22/07/2026
ՀԱՄԱՏԵՂ ՊԱՇՏՈՆԱԿԱՆ ՀԱՅՏԱՐԱՐՈՒԹՅՈՒՆ
«Shinkudo-ryu»-ի և մտավոր սեփականության իրավունքների վերաբերյալ
Ամսաթիվ՝ 21 հուլիսի, 2026 թ.
Հրապարակվել է՝
Կուդոյի միջազգային ֆեդերացիայի (KIF)
Դայդոջուկուի (Daidojuku)
Ազումա ընտանիքի (Դայդոջուկուի և Կուդոյի օրինական ժառանգներ և իրավունքների կրողներ)
Սույն համատեղ հայտարարությունը պաշտոնապես հրապարակվում է՝ հստակեցնելու մեր միասնական դիրքորոշումը մեր մտավոր սեփականության չարտոնված օգտագործման վերաբերյալ և կանխելու միջազգային մարտարվեստի համայնքում հետագա թյուրիմացությունները։
1. Իրավասություն և մտավոր սեփականության իրավունքներ
Կուդոյի միջազգային ֆեդերացիան (KIF) հանդիսանում է Կուդո մարզաձևը համաշխարհային մակարդակով ղեկավարող միակ միջազգային մարզական կազմակերպությունը։
KIF Tournament Rules-ը (KIF մրցումների կանոնները) հանդիսանում են KIF-ի հիմնական կարգավորող փաստաթղթերից մեկը և ֆեդերացիայի կարևոր մտավոր սեփականությունը։
Դայդոջուկուն (Daido-Juku) այն կազմակերպությունն է, որը ստեղծել է Կուդո մարտարվեստը և դրա հիմնարար փիլիսոփայությունը, ինչպես նաև միակ կազմակերպությունն է, որը պատասխանատու է Կուդոյի համաշխարհային զարգացման համար։
Դայդոջուկուի հիմնական և կարևորագույն գործառույթներից մեկն է Դան աստիճանների (Dan Grading) պաշտոնական հաստատումն ու կառավարումը։
«Daidojuku» (大道塾) և «Kudo» (空道) անվանումների, ապրանքային նշանների, հեղինակային իրավունքների և տարբերանշանների հետ կապված բոլոր մտավոր սեփականության իրավունքները հանդիսանում են Ազումա ընտանիքի (Կուդոյի հիմնադիր Տակաշի Ազումայի ընտանիքի) բացառիկ սեփականությունը և պաշտպանված են միջազգային իրավունքով։
2. Պաշտոնական հաղորդակցության ուղի
KIF-ի պաշտոնական կայքում (ku-do.org) հրապարակված բոլոր պաշտոնական ծանուցումները, մեկնաբանություններն ու որոշումները ներկայացնում են KIF-ի, Դայդոջուկուի և Ազումա ընտանիքի միասնական, պաշտոնական և վերջնական դիրքորոշումը։
3. Պարոն Իգոր Սամոխինի և «Shinkudo-ryu»-ի կարգավիճակը
Մենք հստակ հայտարարում ենք, որ պարոն Իգոր Սամոխինին (Ուկրաինայի նախկին Branch Chief) երբևէ թույլտվություն կամ լիազորություն չենք տվել օգտագործելու «Kudo» կամ «Daidojuku» անվանումները, ապրանքային նշանները կամ խորհրդանիշները։
Բացի այդ, մենք չենք ճանաչում «Shinkudo-ryu» (新空道流) կամ «Bujinkai» (武人会) կազմակերպությունները որպես մեր մարզաձևի հետ փոխկապակցված, բարեկամական կամ պաշտոնապես ճանաչված կազմակերպություններ։
4. Հրահանգներ և մտավոր սեփականության իրավունքների խախտում
Մենք ընդունում և հարգում ենք պարոն Սամոխինի նախկին ներդրումը մեր ֆեդերացիայի գործունեության մեջ և չունենք որևէ նպատակ խոչընդոտելու կամ միջամտելու նրա ապագա անկախ գործունեությանը։
Սակայն նրա գործունեության շրջանակներում.
«Kudo» և «Daidojuku» անվանումների օգտագործումը,
մեր պաշտպանված խորհրդանիշների (ներառյալ դոգիի, գոտիների, տարբերանշանների կամ վկայականների վրա) օգտագործումը,
ինչպես նաև մեր դպրոցի հետ գործընկերության, իրավահաջորդության կամ շարունակականության վերաբերյալ ցանկացած հայտարարություն,
խստիվ չարտոնված են։
Նման գործողություններն ու հայտարարությունները հանդիսանում են մեր մտավոր սեփականության իրավունքների ուղղակի խախտում և օրենքի խախտում։
Մենք հանձնարարում ենք աշխարհի բոլոր KIF-ի և Դայդոջուկուի մասնաճյուղերի ղեկավարներին, մարզիչներին և անդամներին օգտվել միայն KIF-ի պաշտոնական տեղեկատվական աղբյուրներից և տարածել սույն հայտարարությունը՝ մեր ուսանողներին պաշտպանելու և Կուդոյի ամբողջականությունն ու հեղինակությունը պահպանելու նպատակով։
Ստորագրել են՝
Կուդոյի միջազգային ֆեդերացիա (KIF)
Հիդեակի Տակահաշի
Դայդոջուկու
Կենիչի Օսադա
Ազումա ընտանիք
Կեյկո Ազումա
