23/05/2026
Շնորհակալություն Արման Թաթոյանին՝ «Պարի միջազգային մրցույթ-փառատոն 2026, Գյումրի» միջոցառմանը ներկա լինելու և մեր աշխատանքը գնահատելու համար։
Հատկապես գնահատելի էր այն հանգամանքը, որ հունիսին կայանալիք ընտրությունների ակտիվ փուլում նա ժամանակ գտավ այցելելու Գյումրի և իր ներկայությամբ արժևորելու սպորտային-պարահանդեսային պարերի նշանակությունը երեխաների դաստիարակության գործընթացում, բարձր գնահատելու մեր երեխաների ներդրած աշխատանքը և ընդգծելու այս գեղեցիկ միջոցառման կարևորությունը։
Արման Թաթոյանի ներկայությունը մեզ համար միայն պաշտոնական այցելություն չէր։ Նա այն մարդկանցից է, ում մեջ տեսանելի են մարդկային բարձր որակները, պետական մտածողությունը, պատասխանատվությունը և հասարակության տարբեր շերտերի նկատմամբ ուշադիր վերաբերմունքը։
Քաղաքական դաշտում նման արժեհամակարգ ունեցող մարդկանց ներկայությունը շատ կարևոր է, որովհետև հանրային կյանքը պետք է կառուցվի ոչ միայն խոսքի, այլև գործի, հարգանքի և իրական ուշադրության վրա։
Շնորհակալ ենք Գյումրիի, սպորտի, մշակույթի և մեր երեխաների կողքին լինելու համար։
Հարգանքով՝
Մարիաննա Մամյան
