14/10/2014
PËRFUNDUAN ANALIZAT 9 MUJORE TË ZYRAVE DHE SEKTORËVE NË NJËSINË BASHKIAKE NR.1
Nën drejtimin e kryetarit të Njësisë Bashkiake, gjatë javës së kaluar, u zhvilluan pesë analiza të sektorëve dhe zyravë të njësisë, si më poshtë:
- Sektori i Burimeve Ekonomike
- Sektori i Infrastrukturës dhe Kontrollit Urban
- Sektori i Burimeve Njerëzore
- Zyra e Gjendjes Civile
- Zyra e Ndihmës Ekonomike dhe Përkrahjes Sociale
Këto analiza prezantuan veprimtaritë 9 mujore, bazuar në Rregulloren e Brendshme të administratës, si edhe në Vendimet e Këshillit Bashkiak, Urdhrat, Udhëzimet dhe Vendimet e kryetarit të njësisë, Kërkesat dhe Ankesat e qytetarëve.
Analizat u karakterizuan nga transparenca dhe debati për të rritur përgjegjësinë në punë dhe shërbimin ndaj qytetarëve.
Pothuajse në të gjitha analizat u shtrua nevoja për trajnimin e personelit dhe përmirësimin e rregullores së administratës, si edhe të hartimit të rregulloreve për çdo zyrë dhe sektor.