18/06/2026
Di Ex hungador di RCA pa Doctorado den Lider Ehecutivo. Esaki ta e gran logro di Dr. Jesus Paesch.
Dr. Paesch tin un Doctorado den Administracion di Negoshi di Liberty University, un Maestria den Liderasco Estrategico y un Bachelor den Psicologia di Roberts Wesleyan University. Dr. Jesus Paesch ta un asesor ehecutivo, lider den asunto gubernamental, educador, y tambe ex-hugador internacional di futbol. Aรฑas tras aรฑas a sigui firme tras di su meta, y sin disciplina, perseverancia y determinacion, Dr Jesus Paesch no lo por a logra un titulo universitario asina grandi. Cria na Madiki Aruba, e la cuminsa hunga futbol cu River Plate, despues a bay hunga pa Racing Club Aruba (RCA), un di e clubnan di futbol mas renombra di Aruba.
Su talento, dedicacion y perseveransa riba cancha a crea un interes internacional, unda e por a sigui su estudio y carrera deportivo na Merca cu un beca di futbol universitario na aรฑa 2008. Mientras cu e tabata competiendo den NCAA Division II, e la representa Aruba internacionalmente tambe, demostrando cu su fuerte ta trabou den equipo y compromiso den su carera deportivo profesional.
Recientemente, Dr. Paesch a completa su Doctorado den Administracion di Negoshi (DBA) na Liberty University, un institucion reconoci nacionalmente pa educacion den liderasco y negoshi. E logro aki ta representa un momento importante den un trayecto cu a cuminsa como un estudiante-atleta buscando oportunidad pa medio di educacion y deporte. Nunca Dr. Paesch a wak adversidad como un obstaculo den su bida, pero mas bien un oportunidad pa fortalese su mes como profesional y un trapi estable pa sigui den e direccion positivo pa logra su meta.
Su exito academico ta refleha un compromiso continuo den excelencia ehecutivo y liderasco, abasa riba conocemento y evidencia. Benefisiando di un beca di futbol te asesor ehecutivo, profesor universitario y lider cu preparacion doctoral, ta un simbulo di inspiracion pa tur esnan di Aruba. Su carrera ta caracteriza crecimiento constante, resiliencia y dedicacion pa crea un impacto positivo den comunidad.
Dr. Paesch tin cu mas cu 15 aรฑa di experiencia impulsando iniciativa estrategico den organizacionnan complejo di sector publico, asesorando ehecutivo y lider den asunto gubernamental. E ta asesora lidernan ehecutivo riba iniciativa cu ta fortalece efectividad organizacional, modernisa prestacion di servicio, aumenta participacion di stakeholdersnan y mehora resultado pa comunidad.
Den su rol actual den Gobierno di Monroe County, Dr. Paesch ta brinda conseho estrategico riba iniciativa publico den un organizacion cu mas cu 40 departamento y 5,000 empleado. Su trabou tambe ta contribui na fortalecemento di responsividad institucional y expansion di acceso na recurso esencial pa comunidadnan diverso.
Ademas di su responsabilidadnan ehecutivo, Dr. Paesch ta sirbi como Profesor di Negoshi na SUNY Brockport, unda cu e ta duna les na pregrado y posgrado den liderazgo, administration management y comportamiento organizacional. E ta combina experiencia profesionalismo cu enseรฑansa academico pa prepara e siguiente generacion di lidernan. Laga Dr. Jesus Paesch ta un inspiracion pa tur cu ta duda den nan mes, duda den nan accion nan of duda den loke nos como Arubiano, por logra den bida! Nos ta desea Dr. Jesus Paesch tur clase di exito, y cu Aruba un dia, por beneficia di su expertisio aki na Aruba.
