14/11/2024
د نشه يي توکو پر وړاندې د مبارزې عامه پوهاوي کمپاين تر سره شو!
سپين غر د لوړو زده کړو مؤسسې د سپورت او بدني روزنې کمېټې له لورې، د نشه يي توکو پر وړاندې د مبارزې عامه پوهاوي کمپاين ـ پرون مازيګر (۲۳/۸/۱۴۰۳ نېټه) ـ په ټايګر د بدن ښکلا کلب کې تر سره شو.
د کمپاين پر مهال چې د مؤسسې ځينو اداري کارکونکو او د کلب د مسؤلينو په ګډون لسګونو تنو ورزشکارانو شتون درلود، د مؤسسې د محصلانو چارو مرستيال فضل الرحمن زيارمل د نشه يي توکو د جسمي او ذهني زيانونو په اړه وينا وکړه.
نوموړي ورزش د نشه يي توکو د مخنيوي يوه تر ټولو مهمه او اغېزناکه لاره وبلله او له ورزشکارانو څخه یې وغوښتل، چې د نشه يي توکو پر وړاندې د مبارزې عامه پوهاوی د دوی ايماني او انساني مسؤليت دی او بايد د ټولنې نور وګړي هم ورزش ته وهڅوي او په دې ډول په ټولنه کې د ورزش او بدني روزنې فرهنګ دود او پياوړی کړي.
د يادونې وړ ده چې سپين غر د لوړو زده کړو مؤسسه د ټولنې پرمختګ کې د ونډې اخيستنې اصل ته په پام سره وار له مخه له ټايګر او سيټي راک د بدن ښکلا کلبونو سره د ګډو همکاريو تړونونه لري، چې له مخې يې تر اوسه لسګونه تنه اداري کارکونکو او محصلين يادو کلبونو ته ورمعرفي او اوسمهال د هوکړه ليکونو مواردو له مخې په ځانګړو مالي تخفيفونو سره خپل ورزشي فعاليتونه تر سره کوي.
د نشراتو او ټوليزو اړيکو آمريت
Zamary Tiger
