6T83U

#加拿大救生艇
#加拿大移民
#加拿大讀書移民
#加拿大工作簽證
#加拿大永久居民
#加拿大技術移民
#加拿大移民政策
#加拿大移民2021
#移民加拿大條件

Ted Sir為大家做咗一個加拿大移民分析圖，一圖睇晒所有移民加拿大嘅途徑。用decision tree “决策樹”嘅方法，同你分析邊個方法最適合你。教你逐步由申請移民到入籍。整幅分析圖，包含咗最新嘅救生艇計劃、聯邦政府技術移民...

06/18/2021

加拿大香港人救生艇之下，香港人過來加拿大讀書又得，做嘢又得，到底應該點樣揀？以你嘅個人情況來講，又應該點樣安排同選擇呢？以下呢條短片我會用三個真實既案例，講解我認為最適合嘅救生艇移民加拿大方案。你可以base on呢啲嘅例子，好好咁策劃你自己嘅移民之路。https://youtu.be/nbv7diel93s

這條短片入面，我會用三個不同嘅真實個案，去演繹不同情況嘅人，可以點樣利用加拿大救生艇，用最快捷及成功率最高嘅方法成功移民加拿大。你可以喺例子入面找出同你最相似嘅個案，參考入面我所建議嘅做法。但當然，每個人嘅情況都不同，在真正做決定之前，建議你可以問多啲人嘅意見，包括專業人士嘅意見。如果唔係太清楚香港人救生艇的最新申請條件，建議你可以先看看我的另外一條短片。https://youtu.be/lIW6D0EQ8Uk

案例一：

1家4口。夫妻二人Winnie 同小朱，35歲左右，加兩個十歲以下的小朋友。夫妻二人都沒有大學學位，過去五年內，夫婦兩人也沒有再進修或畢業。但太太英語比較好，雅思平均都有6分的成績。
首先由於夫妻二人都沒有在過去五年內進修或畢業於任何中學後程度的課程。因此，首先他們並不符合，開放式工作簽證Open work permit的申請條件。亦因為他們申請不到Open work permit ， stream B對他們來說，也是不可行，因為他們沒有Open work permit，根本就不能合法地來加拿大工作。所以streamB對他們來說是行不通。因此他們剩下的選擇只有Stream A. 就是過來加拿大讀書，成功畢業後，一家人申請永久居民身份。

因為Winnie的英語比較好，雅思學術卷上能拿到6分，因此我會建議Winnie可以申請學生簽證，到加拿大讀書。而由於她本身沒有學士學位，所以現在過來加拿大讀一個兩年的文憑課程，也變得相當合理。在Winnie申請學生簽證的同時，他的丈夫小朱也可以以配偶身份，申請Open work permit ，陪太太到加拿大，以及在加拿大工作。而兩個小朋友也可以跟着父母，到加拿大免費入讀公立學校。
太太在兩年後成功畢業後，就可以透過救生艇下的Stream A. 一家人申請永久居民身份，正式全家移民加拿大。

個案二：

同居已兩年的同性男朋友二人，22歲Bob and Patrick， 其中Patrick 嚟緊八月，將會畢業於一個澳洲大學主辦的兩年網上遙距文憑課程。Bob沒有任何中學校後的學歷。二人的IELTS都只有5分。

Patrick8月畢業攞到畢業證書之後，就應該立即將畢業證書拿到WES做學歷認證，看看是否等同於加拿大國內的一個兩年期文憑課程的程度。如果是的話，他就可以直接申請3年期的Open Work Permit，到加拿大工作。他的男朋友Bob也可以以同居伴侶，common law partner的身份一同申請到加拿大。如果成功證明到他們連續同居多於12個月以上的話，Bob也可以得到三年的Open Work Permit，到加拿大一同工作。

到埗加拿大後， Patrick只需要工作12個月，就可以透過救生艇的stream B申請永久居民身份。而同樣地，他的同居男朋友，也可以以common law partner 的身份一同申請永久居民。最後二人成功移民加拿大。其實如果Patrick到埗後，選擇繼續進修也可以，只需要多申請一個學生簽證，讀一個兩年期的文憑課程或者一個學士學位。在他成功畢業之後，他也可以透過救生艇的screen A申請永久居民身份。

個案三：

1家3口，夫婦二人45歲，兒子15歲。夫婦二人20年前大學畢業，之後二人因工作關係，過去五年間，畢業於多個短期的證書課程。二人英語雅思考試都只有5分。

由於他們的專業證書課程，程度都低於兩年期的文憑課程，因此，雖然他們在過去五年內畢業，但夫婦二人都不符合Open Work Permit 的申請資格。跟第一個個案一樣，由於他們不符合Open work permit 的申請資格，他們來不了加拿大工作，救生艇的Stream B他們也不適用。因此他們剩下的只有Stream A.

雖然他們二人的英語比較低分。而加拿大大學學術性科目入學要求一般都需要6分或以上，但係其實有一些職業性的課程，例如汽車維修、廚藝課程，入學的英語水平會比較低，雅思5.5分都已經可以。所以他們需要認真補習英語，以提升自己的雅思分數，才申請入學。以他們的學術程度，如果他們的IELTS分數夠6分的話，他們可以考慮讀碩士，或兩年以上的文憑。如果只有雅思5.5分的話，也可以考慮一些職業類的課程。但他們不可以讀那些一年的post graduate certificate 或Diploma，因為他們過去五年內沒有文憑畢業。如果最終他們在加拿大境內的碩士或兩年期文憑畢業的話，就可以如個案一一樣，透過Stream A一家人申請永久居民身份，移民加拿大。

總結以上三個案例，簡單說明左，如果過去五年沒有文憑畢業，就不符合資格申請open work permit。沒有Open Work Permit，就用不了stream B。剩下就只可以選擇stream A的途徑，就係到加拿大讀書，之後申請永久居民。而用stream A，也要讀一些兩年期文憑以上程度的課程，最後才會合資格申請永久居民身份。

Ted Sir用三個不同的真實個案，演繹怎樣利用救生艇成功加拿大移民，透過讀書移民，Stream A，Opne Work Permit Stream B 這最快捷及成功率最高嘅方法成功移民加拿大。你可以喺例子入面找出同你最相似嘅個案，參考入面Ted Sir所建議嘅...

06/10/2021

https://youtu.be/K1OTe8PNT6A
Ted Sir 在片段中，會示範如何支付香港人救生艇中Open Work Permit工作簽證的申請費用Work Permit Processing Fee。

在加拿大香港人救生艇計劃中， Open Work Permit 的Open Work Permit Hoder Fee 是豁免的，但申請人仍需要支付申請處理費Work permit processing fee. 但在網上申請系統中，申請費用卻顯示是零，申請人需要在另一個版面先支付申請費，然後再把收據上傳到網上申請系統以作證明。詳情操作請看以上短片。

大家也可以直接到以下連結，直接支付申請費用
https://eservices.cic.gc.ca/epay/order.do?category=17
政策官網
https://www.canada.ca/en/immigration-refugees-citizenship/services/work-canada/permit/open-work-permit-hong-kong-recent-graduates.html

Ted Sir是加拿大註冊移民顧問，長居加拿大溫哥華。曾於香港入境處出任高級督察，13年以上豐富簽證審批、執法經驗。已成功協助逾650家庭移民。Ted Sir提供1對1專業移民咨詢服務，歡迎透過以下方法直接預約。
Whatsapp: https://wa.me/message/CDYCXD5OLW6XC1
Email: [email protected]
Facebook: https://www.facebook.com/TedSirCanada/
Homepage: https://www.immiacademy.com

Ted Sir 定期上載有關加拿大移民、香港出入境政策及移民加拿大的生活實用資訊短片。歡迎訂閱Ted Sir的Youtube Channel，獲得更多最新一手移民資訊。

#加拿大移民
#加拿大香港人救生艇
#加拿大工作簽證
#加拿大讀書移民
#救生艇申請流程
#如何支付救生艇申請費

Ted Sir 在片段中，會示範如何支付香港人救生艇中Open Work Permit工作簽證h的申請費用Work Permit Processing Fee。在加拿大香港人救生艇計劃中， Open Work Permit 的Open Work Permit Hoder Fee 是豁免的，但申請人仍需要支付申請...

06/08/2021

千呼萬喚始出來。今日，2021年6月8日，加拿大移民局終於公左香港人加拿大救生艇計劃嘅詳情同申請方法。計劃下包括兩個直接申請永久居民嘅途徑。以下的Youtube短片我會為大家一一詳細解釋。https://youtu.be/lIW6D0EQ8Uk

今次嘅詳細政策公佈，主要係補充翻上次政策公佈入面，未有詳細解釋細節嘅部份。包括確實嘅申請資格、申請方法以及政策嘅結束日期。如果之前冇了解過加拿大香港人救生艇計劃嘅朋友，可以睇返我之前這條短片，先了解一下政策的大概情況。https://youtu.be/tpZ2i4FHL9w

今次政策公布入面，正式將兩個申請永久居民嘅渠道定名為Stream A同Stream B。Stream A 係讀書移民計劃，而Stream B 係透過在加拿大本地工作12個月申請移民嘅計劃。

兩個stream都有一啲相同嘅基本申請條件。譬如最基本嘅，係申請人必須在申請的時候身在加拿大、持有香港特區護照或BNO護照、在加拿大持有臨時居民身份、有意欲繼續在加拿大內，魁北克省以外的地方居住、英文或法文水平必須要在讀寫聽講四個範疇內達到Level Five，即係CLB 5。以IELTS General training module 來講的話，就係在閱讀方面4分、及其餘科目5分。詳細的IELTS 同CLB的對照表可以在以下連結找到https://www.canada.ca/en/immigration-refugees-citizenship/corporate/publications-manuals/operational-bulletins-manuals/standard-requirements/language-requirements/test-equivalency-charts.html
老實說這個英語水平，是非常低的要求。我相信很大部份有中學後學歷的朋友，都可以輕易達標。申請人只可以申請其中一個Stream，而唔可以同時申請兩個Stream 。

針對Steam A即係讀書移民嘅途徑來講，同我早前的推測一樣，除咗以上基本要求外，申請人需要喺提交申請前嘅過去三年內，在加拿大境內的一所DLI學校，最少畢業於一個為期兩年嘅文憑課程。而理所當然，文憑程度以上的學士、碩士及博士學位也會合乎資格。比較特別的是Graduate Diploma或者Grauduate Certificate 都可以合乎資格。

這個 Graduate Diploma或graduate certificate 的課程長度最少要為期一年。而且申請人必須要在這個Diploma或certificate 之前5年內，已經完成過一個中學後程度(post secondary)的文憑或學位。這個Graduate Diploma或graduate certificate ，其實係方便左一啲在過去五年內，已經完成了中學後程度課程的申請人士，來加拿大讀最短一年的Graduate Diploma或graduate certificate課程就可以直接申請永久居民。

之前提到的DLI 即是designated learning institutions, 要知道學校是不是DLI，可以參考以下網址
https://www.canada.ca/en/immigration-refugees-citizenship/services/study-canada/study-permit/prepare/designated-learning-institutions-list.html

而針對Stream B，除咗一開頭講嘅基本資格外，一如我在之前嘅短片內所推測一樣，申請人需要在過去五年內，在世界上任何地方，完成一個等同於加拿大境內，兩年期文憑程度的課程。而同樣地，在過去五年內，畢業於境內或境外的一年期Graduate Diploma或graduate certificate課程也都可以合乎資格。除咗學歷要求外，申請人在申請前的三年之內，也必須擁有加拿大境內12個月全職的工作經驗。同等工作時數的兼職工作經驗也可以合乎資格。總之就要在申請前的三年內做夠1560個小時。

非常值得留意嘅係，政策公布當中，並沒有指明工作職位及職位水平NOC需要是什麼，因此工作的職位及水平根本並不在申請要求之內，即是話工作經驗只需要在加拿大是合法的，不管職位高低都可以合乎資格。例如咖啡店職員、清潔工人、貨倉理貨員等職位的工作經驗都可以合格。這樣寬鬆的工作經驗要求，對於現在拿着Open work permit來加拿大工作的朋友，將會是一個非常大的喜訊。雖然如此，全職學生讀書時所做的兼職時數、自僱人士、加拿大境外的工作時數、病假或產假中的時數，不會被計算在工作時數當中。

總括來講，今次最新公布的香港人救生艇政策公布當中，清楚咁分咗兩個申請永久居民嘅渠道， stream A同stream B。兩個stream都有共同的申請條件要求，但都比預期的低得多，特別在英語水平及工作職位水平的要求上。在stream A中，申請人需要喺過去三年内，在加拿大境內的DLI學校，完成一個為期兩年的中學後文憑。在Steam B中，申請人需要在加拿大有12個月嘅工作經驗，不論職位高低。這兩個直接申請永久居民的途徑，既沒有年齡限制，也沒有資產要求，亦不用投資，是香港人移民加拿大千載難逢的好機會。但係這個救生艇計劃有截止申請日期，就係2026年8月31日。所以，有興趣申請嘅朋友就記得係截止日期前提出申請，千萬不要錯過了申請時間。

https://www.canada.ca/en/immigration-refugees-citizenship/services/immigrate-canada/hong-kong-residents-permanent-residence.html

#加拿大香港人救生艇
#加拿大移民
#加拿大移民條件

#加拿大讀書移民
#加拿大工作簽證
#加拿大永久居民
#加拿大技術移民
#加拿大移民政策
#加拿大移民2021
#移民加拿大條件

06/05/2021

到底搞個加拿大移民要洗幾多錢？身家要有幾多先至得？要預備幾多錢先可以在加拿大生活到？相信這些問題做到是很多想移民加拿大的朋友心中的疑問。在這條短片中，我將會為大家一一解答。

#加拿大移民
#移民費用
#加拿大生活費

Ted Sir詳細解釋加拿大移民的洗費費用，2021年最新的簽證申請費、中介費、資產身家最少要多少、生活費需要準備多少。申請洗幾多錢，取決於你的移民途徑。其次，就係中介費用。四人家庭移民加拿大只需證明資產有大約150,000...

06/02/2021

加拿大經驗類(Canada Experience Class) PR申請分數進一步下降!

加拿大移民局於2021年5月31日，向Express Entry內加拿大經驗類(Canada Experience Class) 的申請人，發出申請PR的邀請Invitation to Apply(ITA)，入圍分數下降到380分! 共有5965人收到邀請! 這是繼2021年2月13日的歷史低分75分外，本年內最低的邀請分數。

在加拿大有12個月工作經驗，有意移民加拿大的朋友，應盡快登記加入CRS!下個獲邀請申請PR的人可能就係你!

https://www.canada.ca/en/immigration-refugees-citizenship/services/immigrate-canada/express-entry/submit-profile/rounds-invitations.html

#加拿大移民



#加拿大經驗類移民

05/27/2021

https://youtu.be/tpZ2i4FHL9w
Ted Sir詳細解釋加拿大移民局，2020年公佈的香港人救生艇政策，包括條件寬鬆的加拿大開發式工作簽證、加拿大讀書移民及加拿大永久居民特快申請途徑。片中解釋申請條件及方法。不用投資，毋須僱主，最快可1年直接申請永久居民身份。條件比技術移民Express Entry更低。

香港人救生艇2+1政策，包括兩個申請永久居民及一個開發式工作簽證的移民途徑。
片中提到的DLI List 可以在這裡找到
https://www.canada.ca/en/immigration-refugees-citizenship/services/study-canada/study-permit/prepare/designated-learning-institutions-list.html
片中提到的National Occupational Classification (NOC) system可以在這裡找到
https://www.canada.ca/en/immigration-refugees-citizenship/services/immigrate-canada/express-entry/eligibility/find-national-occupation-code.html
加拿大移民局的香港人救生艇政策全文，可以在這裡找到
https://www.canada.ca/en/immigration-refugees-citizenship/news/2020/11/measures-to-support-hong-kong-residents-including-youth-to-come-to-canada.html

Ted Sir是加拿大註冊移民顧問，長居加拿大溫哥華。曾於香港入境處出任高級督察，13年以上豐富簽證審批、執法經驗。已成功協助逾650家庭移民。Ted Sir提供1對1專業移民咨詢服務，歡迎透過以下方法直接預約。
Whatsapp: https://wa.me/message/CDYCXD5OLW6XC1
Email: [email protected]
Facebook: https://www.facebook.com/TedSirCanada/
Homepage: https://www.immiacademy.com

Ted Sir詳細解釋加拿大移民局，2020年公佈的香港人救生艇政策，包括條件寬鬆的加拿大開發式工作簽證、加拿大讀書移民及加拿大永久居民特快申請途徑。片中解釋申請條件及方法。不用投資，毋須僱主，最快可1年直接申請永久...