16/06/2026
PA PUBLICACION INMEDIATO
Island Brothers Jiu Jitsu Team ta Representa Aruba cu Resultadonan
Sobresaliente na e Torneo Internacional MEDELLIN PRO 7 BJJ
E team Arubiano ta logra shete medaya na Colombia bou de liderazgo di Profesor Francis M.
Thode, Faha Preto 3er Grado den Brazilian Jiu Jitsu
ORANJESTAD, Aruba, Juni 2026, Island Brothers Jiu Jitsu Team a representa Aruba cu orguyo na
e Torneo Internacional MEDELLIN PRO 7 BJJ na MedellΓn, Colombia, caminda nan a presenta un
rendimento sobresaliente riba e scenario internacional. E prestigioso torneo di Brazilian Jiu Jitsu
aki a duna bonbini na competidornan di 11 pais, treciendo hunto atletanan di elite for di henter
e region i mas aya.
Esaki ta marca e di dos biaha cu Island Brothers Jiu Jitsu Team a competi na e torneo
internacional aki, reforsando asina e presencia di Aruba den e comunidad mundial di Jiu Jitsu.
Bou di e guia i liderasgo di Profesor Francis M. Thode, un Faha Preto Arubiano di 3er Grado den
Brazilian Jiu Jitsu, un di dos Faha Preto BJJ cu rango mas halto na Aruba, tres atleta di Island
Brothers Jiu Jitsu Team a carga e bandera di Aruba cu orguyo i a regresa cas cu resultadonan
impresionante.
Representando Aruba tabata Neville Thode, Rizzianna Rasmijn, i Jhostin Edu Flores Villaorduna,
kendenan hunto a logra un total di shete medaya pa Island Brothers Jiu Jitsu Team.
Neville Thode a competi den e Division Masculino Gi Faha Bina Master 1, +94 kg, caminda el a
demostra determinacion, disciplina, i habilidad tecnico, logrando un medaya di plata pa Aruba.
Rizzianna Rasmijn, un medayista cu a regresa despues di su exito na e MEDELLIN PRO 6 BJJ di
aΓ±a pasa, un biaha mas a brinda un rendimento excepcional. Competiendo den e Division
Femenino Gi i No-Gi Faha Blauw Adulto, -62 kg, Rasmijn a sigura cinco victoria i a logra un
medaya di oro i dos medaya di brons, demostrando su consistencia, crecemento, i excelencia
competitivo riba e scenario internacional.
Jhostin Edu Flores Villaorduna tambe tabatin un rendimento grandioso den e Division Masculino
Gi i No-Gi Faha Blanco Adulto, +94 kg. Flores Villaorduna a logra tres victoria, di cual dos tabata
pa via di sumision (submission) i uno pa punto, ganando un logro sobresaliente di dos medaya
di oro i un medaya di brons.
βE resultadonan aki ta mas grandi cu simplemente medaya,β Profesor Francis M. Thode,
Profesor Principal i lider di Island Brothers Jiu Jitsu Team a declara. βNan ta representa
disciplina, sacrificio, trabou den team, i e curason di Aruba. Nos atletanan a competi cu curashi i
respet, i nan a demostra cu Aruba ta pertenece riba e scenario internacional di Jiu Jitsu.β
Island Brothers Jiu Jitsu Team ta sigui crece como un academia di Jiu Jitsu respeta na Aruba i den
exterior. E team ta reconoci pa federacionan i organisacionnan internacional incluyendo IBJJF,
AJP, CBJJF, i Beltchecker.com. Island Brothers Jiu Jitsu ta afilia tambe na CT Bolao Rio de Janeiro,
caminda Profesor Francis M. Thode ta sigui su caminda den Jiu Jitsu como studiante bou di
Professor Rogerio Miranda i Master Sergio Bolao Souza.
E team a expresa un aprecio profundo na e sponsornan I socionan (partners) cu a haci e
participacion internacional aki posibel. Island Brothers Jiu Jitsu Team ta extende su sincero
gratitud na Lotto Aruba, New India Assurance, SETAR, XATECH, Boolchands, VXFC, JEG Trading,
Sun Bum, JR Auto and Home, The Casino, Aargos, i Best Miami Deals in Aruba.
E team ta duna tambe un reconocemento special na su socionan balora, Chikito Feneyte Budo
Hall Aruba i Accurate Security and Bodyguard Services, pa nan continuo apoyo i compromiso cu
e desaroyo di arte marcial na Aruba.
E exito di Island Brothers Jiu Jitsu Team na MEDELLIN PRO 7 BJJ ta resalta e crecemento
continuo di Brazilian Jiu Jitsu na Aruba i e dedicacion di e atletanan local cu ta entrena cu
disciplina, humilidad, i orguyo nacional. E team ta keda comparti e compromiso pa desaroya
atleta, inspira e siguiente generacion, i sigui representa Aruba na e nivelnan mas halto di
competicion internacional.
ππ€π¬ππ§ ππ₯π€π§π©π¨ stimulando y promoviendo deporte na Aruba Fast Delivery Services + Street Bites Aruba + Bushiri Karting Speedway + The New Rudsen Bar + Aruba Driving School
