https://www.facebook.com/107908748526101/

Doha Saber-coach, UAE, Dubai (2026)

17/08/2023

عمرك فكرت مرة ازاي تستغل خيال أطفالك الواسع في شئ مُثمر بعيد عن الشاشات؟

إي الفرق بين طفل مُبتكر وعندة وقت للقراءة والإبداع 📖👩‍🎨

ومابين طفل آخر كل وقته رايح للـ Games والكارتون 📱

مؤكد أنك هتقول أنا بوديهم تمرين وبينزلو النادي يشوفو ثقافات كتير لكن مش هو دة المحرك الأساسي لطفل مُبدع من الصغر عندة شخصية مُستقلة 👌🏻😎

من هذا المُنطلق قررنا نروي بذرة الإبداع في عقول وقلوب أولادنا ونخصص ليهم كامب مُميز 😍💪🏼

✨كامب سنه أولي شغل✨

الكامب دة بيشتغل علي محورين مع أولادنا⬇️

⬅️المحور الأول (إدارة المال)

هندرس فية :
◾️مفهوم المال والإدخار
◾️مفهوم الدعاية والتسويق
◾️الإحتياجات والرغبات
◾️ترشيد الإستهلاك وإعادة التدوير
◾️استراتيجيات التسعير
◾️فن البيع والتفاوض

الجانب دة المدربة الخاصة بية

ضحي صابر : مدربة علاقات وتخطيط وتنظيم

⬅️المحور الثاني (إدارة المشاريع)

◾️وإزاي نجيب فكرة وأسم للمشروع
◾️إزاي تعمل لوجو لفكرتك أو مشروعك
◾️أفكار لتصاميم مختلفة للمشروع
◾️مين الجمهور الخاص بمشروعك وإزاي توصلة
◾️إي المنصات الـ هنشتغل عليها
◾️إزاي تقنع الجمهور بمشروعك وتعمل محتوي تسويقي
◾️مشروع التخرج

والجانب دة المدربة الخاصة بية
متخصصة التسويق الرقمي:
رقية محسن

⬅️بعد الكامب الطفل هيكون قادر علي عمل مشروع خاص بالبيزنس بخطة تسويقيةلفكرة فعلية موجودة😍👌🏻

مدة الكامب : أسبوعين متواصلين
قيمة الإشتراك : ٦٠٠ جنية من داخل مصر ، 50 $ من خارج مصر

موعد بدء الكامب : ٢٨-٨-٢٠٢٣
وقت الكامب: ٦ م بتوقيت مصر

طريقة الإنضمام للكامب
هنسيب تعليق بكلمة (سنة أولي شغل)

وهيتم إرسال رابط الإنضمام الخاص بالكامب ثم إضافة الطالب لجروب الكامب بعد دفع الرسوم 🥰💪🏼

07/04/2023

قولولنا إى أخبار الهمة معاكم❓

وياترى حاسس بفتور ولا همتك مازالت عاليه❓

01/03/2023

ازاي اعرف اولوياتي وارتبها واقدر استمر ؟!

اوقات كتير بنمشي في الدنيا زي الانسان الآلي متبرمجين علي خطوات معينه وبنمشي فيها من غير منقف نفكر رايحة فين وليه وعشان ايه ؟!

تعالو نشوف سائق القطار بيمشي ازاي ؟!

هو ليه هدف وعارف وجهته وعشان يوصل للوجه دي بيحتاج يقف عند كل محطة ياخد الزاد بتاعو او يفضي حموله ورغم انه بيقف كتير عمره مجه في محطة قال ان مش مكمل خلاص تعبت من كتر الوقوف والتفضية والتحميل !

لانه ببساطة عنده هدف لازم يوصله والطريق للهدف ده محتاج اولويات اهم بكتير من الراحة او الاستسلام

وفي وقت بيجي عليه بيبقي لازم يركن ويروح يرتاح لان وقتها أولوية الراحة اهم بكتير من السعي

عشان كده بنحتاج نكون ماشين في طريقنا بثقافة سائق القطار ☺️

وقبل منحدد الهدف اللي هنسعي عليه لازم نفهم ان السعي ده ممكن يكون وراه سببين زي مقسمهم علماء النفس :

1.Approach goal

وده معناه اني بسعي للهدف ده عشان احقق نتيجة ايجابية

يعني مثلا انا هبدأ ببناء عادة القراءة عشان اثقف نفسي وازود وعي وانتفع بده في اجزاء هتنور في حياتي محتاج ليها ….

وممكن يكون

2.Advoidant goal:

وده معناه اني بسعي للهدف ده عشان اهرب من نتيجة سلبية او موقف سلبي اتعرضت ليه

ونفس مثال القراءة انا هبدأ اقرأ عشان فلان بيتريق عليا وبيقولي اني تفكيري سطحي ..او مش مثقف او جاهل او…..

وده بيخلينا نسعي للهدف ده واحنا حاسين بقلق وتوتر وضغط كبير

وبيكون سبب رئيسي فعدم الاستمرارية كمان للاسف

عشان كده بنحتاج حتي واحنا بنكتب اهدافنا ونرتب اولوياتنا نعيد صياغتها علي ورق بطريقة ايجابية وتحفيزية حتي لو جوانا افكار سلبية عن الاهداف دي

هنكمل بإذن الله المرة الجاية ايه تاني هيساعدنا نرتب اولوياتنا ونستمر وايه اللي بيعيق الاستمرارية وبيصعب علينا ترتيب
الاولويات

#الاولويات #الاهداف

26/02/2023

(لا يستطيع أن ينفع الناس من أهمل أمر نفسه ،فعناية المرء بنفسه "عقلاً ، وروحاً ، وبدناً" لازمة له ليكون ذا أثر نافع للناس)

"ابن باديس"

14/10/2022

سنن يوم الجمعة :

١.الاغتسال

٢.التطيب

٣.أحسن الثياب

٤.استخدام السواك

٥.التبكير للمسجد

٦.الصلاه علي رسول الله صلي الله عليه وسلم

٧.تحري اوقات الدعاء المستجابة

٨.قراءة سورة الكهف

❤️

13/10/2022

مرضتش اجيلكم بعد الغيبة دي وايدي فاضية 😅

طبعاً انا مش ماشية مع ولادي بفلسفة مونتيسوري بس بما اني دارساها فعارفة مدي صعوبة شرح الخمس دروس العظيمة خصوصاً ان فيها نظريات تخالف عقيدتنا !

من فترة كلمتني امي جميلة ومدربة حقيقي مجتهدة وممتازة اللهم بارك انها بعتالي هدية وبما انها من العملاء العزاز علي قلبي فرحت بيها 😍

الحقيقة فرحتي لا توصف لما اخدته وقرأته وشوفت مدي الاحسان والجمال في تبسيط وتوصيل المعلومات للاهل قبل الاطفال ومدي حرصها علي حذف كل ما يخالف عقيدتنا بل وربط الدروس دي بالقصص الانبياء بداية من نشأة الكون والخلق نهاية بخاتم الانبياء والمرسلين عليه الصلاة والسلام 💕

الحقيقة ان لو شوفت الاعلان بتاع العظمة دي عمري مكنت هطلبها لاني مش ماشية مع ولادي بالفلسفة دي والدروس دي كانت تقيلة علي قلبي جداً 😅 بس الحقيقة بحمد ربنا ان رزقني الفرصة دي لانها فادتنا كتير بمعلومات قيمة ومبسطة +تطبيق عملي لذيذ جداً اللهم بارك ❤️

حطيت صورة للمراجع الدينية اللي فاطمة واخدة منها دليلها الديني عشان تطمنو اكتر 💕

لو اي حد محتاج يشرح لولاده بداية الخلق ويحكي بطريقة مبسطة علي الانبياء بطريقة مرتبة شيقة يبقي يطلب الكتاب ده 👌

الطباعة ممتازة والالوان مبهجة والعرض شيق جداً اللهم بارك وحقيقي سعره بسيط جداً مقارنة بالجودة دي 💕

تقدرو تطلبوه من خلال صفحة م/فاطمة غنيمي

https://www.facebook.com/profile.php?id=100038965882483

ملحوظة :

ممكن الام تبدأ تشرح ده بالاستعانة 👇🏻من سن 5 سنوات تقريباً

15/09/2022

الحمدلله ❤️ تخريج اول دفعة من كامب غزل البنات علي خير 💕

أميراتي المتميزات اللهم بارك 💕

اسال الله ان ينفعهم بما علمهم ويعلمهم ما ينفعهم ويجعلهم من الصالحات المصلحات 🥰

12/09/2022

أزيكم عاملين اي يارب تكونو بخير😍

بدأنا إستعداد للدراسة 💪
وهنبدا ناخد شويه وقت إستجمام مع نفسنا وقت ما هما موجودين في المدرسة
ياتري اي أكتر نشاط تحبي تبدأي بيه يومك 🤔
يالا شاركينا ف الكومنتات 👇

05/09/2022

صباحكم سعادة 💕

الشخص المؤذي بيبقي عارف ازاي يصطاد فريسته !

03/09/2022

💕صباحكم سعادة 💕

كل واحد فينا بيحتاج للتغيير ومن كتر صعوبة الموضوع بنقف كتير واحياناً كمان بنستسلم !

20/08/2022

من القواعد اللي عملاها لنفسي في الشغل القاعدة الاولي

هو الحديث ده ❤️

اوقات كتير بكون حاسة اني مش قادرة او بمر بضغوط كتيرة او تعبانة جسدياً ……!

ولان مش دايماً العملاء بيكونو بيتعاملو بالطريقة اللي افضلها بلاقي نفسي ممكن اقول حاجة او اكتب حاجة فيها اندافعية او باسلوب غير لائق

وقتها بفتكر الحديث ده وافتكر اني اخدته قاعدة في شغلي فمبرداش ارد لحد مهدي وابدأ احط نفسي مكان اللي قدامي اللي اكيد بنسبة كبيرة مش عارفني ولا عارف انا بفضل انهي طريقة في الكلام

واللي كمان بنسبة اكبر كلامنا علي جهاز بيكون الاشارة اللي بتوصل منه مش صحيحة بشكل يخليني احكم علي الموقف بانصاف

عشان كدة برجع افكر نفسي بده 👇🏻

ايان كان اللي قدامي طريقته مناسبة ليا او لأ في الاول والاخر ده شغلي ولازم اسلمه ع اكمل وجه بدون ميكون فيه حساسيات او عدم عدل

وايان كان اللي قدامي ده طريقته مش الطف حاجة في الاول والآخر دي بتعبر عن اخلاقه هو مش اخلاقي فلازم افهمه باسلوب لطيف ولائق ان ده مش مناسب ليا ولا معايا واني مضطرة انهي النقاش

الحقيقة مفيش مبرر لاني ارد الاساءة بالاساءة لدرجة اني كمان اعمل المستحيل عشان اجيب ليفل الوحش في اكتر حد بيعرف ياخد حقه بالدراع انا ولا هي !

ولا فيه مبرر لاني افهم اللي قدامي غلط عشان خاطر الرسالة اللي وصلتي منه ضرب في حته عندي هو مالوش ذنب فيها فادي لنفسي الحق اني اهينه واجرح فيه عشان هو اللي بدأ معلش !

معرفة الناس كنوز وحقيقي طول ما احنا بنتعامل بالحديث ده 👇🏻هنلاقي علاقتنا بتنجح بشكل لا نتخيله وهنلاقي دايماً سيبين بصمة في حياة الصغير قبل الكبير والعدو قبل الحبيب 😉

فتكم بعافية 🥰

31/07/2022

اوقات كتير كنت بلاقي نفسي مضايقة ان جتلي رسايل فيها سؤال او استشارة وانا مردتش عليها وانشغلت

كنت بقعد فترة طويلة ضميري يأنبني وبحاول اسيب اي حاجة مهمة في ايدي وانا بقنع نفسي او نفسي اللي بتحاول تقنعني😄

حرام يمكن حد محتاج حاجة ضروري /يمكن ردك عليه يخليه يقدر ياخد قرار /يمكن ربنا رزقك بالشخص ده عشان تكوني سبب في مساعدته

مع الوقت اكتشفت ان الدايرة مش بتنتهي وان اللي بتردي عليه مرة بيبعتلك بعدها الف مرة وع اسئلة واستفسارات فعلاً مش كارثية مثلا ولا تخصصك لدرجة ان مرة أم بعتتلي بنتي هتم 5 شهور بعد اسبوع ادخل اكل ولا والمشكلة انها قعدت ترن ماسنجر عشان اشوف الرسالة اللي هو مقدرتش من نرفزتي غير اعملها بلوك 😔

وبتلاقي زحااام من الرسايل اللي مستنين رد زي معودتيهم ووقتها بكون بين ان الاولوية دلوقتي لايه وبين حرام سيبي اللي في ايدك واجبري بخاطرهم وساعديهم لو تقدري ولو بنصيحة !

لقيت نفسي مش بتقدم والناس دي ع قد الدعا اللي بيدعهولي ع قد مبقيت حاسة ان حدودي منتهكة واني مستغلة بطريقة مباشرة او غير مباشرة

وقتها كان لازم اقف مع نفسي واشوف انا بخسر ايه قصاد ايه ؟!

وهل الطبيعي ان وقتي يبقي مستباح واني ابقي متاحة دايماً وان حدودي تبقي مش متشافة ولا ده غلط ؟!

وبما اني بحب ارجع كل حاجة لأصلها حاولت اشوف ديني بيقولي ايه عشان ضميري يرتاح واطمن وافكر نفسي بده

)
: يَا أَيُّهَا الَّذِينَ آمَنُوا لا تَدْخُلُوا بُيُوتاً غَيْرَ بُيُوتِكُمْ حَتَّى تَسْتَأْنِسُوا وَتُسَلِّمُوا عَلَى أَهْلِهَا ذَلِكُمْ خَيْرٌ لَكُمْ لَعَلَّكُمْ تَذَكَّرُونَ ۝ فَإِنْ لَمْ تَجِدُوا فِيهَا أَحَداً فَلا تَدْخُلُوهَا حَتَّى يُؤْذَنَ لَكُمْ وَإِنْ قِيلَ لَكُمُ ارْجِعُوا فَارْجِعُوا هُوَ أَزْكَى لَكُمْ وَاللَّهُ بِمَا تَعْمَلُونَ عَلِيمٌ ۝ لَيْسَ عَلَيْكُمْ جُنَاحٌ أَنْ تَدْخُلُوا بُيُوتاً غَيْرَ مَسْكُونَةٍ فِيهَا مَتَاعٌ لَكُمْ وَاللَّهُ يَعْلَمُ مَا تُبْدُونَ وَمَا تَكْتُمُونَ)[النور: 27 - 29].

والنبي ﷺ قال: الاستئذان ثلاث، فإن أذن لك وإلا فارجع [رواه مسلم]

يعني انا لو عايز ادخل بيت حد استئذن ولو قالي ارجع فارجع عادي من غير مضايق لان ده ازكي ليا وطاعة لله سبحانه وتعالي ؟!

في حماية للحدود اكتر من كدة ؟!🥰

ركزت ان لو انا عملت مع حد كدة وجه عندي خبط والوقت مكنش مناسب قولتله ارجع مش مناسب هيعملها مشكلة ومش بعيد يقطع علاقته بيا !

وبردو لما حد يبعتلي رسالة واقول مش مناسب ليا ارد ع كل رسالة تجيلي هيزعل وممكن يقول عليا اللي متقالش !

بس انا بقي كضحي عايزة اعمل اللي يرضي ربنا وضميري ولا اعمل اللي يعجب الناس ويسببلي اذي فيبقوا بيخدوا مني حاجة بسيف الحياء ؟!

هنا وقفت ولقيت ان ربنا سبحانه وتعالي اعلم بنفسنا منا انا ممكن مرة ولا مرتين ولا حتي تلاتة ارد وانا فعلاً راضية بده وعايزه اساعد بس بعد كدة زي محصل معايا هحس بتقل ده وهيكون عبء عليا !

فهل كدة انا بعمله من باب صنائع المعروف ومَن كانَ في حَاجَةِ أخِيهِ كانَ اللَّهُ في حَاجَتِهِ، ومَن فَرَّجَ عن مُسْلِمٍ كُرْبَةً، فَرَّجَ اللَّهُ عنْه كُرْبَةً مِن كُرُبَاتِ يَومِ القِيَامَةِ

ولا من باب اني مضطرة !

اكتر حاجة هتخليكي قادرة ترتبي اولوياتك صح هي انك تحمي حدودك وتعرفي تقولي لأ مش مناسب ليا /مش هقدر /مش هينفع لما تحتاجي لده فكري كويس انتي بتحمي حدودك فعلاً ولا مش قادرة ؟!

وياتري انتي كمان بتساعدي ولادك يحمو حدودهم ولا انتي العكس ؟!

قوليلي قررتي تعملي ايه ان شاء الله عشان تحمي حدودك وحدود ولادك❓

Doha Saber-coach

17/08/2023

07/04/2023

01/03/2023

26/02/2023

14/10/2022

13/10/2022

15/09/2022

12/09/2022

05/09/2022

03/09/2022

20/08/2022

31/07/2022

Address

Telephone

Website

Alerts

Contact The Business

Shortcuts

Share

Category