Axialtravelers

22/08/2025

22/08/2025

مالها و النضال ود مدني؟
شوفوا مفتش المشروع كبرها بي وين

قالوا ليك دكتورنا الشاعر نزل ليك في اليوتيوب نستولوجيا الماضي نشيد القروية إرهاصات الوعد بالوزارة ام الكوليرا أها و ياريت تكتب الكلمات دي بدلها وانا متبرع ليك بيهن كورتسي لأني مواليد الخرطوم وربيب الريف ومغترب العمر فلا القرية ولا الخرطوم شافوا الدنيا اصلا فما تغشوا الغلابة.
الخبر الشائع حاليا إنه القيامة عصر الأربعاء القادم اعملوا حسابكم احتياطيا افضل نصدق الناس ويمكن لمن نصدق الحديث ونبقى حاجه كده بعد الحرب وإن الله على كل شي قدير.

لا لا متين نشوف الخرطوم
قالوا ليك كان شفتو
الناس عديل همجيه
والبيقتل يسفح في دمانا سويا
يكبر الله الخلقه
تقول ضبحله سعيه
لا لا ده زول
يديهو عفيه
…
لا لا انتي يا قرويه
بدون فهم مخدوعة
لا نافعه لا الخرطوم
لا مشاريع مرويه
كله كذب كبير
كلو بيقول حاميها
وكلهم كان شفتي
بيسرقو الماهيه
والدرب والسلفا
عنبر الأطفال
والمريض والكرسي
البلد خربانه
النفوس تلفانه
و الكروش مرعيه
يلا لمو الذاتي
يلا جيبو العوني
نبني بيهو معسكر
احلى من مدنيه
بكره تاني يكسر
وتاني فوقنا يبشر
وتاني الله يكبر
انت زول الهامش
ولا زول المركز
كله رايح مرقه
والكذب عصريه
الليله الليلا يا قرويه
لا لا متين نشوف الخرطوم
يلا اختف واجري
بتكبر الضبطيه
للبجيبو الخرشه
في البحر مشحونه
والبغنى معاهم
ببقى اشطر قونه
لا لا متين نشوف الخرطوم
بدون كوادر حزبي بدون
رجال بي سونكي
وبي طريقا شقا
بالترام وخليل
عزه تصبح عزه
وترجع الوطنيه
كان الفلم محضور
نمشي بانت سينما
فيها قصه قويه
و كلهم في الكضبه
انشاء الله بالميسور
لا غرب هنا نافع
للشرق مضيور
لا الشمال بيجي منه
والجنوب الطار
يا حليل ناس بور
والجزيره حليله
لما كان النيل
جاري زي بابور
وأتبره بقطارها
والفرك قطنيه
والحرير دمور
والفرير دمور
والبنتي سودانيه
انتي يا قرويه
جايبه لينا اللوم
لا نافعه وسط الحله
لا فرهدت خرطوم
أخير نعود لي الله
يمكن نلاقي غفور
لا لا الليله
يال الخرطوم
جبتي للسودان
اللمامه كتيره
كان نغني لبكره
الوطن ما ديل
ما بشبهو البشريه
بشبهو الساطور
ديل موات القلبي
المافيهو انسانيه
فيهو حب المال
الجهل في النيه
عروسنا من غير
راس بترجى علوميه
البلد بي ديل
البلد مظلوم
لا لا الليله يا قرويه
طارت الخرطوم
بي غبا ومظالم
والكذب بالدين
والتحلل عصري
والزكاه شهريه
و دون يحول الحول
شوف دي فتوى قويه
وهل في سلب الروح
او خراب البيت
أفعال رجاله نصاح
و باختصار يالفقرا
ما بسيبو الكرسي
كان يجيك بالفتنة
كان يجيك بسلاح
أكبر الله وأقول
نبدا دولة كوش
والعنج والفونج
والمقره وعلوه
وسوبا امي عجوبا
ده الزمن تاريخي
نبدأ عالم تاني
نكبر الله نقول
لينصر المصباحي
وينصر البهتاني
وينصر الحميضه
وينصر المشتركه
و ينصر البجاوي
وينصر الشلكاوي
وينصر الشكريه
وينصر الشايقيه
وينصر الجعليه
وينصر الدارفوري
وينصر النوباوي
وتغترب محسيه
وينصر الكيزان
ويهزم النسوان
ويهزم الأطفال
والحريم والعجزه
في كل وادي وحله
ويسكنوها الجني
معسكراتك لأجي
في بلدنا الجوه
و جوه الجوه
و البلد محروسه
بي جيوش معروفه
بي عروش قونات
لاعدو من بره
لا عدو من جوه
فليهزم السودان
ما أصله كضبه قويه
لا لا الليلة يا قرويه

يادكتور معز العردت منها نجيض والله حتى المنفسنين والمنتحرين لا يسفكون الدم ولا يكبر معهم أهل الموتى فرحين نحتاج الى علاج نفسي وأدوية تسكب في النهر كما فعل الدجال السابق بي بيرة مصانع بحري وقال النهج الإسلامي لماذا ولحدي اليوم دي السكره الراكبة.

انتبهوا أيها السادة
شيخ النذير دكتور المجانين

22/08/2025

Hi everyone! 🌟 You can support me by sending Stars – they help me earn money to keep making content that you love.

Whenever you see the Stars icon, you can send me Stars.

14/10/2024

رب لحد قد صار لحداً مراراً
ضاحك من تزاحم الأضداد….
الله أكبر…طراخ …تكبير…طراخ…تهليل…
بكره مدارس جامعات و مستشفيات بهرجه أعراس ومهرجانات
مافي متع تاني؟؟؟
نمشي الحج ناكل فراولات
نزرع نحاكي سويسرا وورودها
قعاد تحت النيمه ساي مافي؟؟
صلاة التروايح طولها
يا شاكر بكره واحد يخر لنا هنا
قل هو الله احد دي ما لينا ؟

العدوان و السفك والقتل وآيات القرآن وأكان انتو مجاهدين بالجهتين هنا وهناك بتكبروا فوقنا وصادقين والاتنين مستشهدين بآيات من راسكم فتاويكم والحافظ ليهو ايه ايتين يسمعنا بالله عليكم....
مالكم مدخلين ربنا في الكذب الدنيوي والجريمه مالكم علينا إن الله سبحانه وتعالى لم يأمر لا بالإثم ولا بالعدوان ولا حتى بقتل الحمام في الشهر الحرام خلي المهازل دي البتكبروا فوقنا ليل نهار شهر سنوات دي.
الحكمة النكتة
البروفيسور كمال شداد في جلسات قديمه مع إتحاد الكرة ومعارضيه من اللجان التي خالفته الرأي تريد إسقاطه من رئاسة الاتحاد المهم النقاش مدور قام قالوا نقسم نحلف بالله على المصحف الشريف قاليهم شغلتكم دي كوره وفارغة وكذب وتضليل خلوها زي ماهي بدون حلفان ودخيل ربنا والقرآن الكريم في القصة الفارغة صدق البروف والله.

ومادامت انتصاراتكم من الله يا "الطرفين زعلينا" فهو يعلمها دون حلفان ثم انه سبحانه لا يكافئ على جهركم في العمل وصداعنا ده و لا بالسوء و لا يرضاه عمل رياءاً حتى في الخير .
والمجاهرة بعمل الخير مكروهة أيضاً ناهيكم عن شركم المستطير و لو اعتبرنا من يوم عرفناكم عملتوا فينا خير وين أشروا لينا عليه شان نكبر حرامي يتقطق حرامي يطقطق راسنا نحن ؟؟؟؟؟…………………….
كله عملكم شرور
و ببساطة لما اختارت القبائل بكل ألوانها الفرار في كل اتجاه وحتى الغرق في مراكب المتوسط والسنبوك و لسان حالهم....
الموت خلفي والعدو إزائي ضل الطريق الي الرجوع ورائي……………………..
الله اكبر على منو وعلى الشايل شنو والكاتل جاروا وحارق بيته وحلته والفرقان والمدن وكله… ؟
منو ضد منو وعلى منو اللعب ده هامان وفرعون والكهنة الغلاد ضد اي طفل فهم اللعبة دي مافي غشات معانا تاني كلهم راجينكم تكملوا طلقكم عشان يطلعوا كراريس جديدة ويكتبوا اول السطر كان فيما مضى دلابين ودلاقين كتلونا نحن وعملوا حلوين...
قال دولة ستة وخمسين والله من يوم قامت لكم قائمة

انتو البلد الصاح في الناس الغلط

تجري من تحتها الانهار ويحوم فيها الغربان والبلهان وشعارها معروف
قال حين خط المجد في الارض دروبا ...كضاب....
اخر مجد كان وانتهى من البداية
تمرد جنود كوش انهى المجد كله
من بداية الفونج والعبدلاب وعرفناكم سوداً كنتم أم بيضاً عربأ أم زنجاً بلاد الجهال و المجهلين عبارة عن الشايلين السلاح متقاتلين علشان خاطر زول لحدي يوم القيامة العصر والغريبه مكبرين الله !!!!!!!!!!!!!!!!!!.
أبي العلاء المعري وصفكم وقال"رب لحد قد صار لحداً مراراً ضاحك من تزاحم الاضداد…بكره بتتلاقوا في مقابر واحدة سوا تخيلوا نفس قصتكم سنين والمسلس المعاد.
امس واليوم كفرتهم وكبرت فوقهم واتفقت وكبرت وهللت معاهم و هو و هم من يعظكم تارة بالقرآن وهو هم من فطس خلاوي القراءن وأطفال الخلاوي اليتامى الان شرد الجميع حتى هو هم هما الاثنين مشردان… ايدوهم ايدوهم لكن لا ينظر أياً منهما في المنظره العادية "المراية" حقت لوري السفنجه المكسره و جاي تفتش الماضي و قرائن الاتهم والاثبات والحصل والماضي معاد ومكرر من يوم تبينا قمنا ربينا متفاسلين متقاتلين حالفين الله اكبر و حماقة السنين القيامة قربت يا عوره باللفه الجايه جهنم راس القاتل والمقتول.
ومن قتل يقتل ولو بعد حين.
"عمنا الفكي شيخ الخلوه بقول ليهو اليتامى ديل أمانه ماحقني خليهم يمشوا اهلهم والخلوة حقتي مامشكلة كان حرقتها و قتلتني مافارق" بلا قاليك الله أكبر وحرقها بي اليتامى والألواح وطفى نارها بالنار فهم والله بعداك جونا في محلتكم دي في "التللللليزيون ده" وقالوا لي بعضهم وهم في جلسة غزليه أدونا فتوى كده سريعه و الله شاهد على الكل و الأحسن طبعا العقل زينه امشوا السلام وروقوها المنجا احسن للكل اصلاً الفضيحة والسترة متباريات و لي يوم القيامة لا للحرب أصلاً موضة الحروب انتهت كلموهم الناس ديل الله عالم..
شعب امين امانه في الكضب على نفسه والله و مبدع في الكذب وأمين في البلاهه ومصطف مع الرجال ….البلهاء ورا الزرقا.
قال تعالى
"وَإِذْ قَالَ اللَّهُ يَا عِيسَى ابْنَ مَرْيَمَ أَأَنتَ قُلْتَ لِلنَّاسِ اتَّخِذُونِي وَأُمِّيَ إِلَٰهَيْنِ مِن دُونِ اللَّهِ ۖ قَالَ سُبْحَانَكَ مَا يَكُونُ لِي أَنْ أَقُولَ مَا لَيْسَ لِي بِحَقٍّ ۚ إِن كُنتُ قُلْتُهُ فَقَدْ عَلِمْتَهُ ۚ تَعْلَمُ مَا فِي نَفْسِي وَلَا أَعْلَمُ مَا فِي نَفْسِكَ ۚ إِنَّكَ أَنتَ عَلَّامُ الْغُيُوبِ (116)"